(2:43 / 19.15Mb / )

Ортопед Жумабеков сөөгүн өстүргөн Темирбек: бутумду кестирип салсамбы деп да ойлогом

6991
Ортопед, медицина илимдеринин доктору Сабырбек Жумабековдун буттун сөөгүн 31 сантиметрге чейин өстүргөн эмгеги Гиннес китебине сунушталып, жакында эле китептин комиссиясынан жооп келген. Алар адам денесинде сөөктү мынчалык эч ким узартпаганын айтып, сунушту кабыл алышкан.

Бирок китепке дарыгердин эмгеги эмес, эч нерседен коркпостон өз денесине алты жолу операция жасаткан 21 жаштагы Темирбек Бекбоев кирмей болгон. Sputnik Кыргызстан агенттигинин кабарчылары дал ушул эрки күчтүү, келечекке болгон ишеними чоң Темирбек бекбоев менен маектешип, анын жашоосун чагылдырып келди.

Директор Научно-исследовательского центра травматологии и ортопедии, профессор, ортопед Сабырбек  Джумабеков с пациентом
© Sputnik / Таалайгул Усенбаева
Ортопед Сабырбек Жумабеков Темирбекти алты айдан кийин балдагын таштап басып калаарын айтты

Бекбоев учурда 21 жашта. Таенесинин колунда чоңойгон бала өз апасына келгенине аз эле убакыт болуптур.

"Темирбек төрөлгөндө дарыгерлер оң бутунун жамбаш сөөгү жок болуп төрөлдү дешкен. Чоңоюп, бою өскөн сайын оң буту кыскара баштады. 15 жашка чыгып калганда Сабырбек Жумабеков тууралуу угуп баламды көрсөтсөм "дарыгерлер төрөткөндө бутун чыгарып алышкан" деп, операция жасаса болорун айтты. Бирок балам биротоло 9-классты бүтүп, толук орто билим алайын деп жатып, операцияны 18ге чыкканда баштадык", — деди каармандын таенеси Бүба Токтонаева.

Темирбекке үч жыл ичинде алты жолу операция жасалган. Башынан өткөргөн оор учурларын, ал тургай бутун кестирип салсамбы деп да ойлогонун айтып берди.

"Кыйын күндөр өттү, кээде бир айда эки жолу операция жасаткан учурлар болду. Бирок ага карабай баарына чыдадым. Азыр бутум теңелген сайын алдыга болгон үмүтүм мурдагыдан да артып баратат. Бутума туруп балдакты таштасам, апама жардам берип, бөбөктөрүмдү каралашып, иштеп баштайм. Анткени атам жок, эки бөбөгүм бар. Апам жалгыз ар кайсы жумушта иштейт", — деди Бекбоев.

Темирбек учурда програмисттикке окуп жатат. Бирок келечектеги максаты — дүйнө кыдыруу.

Ал эми белгилүү ортопед, Травматология жана ортопедия илим изилдөө борборунун директору Сабырбек Жумабековдун айтымында, алты айдан кийин жигит балдаксыз өзү басып калат.

"Темирбектин оң буту тубаса кыска төрөлүп, сол бутунан 31 сантиметрге кыска экен. Алгач анын сан жагы 10 сантиметрге узартылып, кийин тизесинен ылдый жагына 21 сантиметр кошулган. Эми ал эки бутуна тең туруп, күз айларында балдагы жок басып калат. Мындай өзгөчө узартуу дүйнөдө алгач ирет жасалып жаткандыктан Гиннестин рекорддор китебине ушул баланын өзү киргизилип жатат. Болгону биз буга себепчи болуп, колубуздан келген жардамды кылдык", — деди Жумабеков.

Жумабеков буга чейин да бир катар сөөк өстүргөн операцияларды жасаган.

6991
Белгилер:
Сабырбек Жумабеков, сөөк, операция, дарыгер, Гиннес китеби, бут
Тема боюнча
Сабырбек Жумабековго Гиннес китебинин комиссиясынан жооп келди
Сабырбек Жумабеков дүйнөлүк ойлоп табуучулар сынагында 5 күмүш медаль алды

Аябай бактылуу болуп турам! Акаевдин сурактан чыккандан кийинки маеги видеодо

83
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

83
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!

Аскар Акаев УКМКдан чыкты. Видео