Үйдө калган күбөлүк, ызы-чуу түшкөн айдоочу. Бишкектеги рейдден тартылган видео

Жазылуу
Борбор калаада 20-21-сентябрь түндөрү Кайгуул милиция башкы башкармалыгынын адистештирилген ротасы журналисттер менен биргеликте "Бахус" аталышындагы рейд өткөрдү. Иш-чарага төрт экипаж, тагыраак айтканда, сегиз инспектор катышты.

Новые автомобили Скорой помощи - Sputnik Кыргызстан
Бишкекте Тез жардам унаасы жол кырсыгына кабылды. Фельдшер оор абалда
Эки күндүк рейддин жыйынтыгында 232 мыйзам бузуу катталган. Анда ар кандай себептер менен 34 унаа айып короого киргизилди. Мындан сырткары, жанында документи жок 26, мас абалында машина айдар бара жаткан 10 жана унаасынын терезелерин караңгылаткан үч айдоочуга протокол түзүлдү.

Sputnik Кыргызстан агенттигинин кабарчысы атайын жүргүзүлгөн рейдге катышып келди.

Алгач эле Lexus LX470 унаасын башкарып бара жаткан айымды токтоткондо анын айдоочулук күбөлүгү жанында жок болуп чыкты. Жаңы гана үйүнөн чыкканын айтып күбөлүгүн алып келе коём деп унаасын айып короого киргизүүгө караманча каршы турду.

"Мен ушул тушта эле жашайм. Шашып жатып айдоочулук күбөлүгүмдү үйгө унутуп коюптурмун. Инспекторлор үйүңүзгө барып айдоочулук күбөлүгүңүздү алып келебиз деген. Бирок ачкычты алып рулга отургандан кийин минтип айып короого алып келип коюшту. Азыр мен ооруканага барышым керек", — деди айдоочу.

Айып короогого токтотулгандан кийин жолдошу анын айдоочулук күбөлүгүн алып келди. Анан "жөн жерден айып пул төлөбөйм, унаамды азыр алып кетишим керек" деп милиционерлерге көпкө чейин каршылык көрсөттү. Ага карабай протокол түзүлдү да, жолубузду уладык.

Ош шаарынын борбордук базарында 21-сентябрда рейд жүрүп, башаламан соода кылган күркөлөр алынды - Sputnik Кыргызстан
Ош шаарынын борбордук базарында башаламан коюлган күркөлөр алынды
Ал эми BMW X5 машинасын токтоткондо айдоочусу унаа салыгынын квитанциясын көрсөтө албады. Мындан улам ал бирде биздин чыгармачыл топтун, бирде милиционердин документин сурап ар кандай жүйөлөрдү айтып бир саатай убакытты алды. Акыры салык квитанциясы жанында жок экенин моюндап протоколго кол койду.

Андан кийин терезелеринин төрт тарабы тең караңгылатылган ак түстөгү Toyota Camry унаасы токтотулду. Анын айдоочусу бир нече мүнөт унаадан түшпөй отуруп алды. Документтерин көрсөтпөй унаасынын ичинде да, сыртка чыгып да ар кимге чалып жатты. Кийинчерээк анын жанында документтери жок экени белгилүү болду. Мындан улам унаасы түз эле айып короого жеткирилди.

Жаңылыктар түрмөгү
0