Кыргыз кыз-келиндери Москвада элечек кийип флешмоб өткөрүштү. Видео

(жаңыланган 09:14 25.10.2017)
Уюштуруучулардын айтымында, мындай флешмоб чет өлкөдө биринчи жолу өттү.

Москва шаарында элечек кийген кыргыз кыз-келиндеринин "Аалам. Аял. Аруулук" аттуу флешмобу өттү. Бул тууралуу Sputnik Кыргызстан маалымат агенттигине уюштуруучулардын бири Айжан Акылбекова билдирди.

Анын айтымында, мындай флешмоб чет өлкөдө биринчи жолу уюштурулуп жатат.

"Москвадагы "Айым" аттуу кыз-келиндер клубунун жетекчиси Шахризада Аданова көптөн бери эле ушундай иш-чара өткөрүүнү сунуштап жүргөн. Бизде дагы элечек менен дүйнө кыдырсакпы деген тилек бар эле. Ойлорубуз дал келип флешмобду биринчи Россиянын борборунан баштадык. Иш-чарага ошол жакта жашаган 11 кыз-келин катышты. Негизги максатыбыз чет өлкөлүктөргө көз жоосун алган улуттук кийимибизди, баш кийимдерди көрсөтүү. Себеби аялзаттын көркүн кийим ачат эмеспи", — деди Акылбекова.

Элечек кийген кыз-келиндер Кызыл Аянтты, соода жайларын жана шаардын көчөлөрүн кыдырып калаа тургундарын таң калтырган.

"Алдыбыздан чыккандардын айрымдарынын балдары "бул эмне болгон кийим" деп сурап жатышты. Алардын кээ бири "бул кыргыз улуттук кийими десе, айрымдары булар мусулмандар экен" деп жооп беришти. "Кыргыздар ушундай сулуу болоорун байкабаптырмын" дегендер да болду. Айтор, флешмоб ийгиликтүү өтүп, көпчүлүк бизди суктануу менен карашты", — деди уюштуруучу.

Ал ошондой эле аталган флешмоб башка өлкөлөрдө да уланарын кошумчалады.

Белгилер:
флешмоб, баш кийим, элечек, Москва
Тема:
Кыргыздын улуттук кийими (15)
Тема боюнча
“Кийиз дүйнө” кыргыздын салттуу билим боюнча окууга чакырат
Шаңкылдап ырдап, шартылдап бийлеген шайыр апалар. Байбичелер кастинги
Сулууларга суктанууга акым бар. Ажарлуу, жылдыздуу ак элечекчен айымдар

Ийинин таптап... Андраде Шевченко менен кантип тиктешти. Видео

(жаңыланган 10:26 23.04.2021)
Мушкер кыздар UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

UFC уюмунун чемпиону, кыргызстандык мушкер кыз Валентина Шевченко кезектеги атаандашы Жессика Андраде менен көз караштар таймашына чыкты. Чемпиондук наам үчүн кармашуучу спортчулардын видеосун аталган уюм өзүнүн Instagram баракчасына чыгарды. 

Посмотреть эту публикацию в Instagram

Публикация от ufc (@ufc)

Мушкер кыздар 24-апрелде (Бишкек убактысы боюнча 25-апрелде) АКШнын Флорида штатындагы Жексонвилл шаарында өтүүчү UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

Видеонун астына промоушен "Чемпион наамын коргоп кала алабы же жаңы чемпион чыгабы?" — деген таризде билдирүү калтырган.

Кыргызстандык мушкер беделдүү уюмдун бел курун 2018-жылы польшалык Жоанна Енджейчикти уткандан кийин тагынган. 2019-жылы америкалык Жессика Айды, Лиз Кармушту, ал эми былтыр америкалык Кэтлин Чукагянды, бразилиялык спортчу Женнифер Майяны утуп, наамын төрт ирет коргоп калган.

Ал эми атаандашы бразилиялык спортчу эң жеңил салмактын чемпиону болгон. Акыркы беттешин 2020-жылдын 17-октябрында Кэтлин Чукагян менен кармашып, нокаут менен уткан.

Жессика Андраде карьерасында 29 кармашка чыгып, сегиз ирет жеңилген. Кызыгы, бразилиялык кыз Камару Усман менен Хорхе Масвидель чемпиондук кур үчүн таймашкан UFC 251 мелдешинде Роуз Намаюнаска жеңилген. Андраденин Шевченко менен беттеши да дал ушул Камару Усман менен Хорхе Масвидель чемпиондук кур үчүн таймашкан UFC 261 турниринин алкагында өтөт.

Белгилер:
наам, беттешүү, Жессика Андраде, Валентина Шевченко, мелдеш, UFC
Тема:
Валентина Шевченко Жессика Андраденин беттеши
Тема боюнча
Шевченконун көптөн күттүргөн беттешин кайсы жактан көрсө болот. Тизме
Дана Уайт: Шевченко удаасы менен эки супер беттеш өткөрүшү мүмкүн

Чопулдатып сүт эмип. Эки баштуу, төрт көздүү музоонун видеосу

Фермер уникалдуу бул музоону канча жашаса ошончо жыл бакканга даяр экендигин, ага болушунча кам көрөрүн айткан.

Түндүк Македониядагы уй фермада эки баштуу жана төрт көздүү музоо туулган. Бул тууралуу Wis TV телеканалы маалымдаган.

Видеодон эки баштуу музоо бир оозу менен сүт ичкенде экинчи оозу кошо кыймылга келип жатканын көрүүгө болот.

Фермердин айтымында, жаныбарды карап чыккан ветеринар музоонун органдары азырынча кадыресе, толук кандуу иштеп жаткандыгын билдирген.

Адистер полицефалия сейрек кездешерин, мындай болуп туулган жаныбарлар көпкө жашабай тургандыгын айткан. Анткен менен фермер музоону канча жашаса ошончо жыл бакканга даяр экендигин, ага болушунча кам көрөрүн журналисттерге билдирген.

Полицефалия сүт эмүүчүлөр менен адам баласында жолугат. Эгерде эки эмбрион курсакта жатканда экиге бөлүнбөй калса, алардын эки мээси калыптанып, дем алуу жана тамак сиңирүү органдары бир болуп жарыкка келет. Адатта алар тез эле көз жумат, бирок узакка жашагандары да бар.

Белгилер:
ветеринар, Сүт, фермер, музоо, Македония
Тема боюнча
Зыяны жок. Таиланддагы эки баштуу жыландын видеосу
Кемпир-Абад суу сактагычы. Архив

Өзгөндүктөр да жер берүүгө каршы чыгып, Кемпир-Абаддын жээгине боз үй тикти

(жаңыланган 15:18 23.04.2021)
Жер берүүгө нааразы болгон тургундар Камчыбек Ташиевдин келишин талап кылып, беш күндүк убакыт беришти.

БИШКЕК, 23-апр. — Sputnik. Өзгөн районунун жашоочулары Кемпир-Абад суу сактагычына караштуу жердин Өзбекстанга берилишине каршы болуп акцияга чыгышты.

Аталган суу сактагыч райондун бир нече айылдары менен чектешет. Кызыл-Октябрь жана Кароол айыл өкмөттөрүнүн тургундары бул жактан жер берүүгө каршы болуп акцияга чыгышкан. Алар Кемпир-Абад суу сактагычынын жээгине дөбөгө боз үйлөрдү тигишкен.

Элдин талабын угуу үчүн өкмөттүн Ош облусундагы өкүлүнүн орун басары Бактыбек Алайчиев барды.

Бирок чогулгандар анын жообуна канааттанбай, Мамлекеттик чек араны делимитация жана демаркациялоо боюнча өкмөттүк комиссиянын жетекчиси, УКМК төрагасы Камчыбек Ташиевдин келишин талап кылышты.

Натыйжада беш күндүк убакыт берилип, 28-апрелде Ташиевди күтмөй болушту. Ага чейин кошумча боз үй тигип, кайтарып отуруу чечимин кабыл алышты.

Белгилер:
суу сактагычы, суу, Берүү, жер, Боз үй, Өзгөн
Тема боюнча
Ташиев Савайга барып жер берүүгө каршы чыккан эл менен жолукту
Сууну Өзбекстан башкарып калбайбы? Өкмөттүн жооптуу өкүлү менен видео маек