(5:32 / 40.23Mb / )

Картошка менен сүт дагы контрабандабы?! Исаковдун Казакстанды сындаган видеосу

13951
(жаңыланган 14:27 05.11.2017)
Премьер-министр Сапар Исаков Өзбекстанда өтүп жаткан КМШ өлкөлөрүнүн өкмөт башчыларынын кеңешинин кезектеги жыйынында сүйлөп жатып, кыргыз-казак жана орус-казак чек араларындагы абал тууралуу маселе көтөрдү

Исаков Кыргызстан КМШнын эркин соода аймактары тууралуу келишиминин алкагында коңшу Өзбекстан менен келишимди ратификация кылганын айтты. Бул аталган аймакта соода-экономикалык алаканы өнүктүрүү үчүн жасалууда.

"Тилекке каршы, учурда Шериктештикке кирген бир катар мамлекеттер товарлардын эркин транзитин сактабагандыгынан улам эркин соода аймагы бар деп айтуу кыйын болуп турат", — деди Исаков.

Өкмөт башчы Казакстан менен түзүлгөн келишимге карабастан, 2017-жылдын октябрь айынан бери Кыргызстандын жарандары менен келген чет элдиктерге, жергиликтүү жана чет элдик жүк ташуучуларга жасалма түрдө тоскоолдуктар коюлуп жаткандыгын эске салды.

Жол боюнда 500-600гө чукул жүк ташуучу унаа зарыгып кезегин күтүп турат. Чек арадан өтүү үчүн аларга кеминде 5 күн кетип жатат. Муну менен казак тарап кыргыз-казак мамлекеттик чек арасына койгон чектөөлөргө контрабанда баштаган ар кыл шылтоолорду айтып келет.

"Жүктүн 20 пайызын түзгөн Кыргызстанда өстүрүлгөн айыл чарба азыктарын (картошка, пияз, кара өрүк жана жүзүм) контрабанда деп атоого болобу? Же ЕАЭБдин бирдиктүү реестринде катталган, Казакстандын рыногуна чыгарылып жаткан сүт азыктары контарабанда болуп калабы? Россияга кеткен 80 пайыз транзит жүктөр анда контрабандабы?" — деди Исаков.

Кыргыз өкмөт башчысы эл аралык соода келишимдеринин негизинде мөөр басылган үчүнчү өлкөлөрдөн темир жол менен келе жаткан жүктөр да текшерилип, кармалган фактылар белгилүү болуп жаткандыгын айтты.

"Кыргызстандын ишкерлери Казакстандын кирешелер боюнча комитетинен бажынын тыкыр көзөмөлү үчүн "келүү" зарылдыгы туурасында билдирүүлөрдү алып турушат. Мен белгилеп айтып койчу учур — Европадан келген транзиттик жүктөр. Анан бир заматта эле Кыргызстанга келе жаткан жүктөрдүн баары контрабанда болуп калдыбы?" — деди Исаков.

Премьер-министр жасалма тоскоолдуктар ишкерлерге утурумдук финансылык кыйынчылыктарды келтирип, интеграциялык бирикменин негизги принциптери болгон товарларды тоскоолдуксуз ташып, кызмат көрсөтүүлөрдүн, адам ресурстары менен капиталдын эркин жүрүшүнө каршы келип жатканын айткан.

Исаков Кыргызстан өкмөтү казак тарап киргизген чектөөлөр утурумдук деген ишенимде экенин билдирген.

13951
Белгилер:
чек ара, контрабандалык жүк, кыргыз-казак чек арасы, товар, Сапар Исаков
Тема боюнча
Медведев Кыргызстан менен Казакстандын тиреши боюнча пикирин айтты
Премьер Исаков Ташкенттеги жыйында Казакстанды сындады

Анталья токоюндагы ири өрт шаарга өттү, жапа чеккендер бар. Видео

460
Түркиянын Анталья провинциясында токой өрттөнүп, эл жашаган райондорго жана шаардык кварталдарга өттү.

TRT Haber телеканалы маалымдагандай, табигый кырсык 40 градустук ысыкта Манавгат шаарына жакын төрт жерде башталган. Түркиянын Өзгөчө кырдаалдар башкармалыгынын маалыматына ылайык, жалын шамалдан улам тездик менен алоолоп, эл жашаган аймакка өтүп кеткен.

Посмотреть эту публикацию в Instagram

Публикация от Gurbetçi Gençler (@gurbetcigencler)

Беш калктуу пунктунун адамдары эвакуацияланган, 50дөн ашык киши жабыркаган. Өрт көптөгөн үйлөрдү жана отелдерди, транспорт каражаттарын, айыл чарба ишканаларын жана ондогон гектар токойду күлгө айланткан.

Посмотреть эту публикацию в Instagram

Публикация от Şırnak Haberleri (@sirnakhaberleri.tr)

Жалынды өчүрүүгө самолет жана пилотсуз учактар тартылган. Мындан сырткары, 19 тик учак жана 960 өрт өчүрүүчү унаалар иштеген.

​Антальянын мэри Мухиттин Беджек мындай өрттү биринчи жолу көрүп жатканын белгиледи.

Бийлик табигый кырсык туристтик жайлардан алыс жерде болгонун, ошондуктан Антальяда эс алып жаткандарга эч кандай коркунуч жоктугун белгиледи.

460
Белгилер:
шаар, өрт, Анталья, Түркия
Тема боюнча
Баткенде Пүшкөт жайлоосу күйүп жатат. Сүрөт, видео

Трактор поезддин күйүп жаткан бөлүгүн цистернадан оолактатып сүйрөп кетти. Видео

694
(жаңыланган 20:42 28.07.2021)
Куткаруучу Нижний Новгород облусундагы (Россия) темир жолдо жарылууну алдын алууга жетишти. Ал трактордун жардамы менен жүк ташуучу поезддин күйүп жаткан локомотивин күйүүчү май куюлган цистернадан алыстатып сүйрөп кетти.

Окуянын видеосун күбөлөрдүн бири YouTube-каналына жүктөдү.

Окуя Нижний Новгород облусунун Навашино районундагы Тушино айылында болгон. 20-июль күнү кечинде күйүүчү май куюлган цистерналарды ташып бараткан жүк ташуучу поезд өрттөнүп кеткен.

Дубай шаары. Архивдик сүрөт
© Sputnik / Григорий Сысоев
Аталган облустун Өзгөчө кырдаалдар министрлигинин башкармалыгы билдиргендей, өрт электровоздун экинчи бөлүгүндө башталган жана анын келип чыгышына электр жабдыгынын бузулуп калышы себеп болгон.

Өрттү өчүрүүгө жергиликтүү куткаруучулар тартылган. Алардын бири Сергей Дажинов локомотивди күйүүчү май куюлган цистерналардан оолактатып сүйрөп кетип, кырсыкты алдын алып калган.

Локомотивдин салмагы төрт тонна экени айтылат. Поездди сүйрөгөн трактордун үлгүсү жазылган эмес.

694
Белгилер:
жарылуу, өрт, трактор, поезд, Россия
Тема боюнча
Казакстанда талаадан чыккан өрт жүздөгөн койду куйкалап кетти. Видео, сүрөт
Ааламда ири жаратылыш кырсыктары эмнеге болуп жатканын окумуштуулар түшүндүрдү
Президенттин оператору Улан Сатиев. Архив

Президенттин оператору Улан Сатиев КТРК директорунун орун басары болуп бекитилди

0
(жаңыланган 20:25 29.07.2021)
Сатиев буга чейин президенттер Курманбек Бакиев, Роза Отунбаева, Алмазбек Атамбаев, Сооронбай Жээнбеков жана Садыр Жапаровдун оператору болуп эмгектенген.

БИШКЕК, 29-июл. — Sputnik. Улан Сатиев Коомдук телерадиокорпорациясынын башкы директорунун орун басары болуп бекитилди. Бул тууралуу КТРКнын Байкоочулар кеңешинин мүчөсү Жылдызбек Керимбаев Facebook баракчасы аркылуу билдирди.

"Бүгүн КТРКнын Байкоочу кеңешинин жыйыны болуп, анда көпчүлүк добуш менен Улан Сатиевди башкы директордун орун басары ордуна бекиттик. Аны куттуктап, ийгилик каалап коелу", — деп жазган Керимбаев.

Белгилей кетсек, Улан Сатиев 23-июндан бери Коомдук телерадиокорпорациясынын башкы директорунун орун басарынын милдетин аткарып жаткан.

Ага чейин ал президенттер Курманбек Бакиев, Роза Отунбаева, Алмазбек Атамбаев, Сооронбай Жээнбеков жана Садыр Жапаровдун оператору болуп эмгектенген.

0
Белгилер:
дайындоо, Улан Сатиев, Байкоочу кеңеш, кызмат, директор, КТРК
Тема боюнча
Садыр Жапаровдун облустардагы өкүлдөрү дайындалды. Тизме
Бишкек шаарынын Октябрь районуна жаңы жетекчи келди. Сүрөт