Ысык-Көлдүк чабан дүйнө эли үчүн этнокомплекс курду

Жазылуу
Кыргызстандык жаран жеринин бир бөлүгүн башка өлкөлөрдүн өкүлдөрүнө бекер берүүгө даяр.

Ысык-Көл облусуна караштуу Корумду айылынын тургуну Болот Кененбаев дүйнөдөгү бардык мамлекеттерге арналган эл аралык этнокомплекс курду. Ал комплекстин ичинде ар бир мамлекеттин изи болуусун максат кылат. 

"Менин идеямдын негизги максаты — бул жерге келген ар бир конокко бир нече мамлекет менен таанышууга мүмкүнчүлүк түзүп берүү. Мындай нерсе комплекс үчүн дагы, мамлекет үчүн дагы жакшы жышаан. Себеби ар бир жаран бул жерде өз мамлекетинин маданиятынын бир кичинекей бөлүгүн орното алат", — деп билдирди Кененбаев. 

Ал 70 гектар жери бар экенин айтып, бардык элге орун табыларын билдирди. 

Дүйнөлүк көчмөндөр оюндары. Архив - Sputnik Кыргызстан
Көчмөндөр оюндарынын проморолигин Маданият министрлиги тартуулады
"Бул жерге Путин, Назарбаев келип элинин маданияты менен тарыхына байланыштуу бир нерсе таштап кетип жатканын элестетип көрүңүзчү. Алар гана эмес, жөрөлгөнү башкалар да улай баштаса кандай жакшы болмок. Мен акылсыздай көрүнүп жатсам керек. Бирок мен чын эле ушул ойду ишке ашыргым келет", — деп белгиледи Кененбаев. 

Комплекстин ичинде таштан жасалган үңкүр-ресторан жайгашкан. Байыркы жазуулар түшүрүлгөн таштар, ордо, тагыраагы кыргыздардын маданиятын чагылдырган борбор, кымыз-брейк өткөрүүчү боз үй дагы тигилген. 

"Ашкана — бул жердеги өзгөчө мааниге ээ болгон жай. Биз бул жерде бардык маданияттын камтылышын көздөгөнүбүз менен келген конокторду кыргыздын мыкты салттары менен тосуп алабыз", — деп билдирди Кененбаев. 

Ал эл аралык этнокомплекс беш жыл бою курулганын билдирди. Бардык имараттар менен эстеликтерди өз колу менен жасаганын да кошумчалай кетти. 

Жаңылыктар түрмөгү
0