(0:41 / 5.56Mb / )

Россиянын тургуну "Жигулисин" 62 миң долларга сатууда

3443
(жаңыланган 11:13 03.06.2017)
Автоунаа 38 жыл бою туруктуу температурада сакталып, болгону 118 чакырым жүргөн.

Тольятинин тургуну Виктор Миллохин 1979-жылы чыккан ВАЗ-21033 "Жигули" автоунаасын 3,5 миллион рублга (62 миң доллардын тегереги) сатууда. Миллохиндин айтымында, автоунаанын сапаты мыкты. Ал болгону 118 чакырым жүргөнү менен сатып алуучуларды өзүнө тартат.

3443
Белгилер:
машина, Жигули, Россия
Тема боюнча
Тили так чыга элек Алан шаарларды шакылдатып, автоунааларды жазбай айтып берди
Сыры кетсе да, сыны кетпеген өзгөчө стилдеги ГАЗ-51 автоунаасы

Мойнунан кан аккан боюнча көмүлдү. Чек арада окко учкан Акжолдун трагедиясы. Видео

2232
(жаңыланган 20:06 11.05.2021)
Тажикстандын куралдуу кол салуусунан каза тапкан 36 кыргызстандыктын арасында Акжол Арыпбай уулу да бар. Ал быйыл 25 жашка толгон, Баткен районунун Кара-Бак айылында жашачу. 29-апрелде айылдаштары менен "Головной" суу бөлүштүрүүчү жайына барып окко учкан.

Акжолдун артында туяк калган жок, дагы бир аз иштеп, үйүн оңдоп алып анан үйлөнөм деп жүргөн. Эгер кандуу кагылышуу болбогондо ал 2-май күнү атасына куран окутуп, эртеси улгайган апасын ден соолугун чыңдоо үчүн ооруканага жаткырмак.

Маркумдун атасынын агасы Шарип Сүйүнов инисинин сөөгүн бир күндөн кийин табышканын айтат.

"Баткендеги өлүкканага барсак 18 адамдын сөөгү келди. Өлүктөрдү тизип койгон экен, ошол жерден тааныдык. Медиктер бети-башын тазалап берди, алып келип жерге бердик. Жума күнү биздин айылдан төртөөнү бир узаттык, мечитте жаназасы окулду. Эртеси дагы бир жигиттин сөөгү келди. Негизи бейшемби күнү бизде мал базар болот. "Головнойдогу" жаңжал боюнча телефондон кабар беришип, "жардамга келгиле" дешсе базардан ары эле кетиптир. Барганда миномёт менен аткан окшойт. Мойнунан кан токтободу, ошол бойдон алып барып койдук", — деди Сүйүнов.

Акжол сегиз бир туугандын төртүнчүсү. Апасы Райымахан Ниязова ал фундамент куюп иштеп үй-бүлөсүнө каралашып келгенин айтат.

"Шартка байланыштуу үйлөнө албай жүрдү, "апа, бутума турсам үйлөнөм" деген. Ишке деп кетип ошол бойдон өлүп келди. Чалдым, чалдым, телефонун көтөрбөдү, кийин "өтүптүр" деп айтышты. Элим үчүн коргойм, мен баарына даярмын деп барыптыр да. Өзү намыскөй, бирөөгө эч жаман сүйлөбөгөн бала эле. Былтыр бетон аралаштыргыч алып, "эми, апа, ушуну менен бутума туруп кетем" деп жүргөн. Бул жактагы агасынын үйүндө да жүк түшүрүп иштечү. "Апа, ишембиде базарлык кылып, жекшемби күнү ооз ачар өткөрүп атама куран окутабыз. Анан дүйшөмбү күнү сизди жакшы бир жерге алып барып эс алдырам, кант диабетиңизди көрсөтөм" деген. Акыркы сүйлөгөн сөзү ошол болду", — деп ыйлады муңайган эне.

Чыр чыккан күнү "Головной" суу бөлүштүрүүчү жайында 25 жай тургун мерт болгон. Жарадарларды алып келүүгө тез жардам унаасы да өтө албай калган.

Аталган суу таратуучу пункту Баткен районунун Кара-Бак айылы үчүн да маанилүү. Себеби ошол жактан чыккан суу менен эгинин сугарышат. Куралдуу кагылышуудан бул айылдан беш адам мерт болгон.

2232
Белгилер:
өлүм, Тажикстан, Кыргызстан, Чыр-чатак, Кара-Бак, Баткен облусу
Тема:
Баткендеги кыргыз-тажик жаңжалы
Тема боюнча
Бир айыл 5 уулун жоготту. Турдубайдын чек арада окко учканын 4 баласы биле элек
Дүкөндөрдү тоноп, малын союп жешкен. Лейлектеги айылдардан аянычтуу кадрлар
Россияда жүрүп 10 жылда курган үйүм күлгө айланды. Максаттык Атакулованын ыйы

Кыргызстандык "Месси" Гүлжигит Алыкулов тууралуу даректүү тасма тартылды

142
Алматылык "Кайрат" футбол клубу жарым коргоочусу, мыкты дриблинги жана шамдагайлыгы менен кыргызстандык "Месси" атыккан Гүлжигит Алыкулов тууралуу даректүү тасма чыгарды.

Кыргызстандын улуттук командасынын 20 жаштагы оюнчусу 2020-жылдын январынан тарта алматылык "Кайрат" клубуна өткөн. Жакында эле клуб менен 2023-жылдын аягына чейин кызматташуу тууралуу келишимге кол койду.

Буга чейин ал беларустук "Неман" клубунун намысын коргогон. Футболчу ар дайым Европа клубдарында ойноону максат кылганын айтат. Учурда алматылыктардын намысын коргоп жатканына ыраазы экенин белгилеген.

Кыргызстанда спорттук карьерасын баштаган оюнчу "Дордой" клубунда тарбияланып, жергиликтүү "Кара-Балта", "Алга" командаларында ойногон. Мындан сырткары, түркиялык "Антальяспор" клубунда өзүн сынаган.

Тасмада Алыкулов Алматыдагы жашоосуна ыраазы экенин айткан. Атасын эстеп, ар тараптан колдогон үй-бүлөсүнө ыраазычылык билдирет.

"Кайраттын" башкы машыктыруучусу Алексей Шпилевский кыргыз футболчусун "Немандын" сабында ойноп, атаандаштын жарым командасын буйтап өтүп гол киргизгенде байкаганын айтат. Гүлжигит Европада ойногусу келген изги тилегине карабай, бир катар сүйлөшүүлөрдөн кийин Казакстанга келген.

Машыктыруучу кыргыз футболчусунун өз алдынчалыгын жана жеңиш үчүн умтулган кайраттуу мүнөзүн өзгөчө белгиледи.

Алыкулов өзү болсо "Кайраттын" сабында дагы бир жолу Казакстандын чемпиону болууну жана Кыргызстандын улуттук курамасы менен дүйнө чемпионатында ойноону самаарын белгиледи.

142
Белгилер:
Казакстан, Алматы, ФК Кайрат, даректүү тасма, Гүлжигит Алыкулов, футбол
Тема боюнча
"Кыргызстандык Месси" алматылык клуб менен келишимин узартты
Баткенде кармалган тажик жарандарынын оор жүк ташуучу унаалар

Милиция Баткенде кармалган тажикстандык фуралардагы жүктү көрсөттү. Сүрөт

62
(жаңыланган 12:53 12.05.2021)
Милициянын берген маалыматы боюнча, бул автоунаалар Тажикстанда кармалып турган кыргызстандыктардын жети фурасы менен алмашылат.

БИШКЕК, 12-май — Sputnik. Баткенде кармалган тажик жарандарынын оор жүк ташуучу унаалары Россиядан келе жатканын облустук милиция билдирди.

ОИИБдин маалымат кызматы фуралар турмуш-тиричилик үчүн колдонулган күнүмдүк керектелүүчү буюмдарды жүктөп баратканын көрсөтүп, сүрөтүн жарыялады.

Белгилей кетсек, кечээ, 11-майда, тажик жарандарынын үч фурасы Баткен шаарынын кире беришинде жергиликтүүлөр тарабынан токтотулган. Автоунааларды ички иштер органынын кызматкерлери коштоп бара жаткан.

Милиционерлер фураларды Оштон Баткен облустук милициясынын унаа токтотуучу жайына алып баратканын билдиришкен. Тажик жарандарынын коопсуздугу үчүн коштоп баруу чечими кабыл алынганы айтылган. Бул жүк ташыган унаалар Тажикстанда кармалып турган кыргызстандыктардын жети фурасы менен алмашылары белгиленди.

62
Белгилер:
милиция, буюм, фура, Баткен облусу
Тема боюнча
Тажикстандын фураларын коштогон милиционерлерге карата териштирүү башталды
Лейлекте чек ара чырында уурдалган 16 унаанын үчөө Тажикстандан кайтарылды