(4:01 / 26.67Mb / )

Шамал улуган тоодогу кыргыздар. Памирдеги боордоштордун жүрөк эзген жашоосу

2285
(жаңыланган 14:30 18.10.2016)
Үстүбүздөгү жылдын 3-11-октябрында Памирде жашаган этникалык кыргыздарга 10 миллион сомдун тегерегиндеги каражатка азык-түлүк, жылуу кийим жана дары-дармек жеткирилген. Алардын арасында 50 боз үй да бар.

Миграция кызматынын жетекчиси Бакыт Адылов учурда Памирде 2100гө жакын кыргыз жашап жатканын билдирди.

Адылов экспедициянын дагы бир макскаты элдин ден соолугуна кам көрүү болгонун айтып, жалпысынан 350дөн ашык киши медициналык текшерүүдөн өткөнүн кошумчалады. Ал жакта жашагандар негизинен аз кандуулук, ашказан, муун оорулары менен оорушат.

"Буга чейин экспедиция 2008, 2013, 2014-жылдары барган. Буга чейинки экспедицияларда гуманитардык жардам Улуу Памирдеги Харгуш деген жерине берилип келген болсо, бул ирет Афганистандын аймагына 100 чакырым кирип, кыргыз айылдарына чейин жетип, ошол жерде өз колубуз менен жардам тараттык", — дейт Адылов.

Ал ошондой эле экспедицияны Вахан провинциясынын акими Нахил Рахман коштоп жүргөнүн айтып, жаш балдарды Кыргызстандан окутуу маселеси да талкууланганын билдирди.

"Жаш балдарды окутуу боюнча Вахан провинциясынын акими да жардам бере турганын айтты. Жакында аларды Бишкекке чакырып, анын натыйжасында сүйлөшүүлөр жүрөт. Кудай буюрса Афганистандагы этникалык кыргыздарды кыргыз жергесине алып келип окутуу боюнча алгачкы кадамдарды иш жүзүнө ашырабыз", — деди ал.

Экспедициянын жыйынтыгында Памирди жердеп жаткан кыргыздардын саны каттоого алынган. Ага ылайык, Кичи Памирде 8 айыл, 208 кожолук бар. Ал жакта 1200дүн тегерегинде киши жашайт. Ал эми Улуу Памирде алты айыл бар, ал жакты 825 киши байырлайт.

2285
Белгилер:
гуманитардык жардам, этникалык кыргыздар, Кичи Памир, Улуу Памир, Афганистан
Тема:
Памирлик кыргыздар (82)
Тема боюнча
Кыргызстан Памирдеги боордошторго кезектеги жардамын жеткирди
Атамбаев Памир кыргыздарынын турмушун жакшыртууга кам көрдү

Байгеге карышкыр да коюлду. Дача СУдагы бүйүр кызыткан аламан улактын видеосу

1336
(жаңыланган 21:46 06.03.2021)
Бишкектин четиндеги Дача СУ айылында чоң аламан улак оюну болду. Ага болжол менен миңге чукул улакчы катышып, салмагы 70 килограмм болгон торпокту тартышты. Ош, Жалал-Абад, Баткен облусунан дагы атайын ышкыбоздор келишкен.

Аламан улакты Сейдали Келдиев үч уулуна бата алуу үчүн өткөрдү. Ал өзү да 18 жылдан бери улак тартып келет, белгилүү балбандардын бири.

Байгеге эки автоунаа, тирүү карышкыр, алтын кур, беш төө, 10дой тай, торпок, топоз коюлду. Бирок мындай соорундарды утуп алуу оңойго турбайт. Адегенде улакчынын билеги күчтүү, аргымагы күлүк болушу керек.

Улакчылар аттын жалына торпокту тартып алары менен такымдап, зоот атын чаң ызгыта чаап жөнөйт. Эгер жерге түшүп калса топту жарып кирип, жүздөгөн атаандашынын арасынан сууруп чыгышы керек. Эрендер кең талаада жерден эңип, бири-бирине ашырып кызыктуу оюн курушту.

1336
Белгилер:
улакчы, торпок, оюн, байге, аламан улак тартыш
Тема боюнча
Кара-Сууда миңден ашуун улакчы кыл чайнашты. Оюндун кызыктуу учурлары видеодо
Аламан улактын батири талашка түштү. Байыш Ниязов байгеси менен бөлүшмөй болду
"Ынтымак" "Достуктун" айласын кетирип утуп алды. Урунттуу учурлар видеодо
Манас Ниязов Көчмөндөр оюнунда араздашкан казак улакчысы менен элдешти. Видео

Москвада кыргызстандык бөбөк соода борборунун эскалаторунан кулап кетти. Видео

396
(жаңыланган 19:37 06.03.2021)
Элчи жабырлануучунун жакындары менен жолугуп, дипломатиялык өкүлчүлүк юридикалык жардам көрсөтөрүн айткан.

Москвада кыргызстандык төрт жаштагы бала соода борборунун экинчи кабатынан кулап кеткендигин Кыргызстандын Россиядагы элчилиги билдирди.

Окуя 3-мартта болжол менен күндүзгү саат 12лер чамасында болгон. Кыргызстандык Н.А. аттуу бөбөк эскалатордун экинчи кабат менен тең бийиктигинен кулап кеткен. Бала Москва шаардык саламаттык сактоо департаментинин тез жардам көрсөтүү хирургиясы жана травматология илимий изилдөө институтунун нейрохирургия бөлүмүнө жаткырылган.

5-мартта Кыргызстандын Россиядагы элчиси Гүлнара-Клара Самат аталган бөлүмдүн башчысы менен жолукту. Ал кулап кеткен баланы көрүп, нейрохирургиялык бөлүмдүн башчысынан бөбөктүн тезинен сакайып кетиши үчүн бардык чараларды көрүүнү өтүндү.

Мындан тышкары, элчи жабырлануучунун жакын туугандары менен жолугуп, дипломатиялык өкүлчүлүк юридикалык жардам көрсөтөрүн айткан.

Элчиликтин юристтери үй-бүлө менен тыгыз байланышта иш алып барып жатканы, бул маселе өкүлчүлүктүн көзөмөлүндө турганын белгиледи.

396
Белгилер:
Гүлнара-Клара Самат, оорукана, эскалатор, бала, Кыргызстан, Москва
Тема боюнча
Крокодил 8 жашар баланы атасынын көзүнчө тирүүлөй жутуп алды. Силкинткен окуя
Ит менен сейилдеп жүргөн кыз асман тиреген имараттардын фонунда. Архив

Асман тиреген имаратта жашоо кимдерге кыйынчылык жаратарын дарыгер айтып берди

0
(жаңыланган 10:49 07.03.2021)
Дарыгер кеп үйдүн бийиктигинин өзүндө эмес, андагы шарттар тууралуу болуп жатканын айткан. Мисалы, көп кабаттуу үйгө тепкич менен баруу кимдир бирөөлөр үчүн кыйын.

БИШКЕК, 7-мар. — Sputnik. Асман тиреген имараттарда жашагандар айлананын кооздугуна жакшы көз чаптыра алат, бирок ден соолукка кооптуулук жараларын медицина илимдеринин кандидаты, дарыгер-терапевт Алексей Хухрев Sputnik радиосуна берген маегинде билдирди.

Адис кеп үйдүн бийиктигинин өзүндө эмес, андагы шарттар тууралуу болуп жатканын айткан. Маселен, көп кабаттуу үйлөрдүн лифтиси иштебей калса жүрөк-кан тамыр жана башка оорулары бар адамдарда көйгөй болушу ыктымал.

"Жүрөктүн ишемиялык дарты, ашыкча салмак, таяныч-кыймыл аппаратынын оорулары, астмасы барлар тепкич менен узакка көтөрүлө албай кыйналат", — деген Хухрев.

Ошол эле учурда курч кармаган респиратордук инфекцияга кабылып же кулак тунуп жатса иштеген лифт менен жүрүү дагы оорчулукту жаратышы мүмкүн.

"30-кабат болжол менен 100-110 метрди түзөт. Ага лифт менен 10 секундада көтөрүлгөн адам ыңгайсыздыкты сезет", — деп эскерткен дарыгер.

Бирок адис аллергия менен жабыркагандарга бийик кабатта жашоо бир жагынан пайдалуу экенин айткан. Себеби шамал күчтүү аллерген болуп саналган өсүмдүк чаңчаларын болжол менен 15-кабатка чейин эле көтөрө алат.

0
Белгилер:
жүрөк, аллергия, оору, дарыгер, лифт, тепкич, бийиктик, имарат
Тема боюнча
Ден соолукка пайдалуу шорпо аталды
Адам бир күндө жашылча менен жемишти канча көлөмдө жеш керек