(2:48 / 17.85Mb / )

Жашоо үчүн күрөш: 17 ирет операция жасалган кыз кантип акча таба баштады

(жаңыланган 14:00 15.10.2016)
23 жаштагы Чолпонай Талант кызы башынан 17 операцияны өткөргөн. Кыз артрогрипоз (тубаса оору, булчуң жана нерв ткандары өспөй, сөөктөрдүн деформацияланышы менен коштолот) менен жабыркайт. Оорусуна карабай Чолпонай иштеп, өз жанын багып келет.

Бир нече ай мурун Бишкекте мүмкүнчүлүгү чектелген адамдарды окутуп, ишке орношуусуна жардам берүүчү программа иштей баштады. 

Жаштар окуу маалында басмаканада иштөөнүн, чечендик өнөрдүн, графикалык дизайндын жана SMM негиздеринин өзгөчөлүктөрү тууралуу маалымат алышты.

Долбоордун координатору Николай Лучкиндин айтымында, окуучуларга негизинен басмаканада иштөөнүн сырлары үйрөтүлдү.

"Бул жерде балдар кружкаларга сүрөттөрдү түшүрүү, визитка, папкаларды даярдоого заказ алышат. Дизайнын өздөрү иштеп чыгып, бардык ишти өз алдынча аткарышат", — деди Лучкин.

Окуучулардын баары өз багытын тандап кетишкен. Чолпонай басмаканада калууну чечкен.

Кооз сүрөт түшүрүлгөн кружканы ал 15-20 мүнөттүн ичинде жасай алат, ал эми кийиз картинага андан да аз убакыт жумшалат. Программа Чолпонайдын өзүнүн каражат табуусуна жол ачты.

"Үйдүн акчасын ата-энем төлөйт, бирок өз жанымды өзүм багам. Азырынча айлыгым азыраак, кирешем заказчылардын санына жараша болот", — деди Чолпонай.

Октябрдын аягы жана ноябрдын башы менен ден соолугу боюнча мүмкүнчүлүгү чектелген адамдарды окутуу программасы кайрадан иштей баштайт. Эми Чолпонай басмаканада иштөөнүн сырларын окуучуларга үйрөткөн мугалим болуп иштейт кызмат кылат. 

Белгилер:
мүмкүнчүлүк, заказ, басмакана, майып, Бишкек
Тема боюнча
Каракол шаарындагы такси кызматына майыптар дагы иштеп жатат
Ош: куюнда калып жүрөгү түшкөн 28 жаштагы Миржигит алигиче ээн калуудан коркот
Укпай жана сүйлөй албаган Адилет эл оозуна алынган таксистке айланганда
Атактуу оратор Ник Вуйчич февралда Кыргызстанга келет

Кер мурут жигит Сүймөнкул Чокморов. Улуттук банктын улуу инсан тууралуу видеосу

(жаңыланган 23:26 14.04.2021)
Улуттук банк кыргыз банкноталарына түшүрүлгөн белгилүү инсандар тууралуу видеолорду жарыялоодо. Бул ирет банк легендарлуу актёр, сүрөтчү Сүймөнкул Чокморов тууралуу видеоролик жарыялаган.

Эки мүнөттөн ашык тартылган роликте сүрөтчүнүн жаш кезин көрүүгө болот. Анда Чокморов жана башка студенттер талаада педагогдун жетекчилигинин алдында жылкыны сүрөткө тартып жатышат. Видеонун алдында окуя 1963-жылы Ленинград облусунда болгону жазылган. Чокморов эмгегинде бир гана жылкыны эмес, анын артына тоолорду да тартат. Окутуучу жок тоону эмнеге тартканын сураганда, ал мекенин сагынганын айткан. Бир маалда жылкы үркүп, баланын колунан жулунуп, секире баштайт. Аны көрүп Чокморовдон башкасынын баары чочулайт. Бирок Сүймөнкул Чокморов аттын жанына барып, жылкыны сылап аны чуркатыш керектигин айтат. Бала ага макул болбой койгондо Чокморов "кыргыздар ээр үстүндө чоңойгон калкпыз. Ал эми ат биздин канатыбыз" деп чапкан боюнча жөнөгөн.

Кадр алмашып, Чокморов "Ысык-Көлдүн кызгалдактары" тасмасындагы Карабалтанын образында болуп калат.

Улуттук банк роликтерди Кыргызстандын эгемендүүлүгүнүн 30 жылдыгына карата тартып жатат. Анда улуттук валютага сүрөтү түшүрүлгөн философ Жусуп Баласагын, манасчы Саякбай Каралаев, сүрөтчү, актёр Сүймөнкул Чокморов, акын Алыкул Осмонов тууралуу видеолор көрсөтүлмөкчү.

Роликтерди режиссёр Руслан Акун белгилүү кино ишмерлери Актан Арым Кубат, Эрнест Абдыжапаров, Марат Сарулу жана Баян Сарыгуловдун колдоосу менен тарткан.

UFC Валентина Шевченконун мыкты ирмемдерин жарыялады. Видео

(жаңыланган 19:18 14.04.2021)
UFC Russia уюмунун YouTube-каналында дивизиондун эң жеңил салмактагы чемпиону Валентина Шевченконун видеосу жарыяланды.

Ага мушкер кыздын акыркы беттештери, шумдуктуудай нокауттары, жеңишин майрамдаганы жана октагондон тыш жашоосунун ирмемдери камтылган.

Ролик Шевченконун Жессика Андраде менен кездеше турчу UFC 261 турниринин алдында тартууланды. Спорттук иш-чара 24-апрель күнү Жексонвилл шаарында өтөт (АКШ, Флорида штаты).

Кыргызстандык мушкердин беттеши турнирдин башкы кармашы болмокчу.

Белгилер:
беттешүү, кармаш, нокаут, мушкер, Валентина Шевченко
Тема боюнча
Шевченко бразилиялык Андрадени ута алабы? Букмекерлердин пикири
UFC Валентина Шевченко катыша турган мелдештин трейлерин жарыялады. Видео
Ай чырайлуу мушкер дебюттук кармашында атаандашын оор нокаутка кетирди. Видео