(3:01 / 24.25Mb / )

Сапар Исаков Азиададан келген спортчуларды кыса кучактап, өөп тосуп алды

1702
(жаңыланган 18:23 30.09.2017)
Ашхабадда өткөн жабык имараттагы Азия оюндарында күч сынашкан спортчулар мекенине кайтып келди. Аларды "Манас" эл аралык аба майданынан өкмөт башчы Сапар Исаков, Жаштар иши, дене тарбия жана спорт агенттигинин директору Канат Аманкулов жана ЖМК өкүлдөрү тосуп алды.

Аталган мелдештен Кыргызстандын курма командасы 70 медаль багындырып, жалпы командалык эсепте 8-орунду ээлешти. Байгелердин 13ү алтын, 20сы күмүш, 37си коло.

Аэропорттун ичинде спортчуларга арнап сый тамак уюштурулган. Жолугушууда Исаков спортчуларды жеңиши менен куттуктап ийгиликтерди каалады.

"Силер Кыргызстандын сыймыгысыңар! Ушундай жеңиштер дагы да көп боло беришине тилектешмин!" — деди премьер-министр.

Ал эми Жаштар иши, дене тарбия жана спорт агенттигинин директору Канат Аманкулов 2017-жылдын 1-январынан тарта машыктыруучулар менен мугалимдердин айлыгын 50 пайызга жогорулатуу жана спортчулардын эң төмөнкү стипендиясын 5000, жогоркусун 75 миң сомго чейин жеткирүү каралып жатканын билдирди.

Улуттук курама команданын капитаны Калы Сулайманов грек-рим күрөшүнөн алтын медаль багындырган.

"Кыргыздын гимнин ойнотуп, желегин көтөрүүгө болгон күчүбүздү жумшадык. Команданын капитаны болуп дайындалганым үчүн чоң жоопкерчилик мойнумда болду. Жөнөп жатканда алтын медаль утам деп убада берип кеткем. Кудайга шүгүр сөзүмө тура алдым. Атаандаштарым аябай күчтүү болду", — деди Сулайманов.

Эки медаль багындырган балбан кыз

Мээрим Момунова 60 килограммга чейинки салмак категориясы боюнча бел боо алыш күрөшүнөн алтын, бел боо күрөшүнөн күмүш байгеге ээ болгон.

"Биринчи күнү түркмөн кызы менен беттешип калыстардын адилетсиздигинен улам жеңилип калдым. Анткени мен көтөрүп чапкан ыкманы каршылашыма ыйгарып коюшту. Экинчи күнгө катуу даярданып атаандашымды эле эмес, калыстардын да адилетсиздигин жеңем деп бардым. Жыйынтыгында ийгиликке жетиштим", — деди спортчу.

Момунова чоң спортто 10 жылдан бери жүрөт. Мындан ары ал Азия жана Көчмөндөр оюндарына кызуу даярдык көрө турганын билдирди. Атасы Калыбек Момунов кызынын жеңишинен шек санабаганын айтат.

"Кызым жеңишке жетээрине 100 пайыз ишенгем. Ал дүйнөлүк мелдештерге чыгып жүрөт. Азиададан алтын утаарынан шек санаган эмесмин", — деди атасы.

Анын айтымында, апасы Салима Жолдошева көп жыл бою кызынын спортко аралашуусуна каршы болуп жүргөн. Бирок ага да баш ийбей өз максатына жетти деп кубанып турган чагы.

Улуттук алыш күрөшү боюнча башкы машыктыруучу Кабыл Бөрүбаев спорттун бул түрүнөн кыргыз балбандары 4 алтын, 8 күмүш, 11 коло медаль багындырганын билдирди.

"Атаандаштар абдан мыкты даярданыптыр. Башкы атаандаштарыбыз түркмөндөр болду. Ошондой эле алар калыстар менен сүйлөшүп алгандай сезимдерди калтырды. Мындан сырткары иран, тажик, өзбек спортчулары күчтүүлүгүн көрсөтө алды", — деди Бөрүбаев.

Жабык имараттагы V Азия оюндары 17-27-сентябрь аралыгында Түркмөнстандын борбору Ашхабад шаарында өттү. Кыргызстандын улуттук курама командасынын атынан спорттун 17 түрү боюнча 153 спортчу күч сынашты. Алар: жеңил атлетика, бильярд, самбо, белбоо алыш күрөшү, жиу-житсу, шахмат, кыз-келиндер арасындагы күрөш, грек-рим жана эркин күрөш, бий спорту, кикбоксинг, сууда сүзүү, ат оюндары, казак күрөшү, таэквондо WTF, баскетбол жана футзал.

1702
Белгилер:
медаль, спорт, Азия оюндары, Ашхабад
Тема:
Сапар Исаковдун Россияга болгон расмий сапары (9)
Тема боюнча
Азия оюндары: кыргызстандыктар дагы үч алтын медаль алышты
Азия оюндары: бильярдчы менен бийчилер эки алтын утушту

Макгрегор нокаут болгондо. UFC мелдешинин бүйүр кызыткан видеолору

207
(жаңыланган 13:01 25.01.2021)
Кечээ Абу-Дабиде UFC 257 мелдеши жыйынтыкталды. Ал промоушендин 2021-жылдагы алгачкы чоң окуяларынан болду.

Бир учурда эки дивизиондун чемпиону болгон Конор Макгрегор менен Дастин Порьенин реванш беттеши мелдештин эң башкы кармашы болду. Жеңил салмакта Майкл Ченлер менен Дэн Хукердин кармашы да көрүүчүлөргө өзүнчө кызык тартуулады.

Порье беттештин экинчи раундунда атаандашы Макгрегорду нокаутка сулатып, мөөнөтүнөн мурда утту. Бул ирландиялык мушкердин ММА спортундагы карьерасында биринчи бүк түшүүсү болду. 

Турнирде Bellator уюмунун экс-чемпиону Майкл Чендлердин бет ачар таймашы ийгиликтүү аяктады. Ал экинчи башкы беттеш деп саналган кармашта Дэн Хукерди биринчи эле раундда нокаутка кетирип утуп алды.

Мелдеште кошуна Казакстан, Өзбекстандын мушкерлери да күч сынашты. Өзбекстандык Махмуд Мурадов америкалык Эндрю Санчез менен кез келип, үчүнчү раундда нокаутка түшүрдү. Мындай ийгилиги үчүн ал промоушенден 50 миң долларлык бонуска ээ болду. Казакстандык Жалгас Жумагулов ирактык Амир Альбази менен үч раунд кармашкан. Жыйынтыгында калыстардын чечими менен жеңиш ирактык спортчуга ыйгарылды.

Россиялык мушкер Арман Царукян америкалык Мэтт Фревол менен таймашып, калыстардын бир добуштан берген чечими менен утуп алды.

Баштапкы карддын алкагында октагонго дагы бир россиялык атлет Мовсар Евлоев чыгып, америкалык Ник Ленц менен кармашты. Үч раунддун жыйынтыгында калыстардын чечими менен жеңүүчү деп табылды.

207
Белгилер:
нокаут, Конор Макгрегор, мелдеш, UFC, Абу-Даби
Тема боюнча
UFC уюмунда өзбекстандык мушкер кубаттуу муштуму менен атаандашын "бийлетти". Видео
UFC: Хабиб Нурмагомедовдун иниси алгачкы беттешинде атаандашын утуп алды. Видео

Кудум мышыктай! Май үчүн бактын чокусуна чыккан түлкүнүн видеосу

267
My-Mriya Crimea Wildlife YouTube каналында чочконун майына (сала) жетиш үчүн ийилген жука бутактардын башына чыккан куу түлкүнүн видеосу жарыяланды.

"National Geographic Россия" басылмасы жазгандай, окуя Крымда болгон. Анда фотограф, блогерлердин үй-бүлөсү короосундагы бакка чымчыктар үчүн чочконун майынан бир тилим илип коюшкан. Бирок тамакты чымчыктарга "аш" кылбай түлкү жеп кеткен. Блогерлердин айтымында, мындай учур биринчи ирет кайталанбагандыктан, алар атайын камера коюп, түлкүнүн майды алып кеткен учурун видеого түшүрүп калышкан.

Анда көрүнүп тургандай, жырткыч бутактардын ичке экенине карабай башына чейин чыккан. Биринчи аракетинде көздөгөн тамагын ала алган эмес. Бирок экинчи ирет бактын башына кайра чыгып, акыры майды алып кеткен.

267
Белгилер:
видео, май, тамак, түлкү, Крым
Тема боюнча
Аппак коён кар кишинин мурдуна коюлган сабизди жеп кетти. Элжиреткен видео
Орто-Сай базарындагы жайма базар. Архив

Күчүм жетпей жатат! Түлөбаев жайма базар боюнча УКМКга кайрылганын айтты

0
(жаңыланган 00:06 26.01.2021)
Түлөбаев "Ош" базарында болгон окуя сыяктуу көрүнүштөргө жол берилбеши керектигин айтты. Буга чейин соцтармакта сатуучунун мэрия кызматкери жана милиционер менен тирешкен видеосу тараган.

БИШКЕК, 25-янв. — Sputnik. Мэрдин милдетин аткаруучу Балбак Түлөбаев базардын айланасында товарларды жайып саткандар менен күрөшүү үчүн УКМКдан жардам сураганын билдирди.

Ал бул боюнча Улуттук коопсуздук мамлекеттик комитетинин башчысы Камчыбек Ташиевге кат жиберген.

Ошондой эле Түлөбаев "Ош" базарында болгон окуя сыяктуу көрүнүшкө жол берилбеши керектигин айтты. Буга чейин социалдык тармакта рейд учурунда сатуучунун мэриянын кызматкери жана милиционер менен тирешкен видеосу тараган.

"Билем, саботаж кылып жатышат, айтканды укпай жатышат. Мындай да, тигиндей да айттык, болбой жатышат. Эки күн мурун Камчыбек Кыдыршаевичтин атына кат жибердим. Менин күчүм жетпей жатат, мага жардам бергиле дедим. Жайма базар менен күрөшүүгө топ жибериңиз деп өтүндүм. "Ош" базарынан, "Аламүдүн" базарынан акча чогултуп жаткан чагымчылдар тууралуу билебиз. Кат келеби, жокпу билбейм, биз катуу иштейбиз. Болду эми, жакшы эле кечириштик", — деди Түлөбаев.

Шаар башчысынын милдетин аткаруучу сатуучуларды базардын ичине кирип соода кылгыла деп айтып жатканын жана ал жакта орундар бар экенине ишендирди.

0
Белгилер:
жайма базар, мэр, Балбак Түлөбаев, УКМК, Бишкек
Тема боюнча
Садыр Жапаров мэр Балбак Түлөбаевге эки тапшырма берди