Мэрия 14-октябрь күнү мыйзам бузуу жана Экологиялык-техникалык инспекциясынын эскертүүлөрүнөн улам, ошондой эле шаар тургундарынын коопсуздугун сактоо максатында "Дыйкан-Пишпек" базары жабыла турганын жар салды.
Базар 2008-жылы "Кыргыз темир жолу" улуттук компаниясы менен мэрия тарабынан Бишкек-1 темир жол станциясынын контейнердик аянтында ачылган. Жалпы аянты 2,6 гектарды түзөт.
2013-жылы базар "Лагуна Групп" ишканасына ижарага берилип, бул үчүн аталган компания айына 900 миң сом акы төлөп келген. Маалыматта "Дыйканда" 700 соодагердин иштегени айтылат.
