Карышкырдын оозунан уулун аман алып калган ата окуянын кандай болгонун айтып берди

© Sputnik / Олег Ласточкин / Медиабанкка өтүүВолк а территории зообазы киностудии "Центрнаучфильм"
Волк а территории зообазы киностудии Центрнаучфильм - Sputnik Кыргызстан
Жазылуу
Тоң районунун Калкабар айылын беш дөбөт карышкыр аралап, элдин малына кол салган. 5-февралда таңга жуук кыштакка кирип келген карышкырлардын бирин Шаршенбек Абакиров баласы менен өлтүргөн.

БИШКЕК, 7-фев. — Sputnik. Калкабар айылынын тургуну Шаршенбек Абакиров айыл элинин малын кырып кеткен карышкырды уулу менен кантип өлтүргөнүн айтып берди.

Эске салсак, аталган айылга 5-февралда беш дөбөт карышкыр түшүп, элдин малына кол салган. Шаршенбек Абакировдун уулу Кадыржан Шаршенбек уулу биринчилерден болуп сыртка чыкканда карышкыр анын колун чайнап, санына тиш салган. Аны менен алышып, атасы жардамга келип карышкырдын башын кыш менен чапкылап жатып өлтүрүшкөн. 

Учурда баласы Балыкчы шаарындагы оорукананын травматология бөлүмүндө дарыланып жатат, абалы жакшы. Оорукананын башкы дарыгери Максат Сооданбаевдин айтымында, карышкыр Кадыржандын сол колун, оң санын тиштеген. Андан сырткары, денесинин башка жерлеринде да майда тиштенди жаракаттар бар.

Охотник Нурдин Бекмаматов из Ак-Талаа - Sputnik Кыргызстан
Ак-Талаа: 9 карышкыр тегеректеп келгенде мылтыгым от албай калды
Шаршенбек Абакиров уулун талап жаткан карышкырды моюндан кармап тартып, уулу экөөлөп анын башын кыш менен жанчып өлтүрүшкөн. Алардын кыйкырыгын уккан кошунасы да келип, ата-балага жардам бере баштаган. Абакиров коңшусу ары жакта турган ломду алып карышкырды чапканда жырткыч дагы деле тирүү экенин кошумчалады.

Абакиров ошондой эле айылдын чок ортосунда жашарын айтып, кыштак аралаган карышкырлардан улам айыл эли чочулап, коркуп калышканын баса белгиледи. Учурда карышкырдын башы кесилип, Караколго анализге жөнөтүлгөн.

Жаңылыктар түрмөгү
0