(5:48 / 36.25Mb / )

Дача айылындагы кадимки тиричилик

1454
(жаңыланган 14:30 25.01.2017)
Дача айылында 450гө чукул эл жашайт. Бул жерде мектеп, медпункт, дарыкана жана балдар бакчасы жок.

Өгөйлөнгөн "айыл"

"Манас" аэропортуна чукул жайгашкан Дача айылы он көчөдөн турат. Жергиликтүү тургундардын айтымында анда 450гө чукул түтүн бар. Айылга айланганга чейин бул жердеги дачаларга аэропортто иштегендер эс алууга келишчү. Бирок 1990-жылдардан тарта дачалар элге сатылып, анын жанындагы жерлерге кызыл китеп бериле баштаган. Андан бери 17 жыл өтүп, эл мал-жандык кармап отурукташып калган.

Туратбек Токторбаевдин бул жерге көчүп келгенине 15 жылдын жүзү болду. Ал үй-жай салып үч баласы менен жакшынакай оокатын кылып келет. Тургундардын башкы көйгөйү өгөй бала сымал айылдын эч жерде катталбаганы. Мындан улам бул жактагылар шайлоолорго катыша албай келет.

"Биздин айылга статус берип коюшса жакшы болот эле. Документке келгенде эле катталган, катталбагандыгын сурашат. Шайлоолорго катыша албайбыз. Айылда мектеп жок болгондуктан балдар коңшу Манас айылына барып окушат. Ал жактан да мектеп жетекчилиги баш болуп "Дачанын балдарын албагыла" деп бөлүп турушат. Кызыл китеп бар болгону менен статус болбосо баары эле өгөйлөй беришет экен. Манастын поликлиникасына барып калсак каттоого оңой менен алышпайт ", — деди Токторбаев.

Айылда мектеп, медпункт атүгүл дарыкана жок. Көзгө басар бир-эки дүкөн гана бар.

"Арзанчылык"

Дачада батирде тургандар көп. Үйлөрдүн кожоюндары жайкысын эс алышып, кышкысын батирге берип коюшат. Үйлөрдү салып коюп чет жакта иштеп жүргөндөр да жок эмес. Шарты жок бир бөлмөлүү батирди 2000 сомго тапса болот.

Шаардын кымбатчылыгынан качып, төрт баласын жалгыз баккан Махабат Алаканова бир бөлмөлүү батирде жашап, дүкөндө сатуучу болуп иштейт.

"Жолдошум өтүп кеткенден кийин төрт баламды алып Кочкордон келгем. Шаардан ижарага батир алып жашаш мен үчүн кыйын болду. Баалары бери дегенде эле 5000 сом. Анан төрт балам дагы бар. Буларды мектепке берип, окутуш керек. Бул жактагы жашоо салыштырмалуу арзанырак. Батирге 2000 сом төлөп жашайм. Балдарым кошуна айылга барып окушат. Бирок андагы поликлиникага каттатышпайт",— деди Махабат. 

Алыс мектеп

Балдар Манас айылындагы "Ат-Башы" орто мектебине барышат. Ата-энелер атайын автобус уюштурушканы менен кышында бузулуп калган учурлар кездешет. Ошондо балдар кичи автобуска 20 сом төлөп окууга жөнөшөт.

"Биз мектепке автобус менен барабыз. Ага айына 300 сомго билет алып коебуз. Кээде кышкы суукта жүрбөй калат. Анда биз чоңдордой эле маршруткага 20 сомдон төлөп барабыз", — деди 3-класстын окуучусу Ислам.

Эл катары жашоо

Айылда электр энергиясы маселе жаратпайт. Анткени бул жерде дачалар курулуп жатканда шарттар ошого ылайыкташкан. Ал эми суу маселеси кышында көйгөй жаратат. Күн ызгаарда түтүктөр тоңбошу үчүн суу айыл этегинен гана чыгып, эртең менен жана кечке жуук бир маал гана агат. Ошол учурда айыл эли суу ташып, мал сугарып алганга үлгүрүшөт.

"Кыштын күнү суу эки маал берилет. Бул учурда баарыбыз үйлөрүбүзгө суу ташып алабыз. Ал эми жайкысын ар бир үйдөн чыгат", — деди айыл тургуну Кыялбек Ажалиев.

Мындагы элдин көпчүлүгү аэропорттун ар түрдүү жумуштарында эмгектенишет. Көп жылдан бери жашап жүргөндөр бала-бакырасын ушул жерден үйлөнтүшкөн. 

"Элдин жашоо шарты жаман деп эч убакта айтпайм. Үй десе үйүбүз, алдыбызда унааларыбыз бар. Балдарыбыз аэропортто иштешет. Иштегени иштеп, калганы үйлөрүндө мал карап, кадимки айыл жергесиндегидей эле жашоо. Бир эле көйгөйүбүз — статустун жоктугу. Айрымдар бизди эптеп-септеп эле самандан үй салып алышкан деп шылдыңдашат. Үйлөрүбүз чоңдордукундай заңгырабаса дагы Кудайга шүгүр. Биз ушул жерден агарып-көгөрүп, туяк уланттык", — деди айыл тургуну Айнагүл Усенова.

Дача айылынын эли ынтымакташып жашап калгандыктан башка жакка көчүп кетүү азырынча ойлорунда жок.

1454
Белгилер:
аэропорт, тиричилик техникасы, айыл, жашоочулар, мектеп, эл, Суу, Дача СУ
Тема:
Дача айылындагы авиакырсыктын кесепеттери (223)
Тема боюнча
Учак кулаган жердеги издөө иштери токтотулду
Дача айылынын тургуну: энесин издеген эки бала жылаңач чуркап жүрүптүр
Авиакырсыктан жабыркагандарга пенсионер 20 миң сом пенсиясын берди
Дача айылынын тургуну Усенова: бизди мыйзамсыз жашайт деп каралашпасын

Димаштын сагынычы... Ырчы пандемиядан кийин кезектеги шедеврин тартуулады. Видео

246
(жаңыланган 21:06 05.12.2020)
Казакстандын дүйнөгө таанымал ырчысы Димаш Кудайберген коронавирус пандемиясынан берки топ жарган ырын жарыкка чыгарды.

"Я скучаю по тебе" аттуу жаңы ырын Москвадагы "Жаңы жылдык көгүлтүр оттун" видео жаздыруусунда аткарган. Анын автору композиторлор Игорь Крутой менен Игорь Николаев.

ЖМКлар Димаш туура тогуз айдан соң сахнага кайтканын жазышты. Анын чыгармасын бир күндө эле 45 миңден ашуун киши укккан.

246
Белгилер:
чыгарма, ыр, Димаш Кудайберген, Казакстан
Тема боюнча
Эркектей болуп ырда! Димаш бала кезинде шылдыңга кабылганын айтып берди

Токтоо тартып, окуяга сүңгүп кирип... Үмөттүн манас айткан видеосу

80
(жаңыланган 19:24 05.12.2020)
Жумурай журтка таанымал жаш манасчы Үмөт Дөөлөтов Sputnik агенттигине Семетейдин Таласка келип Бакайга жолуккан жеринен үзүндү айтып берди.

Үмөт бул өнөр менен эл алдына 3,5 жашында чыгып, Кыргызстандагы эң кенже манасчы атка конгон. Айрым илимпоздор аны 7 жашында кичинекей гений деп аташкан. Ал эми 9 жашында "Маданияттын мыкты кызматкери" төш белгиси тапшырылган.

Ал редакцияга берген маегинде акыркы кезде эмне менен алектенип жүргөнүн, жаштардай интернетке көп кирбей турганын, режиссёр болсо Саякбай манасчы тууралуу тасма тартарын айтып, кичирээк чакта эсте калган учурлары жөнүндө кеп кылды. Кененирээк Sputnik даярдаган интервьюдан окуй аласыз

80
Белгилер:
Талас, Семетей, өнөр, манасчы, Манас, Үмөт Болот уулу
Тема боюнча
Саякбай манасчы жандай көргөн "Карачологу" менен. Таберик сүрөт
Табият кырсыгынан тарта манасчы Дөөлөт жана дрондор шоусуна чейин. Апта ирмеми
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен