(2:12 / 15.23Mb / )

Кыргызстандагы эң чоң ит. Миша Галустян арзып келген "Аракет"

3779
(жаңыланган 19:25 28.04.2017)
"Аракет" — Кыргызстандагы эң чоң бөрү басар ит болуп саналат. Анын салмагы 103 килограммга жетсе, бою 90 сантиметрди түзөт. Аны сатып алуу үчүн он миң доллар сунушташкан.

"Аракет" учурда 3,5 жашта. Ээси Турат Осмонкулов 28 жылдан бери ит багуу менен алектенет. Анын иттерин Казакстан, Россия өңдүү коңшу өлкөлөрдөн келип сатып алышат. Мындан үч жыл мурун россиялык шоумен Михаил Галустян атайын өзү келип эки күчүк алып кеткен.

Хозяин волкодава Турат Осмонкулов принимает в гостях российского комика Михаила Галустяна, который приехал в Кыргызстан специально для того, чтобы купить щенков.
© Фото / Айыма Осмонкулова
Россиялык шоумен Михаил Галустян атайын Кыргызстанга келип Турат Осмонкуловдон эки күчүк сатып алган

"Аракетти" күчүгүнөн баштап өзүм чоңойттум. Мунун аталары бир нече чемпиондук титулдарды жеңип жүргөн. Күнүгө эртең менен, кечинде үч чакырым аралыкка чуркатып машыктырам. Моюн, буттарын чыңоо үчүн беш килограммдык каргы тагып койгом. Негизи иттерди толуп жетилишин күтүп үч жаштан кийин урушка чыгарабыз. "Аракет" ушул жылдан тарта мелдештерге катыша баштайт", — деди Осмонкулов.

Короодогу мындан башка дагы тогуз иттин ар бири өзүнчө темир капаста багылат. Ээси чоң иттери 1000, күчүктөрү 200 доллардан жогору сатыларын белгиледи.

"Буга чейин башка иттерим менен республикалык, азиялык мелдештерге катышып бир топ байгеге жетишкем. "Аракетти" сатып алууга көбү кызыгып ар кандай баа сунуштаган учурлар болгон. Бир кытай жараны он миң долларга чейин сунуштаганда дагы бербей койгом. Ал эми Михаил Галустян өзү атайын үйүмө күчүк алып кетүүгө келгенде аябай таң калгам", — деди Осмонкулов.

Ал ит багууну бизнес эмес, хобби катары көрөрүн, ошондуктан алыс кете албай, негизги жумушуна айлантканын кошумчалады. Осмонкулов иттерине кафе-ресторандардан тамак-аштын калдыктарын алып келип, эки күн сайын ар бирине эки килограммдан эт берерин айтты.

3779
Белгилер:
ит, жаныбарлар, Михаил Галустян, Кыргызстан
Тема боюнча
Унаа алдында калган итти "досу" тирилтүүгө аракеттенип, зээнди кейитти
Чаткал: кар көчкү басып калган ит 44 күндөн кийин тирүү табылды
Бөрү басар же кыргыз дөбөтү башка иттерден эмнеси менен айырмаланат
Жаратылышты жан дили менен коргогон токойчулар жана аларга жардам берген иттер