Атасынын кечиккен "Кызыл жылдыз" орденин уулу эки жылдан бери ала албай жүрөт

Жазылуу
Улуу Ата Мекендик согуштун ардагеринин уулу Марат Үмөтов атасы Берлинди алганы үчүн "Кызыл жылдыз" орденине ээ болгонун тастыктаган документтерди таап, бирок сыйлыгын ала албай эки жылдан бери убара тартууда.

Марат Үмөтов көзү өтүп кеткен атасына ыйгарылган сыйлыкты алып берүүсүн суранып Россиянын президенти Владимир Путинге да "Түз байланыш" аркылуу кат жолдогон.

Ардегердин баласынын айтымында, атасы Каратай Үмөтов 1939-жылы аскерге чакырылган. Согушка катышып Орел шаарына жакын жерден жаракат алган. Кийин 1945-жылы 16-апрелде Берлинди алууда катуу жарадар болгон. Россиялык сайттардан табылган документтерге ылайык, Каратай Үмөтовго 1945-жылы апрелде "Кызыл жылдыз" ордени ыйгарылган. 

"Мен КР коргоо министрлигине жана Россиянын элчилигине кайрылдым. Бирок көзү өтүп кеткен атамдын сыйлыгын ала албай жатам. Кийин Коргоо министрлиги "сага ал ордендин эмне кереги бар" деп коюшту", — деп нааразы болот Үмөтов.

Улуу Ата Мекендик согуш мааалында тылда эмгектенген Күкү Асанбекова - Sputnik Кыргызстан
Улуу Жеңиш майрамына чакыруу албай томсоргон Күкү эне
Sputnik Кыргызстан агенттиги бул туурасында буга чейин дагы жазган болчу. Анда КР Куралдуу күчтөрүнүн башкы штабы эмне үчүн сыйлык өз ээсине бериле электигин түшүндүрүп бере алган эмес. Болгону дагы тактоо иштери жүргүзүлөрүн гана билдирген. Бул жылы да толук түшүндүрмө бере алган жок. Бирок көзөмөлгө аларын убадалашты.

Мамлекеттик органдардан алгылыктуу жооп ала албаган ардагердин уулу Кыргызстан жана Россиянын президенттерине кат жолдогон.

"Алмазбек Шаршенович менен Владимир Владимировичтин атасы да согушка катышкан. Алар деле атасынын намысын коргоого аракет кылгандарды түшүнөт деп ойлойм. Бул сыйлык мага жана балдарым үчүн таберик болуп калмакчы. Бейпилчилик үчүн күрөшкөн атабызга ыйгарылган орденди талап кылууга укугубуз бар. Ал ушуга татыктуу эмес беле?" — деди ардагердин уулу.

Марат Үмөтов эртеби, кечпи бир күнү ал сыйлыкка колу жетерине үмүт артат.

Жаңылыктар түрмөгү
0