Колу жок "ноокендик программист". Устат, жакшы адис жана эненин сыймыгы

Жазылуу
Биздин каармандын учурда 10дон ашуун шакирттери бар. Назиржандын үйрөткөн билиминин арты менен алардын көпчүлүгү учурда жумуш менен камсыз болушкан.

Чоңдордун тирешинен Элиза эки жылдан бери мектепке бара албай келет - Sputnik Кыргызстан
Чоңдордун тирешинен Элиза эки жылдан бери мектепке бара албай келет
Жергиликтүү жарандар бузулган компьютерлерин оңдотуу үчүн ишенимдүү адис катары көтөрүп келип, оңдотуп кетишет. Башка аймактардагылар "ноокендик программист" деп атап коюшат.  

Калемди тиштеп жазып, ызалуу күндөрдү башынан өткөргөн Назиржан мектепти кызыл күбөлүк менен аяктаган. Ош мамлекеттик университетке тапшырып, бир жылдан соң үй шартына байланыштуу окуусун таштоого аргасыз болуптур…

"Мектепте 4-класстан баштап калемди тиштеп алып жазчумун. Апам ар дайым окугун, мени башкалардын алдында уят кылбагын деп талапты катуу коё турган. Албетте, башкалар шылдыңдаган кундөр деле болду. Азыр  эч нерсеге өкүнбөйм", — деди "ноокендик программист". 

Назиржандын апасы Мавлюда Режевалиева да башка ата-энелер сыяктуу өз баласынын жашоодо бактылуу болушун тилейт.   

"Балам кырсыктан Ошто ооруканада жатты. Ошондо ичимден өзүмө сөз берип, уулумду эч качан жер каратпайм дедим. Эрдимди бекем тиштеп, окутам, билим берем, өзүм компьютер жаатында сабак бергендиктен, ушул багытка тартам, майып деген сезимден алыс кылам деп өзүмө максат койгом. Балам ичпейт, чекпейт, өз эмгеги менен оокатын кылып жатат", — деди энеси.

Эркти бекемдеген кырсык. Эки колунан ажырагандан кийинки Саматтын өмүрү
26 жаштагы Назиржан үй-бүлөдө да негизги жардамчы. Програмисттик ишинен сырткары үй иштерине кол кабыш кылганга да убакыт табат.

Биз менен сүйлөшүп отуруп, ал өкмөттөн бөлүнгөн майыптык пенсиянын көзүн карап калбай тургандыгын айтты.

Баса, биздин каармандын учурда 10дон ашуун шакирти бар, Назиржандын үйрөткөн билиминин арты менен алардын көпчүлүгү  учурда жумуш менен камсыз болгон.

Сегиз жашында электр тогуна урунуп эки колунан ажыраган Ноокен районунун тургуну Назиржан Тайлаковдун толук маегин Sputnik Кыргызстан материалынан окуңуздар>>

Жаңылыктар түрмөгү
0