(NaN:NaN / NaNMb / )

Бишкектин канализациясынын ичи асмандан кандай көрүнөт

740
Дрон аэрация станциясынын үстүнөн учуп баратып кир суунун таза сууга айлануу процессин тартып алды.

Борбор калаанын түндүк тарабында жайгашкан аэрация станциясынын ордуна 67 футбол талаасын курууга болот. Бул завод асмандан бассейни бар аквапарк сымал көрүнөт. Булардын ар биринин өзүнүн функциясы бар.

"Бишкексууканал" ишканасынын Өндүрүш-эксплуатациялык башкармалыгынын жетекчи орун басары Мурадин Сейдалиев ишти бир мүнөткө дагы токтотууга болбой турганын билдирди.

"Бул заводдо жарык өчүп калуу деген болбойт. Бизге жарык берген станциялардын биринде авария болсо, дароо экинчи станция электр энергиясы менен камсыздайт. Анткени бизде иш токтоп калды деп башкалар күтүп турбайт да", — деди Сейдалиев.

Суу бардык алты этап боюнча тазалангандан кийин коопсуз болуп калат. Суу алгач ири таштандыдан арылтылып, кум-таштан тазаланат. Андан кийин суу тундурулат. Ал жай видеодо ири бассейндерге окшош көрүнөт.

Бир нече сааттын ичинде абага тараган майда бөлүкчөлөр тунуп, тазаланат. Андан кийин суюктук кайра тундурулуп, хлор менен тазаланат. Ушундан кийин гана атайын канал аркылуу таптаза болгон суу Чу дарыясына барып кошулат.

Аталган процесстин жүрүшү тууралуу Sputnik Кыргызстан агенттиги даярдаган материалдан окусаңыз болот>>

740
Белгилер:
асмандан көрүнүш, Суу, завод, канализация, Кыргызстан
Тема боюнча
Ажатканага "түшкөндөр" андан ары кайда кетет. Бишкектин ыплас сууларынын таржымакалы
Бишкек шаардык таштанды жайынын асмандан көрүнүшү

Эстеп көрөлү. Макгрегор менен Порьенин алгачкы беттешинин видеосу жарыяланды

102
(жаңыланган 17:45 27.11.2020)
UFC уюмунун экс-чемпиону Конор Макгрегор менен америкалык Дастин Порьенин алгачкы беттешинин видеосу жарыяланды. Ал ирмемдерди уюмдун Facebook баракчасынан көрүүгө болот.

Белгилей кетсек, ирландиялык мушкер америкалык спортчу менен 2014-жылы беттешип, биринчи эле раундда техникалык нокаут менен утуп алган.

Дастин Порье менен Конор Макгрегордун кайрадан октагонго чыгары күтүлүүдө. Алдын ала маалымат боюнча, реванш Абу-Дабидеги "Мушкерлер аралы" спорттук жайында кийинки жылдын 23-январында болот.

Эки мушкер тең буга чейин россиялык спортчу Хабиб Нурмагомедов менен беттешип, жеңилүү ызасын тарткан.

102
Белгилер:
мушкер, видео, беттешүү, Конор Макгрегор, Дастин Порье
Тема боюнча
Эже-сиңди Шевченколордун энеси дүйнө чемпиону болду. Видео
Ар бир булчуңдун кыймылы көрүнүп... Шевченко катышкан турнирден өзгөчө видео
Хабиб Нурмагомедов Жастин Гэтжини утуп алды. Видео
Болгарский вратарь Лудогорец Разград Пламен Илиев пропускает мяч в свои ворота после дальнего удара английского полузащитника «Тоттенхэм Хотспур Гарри Винкса (не видно) во время футбольного матча группы J первого раунда Лиги Европы между Тоттенхэм и Лудогорец в Тоттенхэме. Стадион Хотспур в Лондоне, 26 ноября 2020 года

Тоттенхэм футболчусунун талаа ортосунан киргизген таң калычтуу голу. Видео

133
(жаңыланган 17:17 27.11.2020)
Топ дарбазанын так үстүңкү бурчунан кирип, ага голкипер Пламен Ивановдун колу жетпей калган.

БИШКЕК, 27-ноя. — Sputnik. Англиянын "Тоттенхэм" клубунун футболчусу Гарри Уинкс УЕФАнын Европа лигасы мелдешинде 50 метрдей аралыктан тээп гол киргизди. Бул тууралуу УЕФА уюму расмий сайтына жазып, голдун видеосун жарыялады. 

​Англиялык команда өз үйүндө болгариялык "Лудогорец" менен тайпалык этапта кез келген. Беттештин 63-мүнөтүндө Уинкс голкипердин дарбазадан алыстап кеткенин байкап калып, оюн талаасынын ортосунан, 49 метр аралыктан, топту көкөлөтө тээп гол киргизди. Топ дарбазанын так үстүңкү бурчунан кирип, ага дарбазачы Пламен Ивановдун колу жетпей калган.

​Башкы машыктыруучусу Моуриньонун шакирттери беттеште 4:0 эсебинде утуп, мелдештин плей-офф баскычына жолдомо алышты.

133
Белгилер:
гол, футбол
Тема боюнча
"Чаян сокку". Румыниялык футболчунун кооз голунун видеосу
Казак футболчусу Улуттар лигасында оюн талаасынын ортосунан гол киргизди. Видео
Беларусь президенти Александр Лукашенко

Лукашенко жаңы Конституция кабыл алынганда президент болбой турганын жар салды

56
(жаңыланган 19:50 27.11.2020)
Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

БИШКЕК, 27-ноя. — Sputnik. Беларусь президенти Александр Лукашенко жаңы Конституция кабыл алынгандан кийин өлкө башчысы болбой турганын жар салды. Бул тууралуу БелТА агенттиги жазды.

"Конституцияны өзүмө ылайыктаган жокмун. Жаңы Баш мыйзам кабыл алынса, мен силердин президентиңер болуп иштебейм. Ошондуктан муну жеңил кабыл алып, тынч болгула", — деген президент.

Ал шайлоонун жыйынтыгын кимдир бирөөнүн жасалмалоосуна жол бербей турганын айтып, ошол себептен жаңы Баш мыйзамды өзгөртүүнү колдоп жатканын айткан.

"Мен жаңы Баш мыйзамдын тарапташымын. Себеби азыркы иштеп жаткан Конституцияны "белгисиз президенттин" колуна карматканга болбойт", — деген ал.

Лукашенко азыркы Баш мыйзамда президенттин ыйгарым укуктарына басым жасалганын айтып, өлкөнүн пайдасы үчүн жаңысын кабыл алуу керектигин белгилеген.

56
Белгилер:
өзгөртүүлөр, конституция, Александр Лукашенко, Беларусь
Тема:
Беларустагы нааразылык акциялары
Тема боюнча
Жапаров референдумга Конституция эмес, башка маселени алып чыгууну сунуштады
Лавров: Беларустагы конституциялык реформаны колдойбуз