(2:37 / 18.57Mb / )

Өзгөн: артымды карасам үй жок, баарынан айрылдым! Күйүткө баткандардын ыйы

14201
(жаңыланган 23:13 30.04.2017)
Учурда жер көчкү алдында калгандарды издөө иштери жүрүп жатат. Бүгүн түш ченде 12 жаштагы жана 2 жаштагы эки кыздын, кечке маал 20 жаштагы дагы бир кыздын сөөгү табылган.

Кырсык болгон жерде бир үй-бүлөдө жетиден-сегизден жакынын жоготуп боздогон энелер, ӨКМден жакындарынын сөөгүн таап берүүнү суранган жаш жигиттер, аксакал аталар бар. Дагы деле жакындарынын көчкү алдында калганына ишенгиси келбей тирүү табылып калабы деп үмүт менен караган каректер. Апааттан жакындарынын кабарын угуп Россиядан жана башка мамлекеттерде иштегендер келе башташты.

Таңда күтүлбөй келген кырсык Гүлбахар Алиеванын үй-бүлө мүчөлөрүнөн тогуз адамды алып кетти.

"Бул үйдө кайнатам менен кайненем калган болчу. Өзүбүз мал алып айыл четинде чыгып кеткен элек. Ал күнү кечинде 11-класста окуган балам менен кайнежемдин баласы, аркы айылда жашаган кайын сиңдим жаш баласы менен ата-энесинен кабар алганы келип түнөп калышкан экен. Коңшу үйдө кайнагам аялы, эки кызы менен жашачу. Кайнежемдин баласы гана сыртка качып чыгууга үлгүрүптүр. Калганынын баары топурак алдында калды", — деди боздогон эне.

Ал жолдошу беш баласы менен калды.

Айылдын дагы бир тургуну Абдирашид Калыков аялы, эки баласы, келини жана эки небересинен айрылып калды.

"Мын сыртта болчумун. Көчкү кандай келгенин көрбөй калдым. Бир убакта шамал болгондой болду, артымды карасам үй жок, чаң болуп эле эч нерсе көрүнбөй калды. Бир заматта баарынан айрылып калдым", — деди Калыков.

Жакын туугандарынан жетөөнү жоготкон Мухиддин Назарбаевдин апасы кырсыктан бир күн мурда Россияга иштегени барып, бирок суук кабарды угуп кайра эле артка кайтып келе жаткандыгын айтат. 

"Араң эле турам. Апам келип көчкүнү көзү менен көрсө эмне болоор экен деп кабатырланып жатам. Жалгыз карындашым жер астында кала берди. Аялым, апам, эки иним болуп Россияда жүргөнбүз. Бул жакта атам менен карындашым эле калган болчу. Карындашым да шаарда окучу, дем алыштан улам айылга келген экен. Бир тууган агам дагы төрт баласы менен топурак алдында калды", — деди Назарбаев.

Белгилей кетсек, 29-апрелде эртең менен саат 6:40тар чамасында Өзгөн районун Зергер айыл аймагындагы Аюу айылында көлөмү 200 миң метр куб жер көчкү жүрүп, алдын ала маалымат боюнча алты үй-бүлөдөн 24 кишини басып калган. Көчкү алдында калган жети турак жайдын бирөөндө эч ким жашаган эмес.

Издөө иштери бүгүн да саат 10.50дө башталып, ага 400 адам тартылган. Адистердин айтымында, көчкүнүн бийиктиги болжол менен 4,5-5 метрди түзөт.

Аюу айылы Өзгөндүн борборунан 30 чакырым алыстыкта жайгашкан. Аталган аймакта 248 үй-бүлө, ал эми киши саны менен алганда 1800гө чукул адам жашайт.

Кырсык болгон жайда учурда эмне болуп жатканын Sputnik Кыргызстан агенттигинин материалынан окуңуздар>>

14201
Белгилер:
Жер көчкү, кырсык, Аюу айылы
Тема:
Өзгөндүн Аюу айылында 24 киши жер көчкүнүн алдында калды (42)
Тема боюнча
Өзгөн: жер көчкү алдында калган эки кыздын сөөгү табылды
Өзгөн: жер көчкү алдында калгандарды издөө башталды
Жээнбеков: өзгөчө кырдаал болгондо чуркабай, анын алдын алууга аракет кылгыла

Атаандашын башка чапкан Месси биринчи жолу кызыл айып кагазын алды. Видео

505
Аргентиналык футболчу командалашына топту өткөрүп берип, чабуулду коштоп чуркаган. Бул учурда Асьер Вильялибр менен кагылыша кеткен.

"Барселона" клубунун капитаны Лионель Месси бильбаолук "Атлетик" командасы менен Испаниянын суперкубогунун финалында орой оюну үчүн беттештен куулду. Бул тууралуу Р-Спорт маалымат булагы жазды.

Чыр кошумча бөлүктүн экинчи, 15 мүнөттүк таймынын акыркы ирмемдеринде чыккан. Аргентиналык футболчу командалашына топту өткөрүп берип, чабуулду коштогону чуркаган. Бул учурда Асьер Вильялибр менен кагылышып, аны башка чаап, кулатып салган.

Севильяда өткөн чечүүчү беттеште "Атлетик" 3:2 эсеби менен утуп, Испаниянын суперкубогун алды.

Интернеттеги жеткиликтүү маалымат базасы менен алектенген Gracenote компаниясы Месси "Барселона" клубундагы карьерасында өткөргөн 753 беттешинде биринчи ирет кызыл айып кагазын алып, оюндан четтетилгенин Twitter баракчасында белгиледи.

505
Белгилер:
Испания, "Атлетико" командасы, Барселона ФК, Лионель Месси
Тема боюнча
Контрчабуулду куулук менен токтоткон швециялык футболчу жазаланды. Видео

Каттамга чыкпай койгон маршруткалар. Шаардагы абалды көрсөткөн видео

356
(жаңыланган 11:33 18.01.2021)
Бүгүн айрым маршруткалар каттамга чыккан жок. Бул шаар тургундарына кандай таасир этти, маршрутка айдоочуларынын пикири кандай? Sputnik Кыргызстандын кабарчысы түз эфирден калаадагы кырдаалды тааныштырды.

Маршруткалардын айдоочулары бүгүн, 18-январда, жол кирени 5 сомго көтөрүп 15 сом кылуу талабы менен иш таштай турганы айтылган. Ал арада айрымдары каттамга чыкпай койгону белгилүү болду.

Бишкек шаарынын милдетин аткаруучу Балбак Түлөбаев тарифти көтөрүүгө даяр экенин, бирок азыр дароо ишке ашыруу мүмкүн эместигин билдирди. Аны менен катар бүгүн жумушка чыкпай койгон маршруттук каттамдын лицензиясы алынып, башкаларга берилерин эскертти.

356
Белгилер:
түз эфир, иш таштоо, иш, жол кире, жумуш, каттам, маршрутка
Тема боюнча
ШИИБ маршрутка айдоочуларын чагымчылдыкка алдырбоого чакырды
Насыябыз бар, жети күн эс албай иштейбиз! Маршрутка айдоочуларынын арыз-муңу
Кары киши. Архивдик сүрөт

111 жашка чыккан аксакал узак жашоо сырлары менен бөлүштү

0
Крюгер өмүр бою фермада иштеп, 86 жашынан тарта китеп жаза баштаганын айткан. Ошондой эле ал тамашаны жакшы көрөрүн жашырган эмес.

БИШКЕК, 19-янв. – Sputnik. Австралиянын 111 жашка толгон тургуну Декстер Крюгер январда туулган күнүн белгилеп, жашоо образы тууралуу айтып берген. Бул тууралуу РИА Новости жазды.

Ага ылайык, Крюгер "дем алгыла, күнүнө үч маал тамак жесеңер убакыт билинбей өтө берет" деп тамашалаган.

Ал адатка айлантып алган тамактануусу тууралуу да бөлүшө кеткен.

"Ырдаганды жакшы көрөм. Күн сайын алты даана креветка жейм. Ошондой эле кечки тамакка балыктын бир түрү кошулган суюк тамак ичем", — деген ал.

Крюгер тамашаны жакшы көрө турганын айтып, жашоодогу ар кандай кырдаалдан юморду колдонуу менен чыгып кетерин баса белгилеген.

Ал өмүр бою фермада иштеп, 86 жашынан тарта китеп жаза баштаганын айткан. Азыркы тапта анын ырлары жана эскермелери камтылган 12 жыйнагы чыккан.

0
Белгилер:
аксакал, тамаша, тамактануу, Австралия, өмүр
Тема боюнча
Окумуштуулар дайыма жөө жүргөн адамдын өмүрү узак болорун далилдешти