(1:36 / 10.44Mb / )

"Ак Илбирс": Аринбасарованын жылмаюсу менен номинанттардын кубанычы

129
(жаңыланган 19:48 14.05.2016)
Сынакка катышкандар 16 номинация боюнча ат салышып, анын ичинен он номинацияда "Сүтак" тасмасы жеңишке жетишти. Андан сырткары "Аруулук балдары","Шакек", "Биртууганчик" картиналары, чет элдик тасмалардын ичинен Өзбекстандан келген "Дом для русалок" кинофильми номинацияларга илинди.

Андан сырткары дүйнөлүк кинематографияга кошкон салымы үчүн РФтин эмгек сиңирген артисти Наталья Аринбасарова, ал эми улуттук кинематографияга кошкон салымы үчүн белгилүү режиссер Нуртай Борбиев сыйланды. 

Ал эми "Сүтак" тасмасында эрекектин мыкты ролу үчүн номанацияга ээ болгон КРдин эл артисти Табылды Актанов кино айдыңына кеч келип, сыйлыкты эрте алып жатканын айтып, элди күлдүрдү. 

Салтанатка кыргызстанданы киноөнөрүнө тиешеси бар чыгармачыл адамдар, коомчулук, өкмөт өкүлдөрү жана депутаттар катышты.

Sputnik Кыргызстан маалымат агенттиги "Ак Илбирс" улуттук киносыйлыгынын расмий өнөктөшү болуп саналат.

129
Белгилер:
жеңүүчү, "Ак Илбирс" улуттук киносыйлыгы, Наталья Аринбасарова
Тема:
"Ак илбирс" — 2016 (14)
Тема боюнча
"Сүтак" "Ак Илбирстин" баарын илип кетти

Индия: премьердин туулган күнүндө 100 шар жарылып кетип, адамдар жабыркады

173
(жаңыланган 13:00 22.09.2020)
Индияда бир боого байланган 100дөн ашык шар жарылып кетип, 30дай киши жабыркады. Учурда жабырлануучулар ооруканада жатат.

Окуя 17-сентябрь күнү Ченнай шаарында болгонун Times of India агенттиги жазды. Эл көчөдө премьер-министр Нарендра Модинин туулган күнүн белгилеп жаткан. Уюштуруучулар бир боого байланган 100дөй шардын жанында фейерверк аттырып, жыйынтыгында шарлар жарылып кеткен. Видеодон ошол маалда кадимкидей жалын чыгып кеткенин көрүүгө болот.

Кара түтүн менен кызыл жалын каптап... Бейрутта кайрадан өрт чыкты. Видео

Кырсыктан 30дай кишинин ар кайсы жери күйүп, ооруканага кайрылышты. Жергиликтүү бийлик мындай иш-чарага уруксат берилбегенин айтууда.

173
Белгилер:
жабырлануучу, жарылуу, Индия
Тема боюнча
Москвада көп кабаттуу үйдө жарылуу болуп, кыргызстандык жигит ооруканага түштү
Жарылуудан улам бир мамлекет жарыксыз калды. Теракт болгону айтылууда

Грузиядагы "Татыктуу өнөктөш-2020" аяктады. НАТО аскерлери өлкөдө эмне кылды

97
(жаңыланган 10:17 22.09.2020)
Грузияда "Татыктуу өнөктөш-2020" машыгуусу аяктады. Маневрларга катышуу үчүн 3 миңге чукул адам Польша, Франция, Улуу Британия, АКШ жана Грузиянын өзүнөн тартылды.

АКШнын Грузиядагы элчиси өлкөлөр биргелешкен күчтөр менен аскердик даярдыгын жакшыртып жана Кара деңиз аймагындагы коопсуздук абалды колдоо максатын көздөгөндүгүн айтышты. Бирок мындай билдирүүнүн артында эмне жатат? Эмне үчүн НАТО аскерлери окутуу жүргүзүүдө Грузияны тандап алган. Россия бул машыгуулар туурасында кандай ойдо? Суроолорго видеодон жооп алууга болот.

97
Белгилер:
Аскер, машыгуу, Кара деңиз, НАТО, Грузия, АКШ, Россия
Тема боюнча
"Аскердик күчтөр топтолуп...": Норвегияда эмне болуп жатат?
Жүк көтөргөн адамдар. Архив

Россияда мекендештерди чек арадан өткөрөм деп алдап кеткен шылуун изделүүдө

0
(жаңыланган 00:41 23.09.2020)
Өзүн элчиликтин кызматкери катары тааныштырган киши чек арадан өткөрүүгө жардам берем деп ар бир мигранттан 7000 рублден алган.

БИШКЕК, 23-сен. — Sputnik. Россиядагы кыргызстандыктарды автобус менен мекенге жеткирүүнү убадалап, акчасын алдап кеткен киши изделүүдө. Бул тууралуу Тышкы иштер министрлиги билдирди.

Маалыматка ылайык, аты-жөнүн Кубанычбек Жээнкулов деп элчиликтин кызматкери катары тааныштырган жаран Казакстан чек арасын ачканын айткан. Ал жерден автобус менен өткөрүүгө жардам берем деп ар биринен 7000 рублден алып Башкыртстандан Оренбургга алып келген. Натыйжада шылуундун тузагына түшкөн мекендештер ара жолдо калышкан. Бул иш боюнча 22 киши элчиликке арыз жазды.

"Кубанычбек Жээнкулов деген элчиликтин кызматкери жок. Аны жоопко тартуу үчүн КР ИИМинин Россиядагы өкүлчүлүгү РФ ИИМи менен биргеликте издеп жатат. Мыйзамсыз түрдө акча чогултканы үчүн катуу жазага тартылат. Элчилик мекендештерди ушул сыяктуу фактылар болсо кылмыштын алдын алып, күнөөлүүлөрдү жоопко тартуу үчүн кабарлап коюуга чакырат", — деп жазылган билдирүүдө.

Даттануулар менен Россиядагы элчи Аликбек Жекшенкуловдун elchi.ru сайтындагы жеке блогуна жана КР ИИМдин РФтеги өкүлчүлүгүнө predstavitelstvomvd@mail.ru электрондук дареги же +7(926) 890 87 00 ыкчам байланыш номерине кайрылууга болот. Купуялуулукка кепилдик берилет.

Авиакаттам жанданса да Россиядан кыргызстандыктарды автобус менен ташуу уланат

Учурда Оренбург облусундагы орус-казак чек арасында Россиянын шаарларынан жана Башкыртстан Республикасынан келген 3500дөн ашык кыргызстандык топтолуп турганы маалым болду.

Элчилик Казакстандын аймагынан автобус менен өтүү үчүн "жашыл коридор" ачып берүү өтүнүчү менен казак тарапка кайрылган. Азырынча жооп келе элек.

Ошондой эле Оренбург облусунун жана Башкыртстандын жергиликтүү бийлик органдары менен биргеликте ал жердеги кыргызстандыктарга шарт түзүү иштери жүрүп жатканы белгиленди. Ушул тапта Россия тарап аларды акысыз түрдө жатаканаларга, балдар лагерлеринин аймактарына жайгаштырды, мындан тышкары, чатыр лагери түзүлгөн. Айрымдары мейманканаларга жана жатаканаларга жайгаштырылды. Жарандарга үч маал бекер тамак берилип жатканы айтылды.

Ошону менен катары элчилик мекендештерге Казакстан чек арасын толук ача электигин эскертип, өз алдынча келип топтолбоого чакырат.

Мүмкүнчүлүккө жараша учак менен кетүүнү сунуштайт. Ошону менен катар элчилик авиакаттамдардын санын көбөйтүү жана билет баасын арзандатуу боюнча сүйлөшүү жүргүзүп жатканы айтылды.

0
Белгилер:
Мигрант, автобус, алдамчылык, чек ара, Элчилик, Россия
Тема боюнча
Кыргызстандан чет өлкөлөргө ачылган каттамдардын тизмеси
22 миң рубль. Москва — Бишкек каттамына авиабилеттердин октябрдагы баасы айтылды