(2:31 / 15.77Mb / )

Аялын муунтуп өлтүргөн Бишкек шаарынын тургуну окуянын чоо-жайын айтып берди

4045
(жаңыланган 14:41 05.08.2016)
32 жаштагы жаран аялын муунтуп салгандан кийин өзү да өлүүгө аракет кылганын, бирок алты жаштагы баласы аны сактап калганын билдирди.

4-августка караган түнү Бишкекте аялын муунтуп өлтүргөн жаран тууралуу Кайгуул милициясы кабарлаган. 

32 жаштагы жаран балдызы, балдызынын кызы жана улуу баласы болуп кечинде жакшынакай эле чай ичкенин билдирди. Балдызы кызы менен саат 10.30дарда эс алабыз деп үйүнө кеткен.

Үй ээсинин айтымында, үй-бүлө буга чейин чыр-чатактын айынан эки ажырашып жүрүшкөн. Алгач эркек өзү асынып өлөйүн деп аракет кылганда аялы "чогуу өлөбүз" деп токтотуп калган. Андан кийин жоолукту ары басып кеткен келиндин мойнуна салып, беш мүнөттөй муунткан. Мурдунан кан акканда гана токтоп, уктап жаткан баласы менен балдызын ойготкон. 

Эмне кылып салганын түшүнгөн эркек өзү да өлүүгө аракет кылган. Бирок аны алты жаштагы баласы сактап калган. Тез жардам келгенден кийин милиция чакыртып, баарын мойнуна алып, көрсөтмө берген.

4045
Белгилер:
милиция, эркек, аял, муунтуу, өлүм
Тема боюнча
Бишкектик Отелло: кызганчаак күйөө уктап жаткан аялын муунтуп өлтүрдү

Бишкекте инфекциялык оорукананын жаңы корпусу курулуп бүттү. Видео

118
(жаңыланган 11:32 24.10.2020)
Бул клиника инфекциялык ооруканага коюлган бардык талаптарга ылайык курулган. Жакынкы күндөрү бейтаптарды кабыл ала баштайт.

Бишкекте 100 орунга ылайыкташкан оорукананын жаңы корпусу курулуп бүттү. Бул тууралуу Саламаттык сактоо министрлиги билдирди.

Жаңы имараттын жалпы аянты 2 310 чарчы метрди түзүп, ал коронавирустук инфекциянын экинчи толкунуна даярдануу максатында өкмөттүн буйругу менен салынды.

Курулуш иштери 2020-жылдын 23-июлунда башталып, августтун соңу менен бүтмөк. Эки айга кечиккен корпус жакынкы күндөрү бейтаптарды кабыл ала баштайт.

Жаңы оорукана Республикалык клиникалык инфекциялык оорукананын аймагында жайгашкан жана изоляцияланган бокстардан, реанимациядан турат.

Бишкекте COVID жуктурган бейтаптарды кабыл алчу ооруканалар тизмектелди

Клиника инфекциялык ооруканага коюлган бардык талаптарга ылайык курулган. Бул инфекциялык ооруулар менен иштөө үчүн иштелип чыккан, аба жана саркынды сууларды толугу менен зыянсыздандырган жана индивидуалдуу аба соргучу бар мельцер бокстары бар.

"Ооруканага 180ге жакын медициналык жабдыктар, эмерек, ошондой эле тиричилик жана компьютердик техника сатылып алынды. Бир мобилдик рентген аппараты, 10 даана өпкөнү жасалма желдетүүчү аппараты (ИВЛ), 20 даана жогорку агымдуу кычкылтек менен камсыз кылуучу аппарат (БИПАП), 62 даана кычкылтек менен каныктыруу аппараты орнотулду. 3 дефибриллятор, инфузиялык терапия үчүн 38ден ашык аппарат, 26дан ашык бейтаптарды индивидуалдуу түрдө көзөмөлдөө аппараты жана 1 көчмө УЗИ аппараты менен жабдылды", — деп айтылат маалыматта.

Жандандыруу блогу залдан, обочолонгон интенсивдүү терапия бокстарынан жана оор абалда жаткан бейтаптар үчүн күнү-түнү реанимациялык чараларды камсыз кылган палаталардан турат. Реанимация бөлүмүндө 30 керебет бар. Дарылоочу жана реанимациялык бокстар заманбап жабдуулар жана оорулуунун жашап кетүүсүнө кубат берүүчү жабдыктар менен жабдылган. Бардык палаталарды борбордук кычкылтек менен камсыз кылуу уюштурулганы айтылды.

118
Белгилер:
курулуш, оорукана, жугуштуу инфекция, коронавирус
Тема:
Коронавируска байланыштуу Кыргызстандагы кырдаал
Тема боюнча
Коронавирустун белгилери байкалса кайда кайрылуу керек? Телефондор
Кыргызстандагы коронавирус: 582 киши ооруп калды, 324 бейтап сакайды

Кыргызстан менен Россиянын ТИМ башчыларынын жыйыны. Видео

195
(жаңыланган 17:22 23.10.2020)
Кыргызстандын тышкы иштер министри Руслан Казакбаев кечээ, 22-октябрда, Россия Федерациясына барган. Иш сапардын жүрүшүндө Казакбаев россиялык кесиптеши Сергей Лавров жана башка мамлекеттик органдардын жетекчилери менен жолукту.

Эки тараптуу жолугушуулардын соңунда Руслан Казакбаев менен Сергей Лавров журналисттерге маалымат жыйын курду.

195
Белгилер:
түз эфир, ТИМ, Россия, Кыргызстан
Тема боюнча
Министр Казакбаев Россияга барып, реформа жүргүзүүгө каражат сурады
Руслан Казакбаев Москвада ЖККУнун башкы катчысы менен жолукту
Бишкек шаары. Архивдик сүрөт

Казакбаев бюджетти колдоо боюнча РФ президентинин өкүлү Козак менен сүйлөштү

0
(жаңыланган 17:55 24.10.2020)
Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

БИШКЕК, 24-окт. — Sputnik. Тышкы иштер министри Руслан Казакбаев РИА Новости агенттигине берген маегинде Россиянын президенттик администрациясынын жетекчисинин орун басары Дмитрий Козак менен көп маселелерди талкуулаганын, анын ичинде Кыргызстандын бюджетине колдоо катары финансылык жардам тууралуу дагы сөз болгонун айтты.

"Дмитрий Николаевич Козак жана анын кесиптештери менен жолуктук. Россия тарап Кыргызстанда парламенттик шайлоодон кийин түзүлгөн абалды турукташтырууда маанилүү роль ойноду", — деди Казакбаев.

Садыр Жапаровдун биринчи кайсы өлкөгө иш сапар менен барары айтылды

Ошондой эле жолугушууда Россия тараптан кыргыз экономикасына көрсөтүлчү колдоолор тууралуу сөз болду.

"Биздин өкмөттүн иши, алдыда келе жаткан саясий иш-чаралар тууралуу кеп кылдык. Анан, албетте, азыркыдай катаал убакта Россия тараптан Кыргызстандын бюджетин колдоо иретинде берген жардам тууралуу сүйлөштүк", — деди ТИМ башчысы.

Эске салсак, тышкы иштер министри Руслан Казакбаев 22-24-октябрь күндөрү Россия Федерациясына иш сапары менен барган.

0
Белгилер:
жардам, каражат, экономика, Руслан Казакбаев, Кыргызстан, Россия
Тема боюнча
Лавров Кыргызстанга финансылык колдоо көрсөтүү боюнча суроого жооп берди