(1:00 / 7.08Mb / )

Жалал-Абаддагы адам өмүрүн алган айнек тоонун асмандан көрүнүшү

1499
(жаңыланган 11:47 16.11.2017)
Майлуу-Суу шаарына жакын жерде таштанды болгон. Ал жакка ондогон жылдар бою жараксыз лампочкалар төгүлүп турган.

Майлуу-Суудагы электр лампаларын чыгарган заводдогу жараксыз болуп калган лампочкалар менен люстралар 60-жылдары айнек тоого ташталып турган. Анын учурдагы көрүнүшүн Sputnik агенттиги асмандан тартып алды.

2000-жылдары бул жерде чыныгы Клондайк башталган: күн сайын 4 миңге жакын адам вольфрам спиралдарын кармап турган никелден жасалган таякчаларды издешкен.

Казылган жерлердин тереңдиги 20 метрге чейин жеткен. Айрым учурларда жер урап өмүрлөр кыйылган. Бир нече жыл ичинде 24 киши көз жумган, алардын арасында балдар дагы бар.

Издөөчүлөр бир айда 20 миң сомго чейин таап коюшкан. Бул каражат ал мезгилде абдан көп болчу. Айрым айлакерлер ал жерге ашкана, кафе керек болсо сойкукана дагы ачууга жетишкен.

2009-жылы "никель дүрбөлөңү" токтогон. Себеби заманбап лампочкаларда никелдин бөлүгү жок. Анын ордуна никель жалатылган болот колдонула баштаган.

1499
Белгилер:
Майлуу-Суу, Жалал-Абад облусу, таштанды
Тема боюнча
Өзү калып, өзөгү жоголгон "Кристалл" заводу экологиялык бүлгүн салбайбы
Таш-Көмүрдөгү "Кристалл" заводунун базасында индустриалдык парк түзүлөт

Белгилүү боксчу көз караштар таймашында атаандашынын бетин тытып алды. Видео

93
(жаңыланган 12:31 23.09.2021)
Бул 6-ноябрь күнү Лас-Вегаста (АКШ) өтө турган беттешке карата уюштурулган биринчи маалымат жыйын болгон.

БИШКЕК, 23-сен. — Sputnik. Мексикалык боксчу, WBA, WBC жана WBO чемпиону Сауль (Канело) Альварес америкалык IBF титулунун ээси, супер орточо салмактагы Калеб Планттин бетин тытып алды. Бул туурасында ESPN телеканалы жазды.

Белгилүү мушкерлердин жаңжалы көз караштар таймашы учурунда чыккан. Алгач алар айтыша кетип, андан соң мексикалык боксчу америкалык атаандашын түртүп жиберген. Ага жооп катары кайтып келип алаканы менен чапкан. Аларды күзөтчүлөр арачалап, токтотуп калган. Натыйжада Альварестин бетинин оң тарабы тытылып кеткен.

"Сен мен тууралуу оозуңа келгендин баарын айтсаң да, апама тийишпе. Мен апам тууралуу жаман нерсе айткан кишинин ар бири менен мушташам", — деп айткан Альварес жаңжалдан кийин журналисттердин суроосуна жооп берип жатып.

Бул 6-ноябрда Лас-Вегаста (АКШ) өтө турган беттешке карата уюштурулган биринчи маалымат жыйын болгон. Ал күнү супер орточо салмак категориясындагы абсолюттук чемпион аныкталат.

93
Белгилер:
бокс, көз караштар таймашы, атаандаштык, мушташ
Тема боюнча
"Нокауттардын ханышасы". Шевченко UFC уюмун кантип багындырган. Видео
Жаракат алгандары бар... Казакстанда спортчулар чабыша кеткен видео

Вулкандын укмуштуудай атылышы: тоодой чок бут алдыңа жылып келе жаткан видео

171
Сицилиядагы атактуу Этна жанар тоосу кайрадан атылып, адамзатка, жан-жаныбарга табияттын, өзүнүн эбегейсиз күчүн көрсөтүп жатат.

YouTube-каналга 21-сентябрь деген дата менен жарыяланган вулкандын видеосу кишини кайдыгер калтырбайт.

RT Этна вулканынын атылышынан кийинки бир нече чакырымга жеткен чаң жергиликтүү аэропорот менен социалдык кызматтардын ишин татаалдантканын кабарлады. Маалыматта анын түтүнү менен чаңы 9 чакырым бийиктикке жеткени айтылды.

Учурда кратердин түндүк-батыш жагында лава агып, туристтер бул өзгөчө көрүнүшкө суктанганын түгөтө албай жүргөнүн кадрлардан көрүүгө болот.

171
Белгилер:
Сицилия, Этна, жанар тоо, лава, турист
Тема боюнча
Жер жамынган кызыл ажыдаар жылып келе жаткандай. Испаниядагы лаванын видеосу
Финансы рыногун жөнгө салуу жана көзөмөлдөө боюнча мамлекеттик кызматтын төрагасынын орун басары Марат Пирназаров

Пирназаров: Кыргызстанда криптобиржалардын ишмердүүлүгү көзөмөлдөнөт

0
(жаңыланган 13:44 23.09.2021)
Финансы рыногун жөнгө салуу жана көзөмөлдөө боюнча мамлекеттик кызматтын төрагасынын орун басары Марат Пирназаров Кыргызстанда криптобиржалардын ишмердүүлүгү тууралуу жобо иштелип чыккандыгын айтты.

Криптобиржаларга укуктук талаа түзүү, функцияларын, статусун жана милдеттерин аныктоо учурдун талабы. Мындай пикирин Марат Пирназаров Sputnik Кыргызстан радиосунун эфиринде маек куруп жатып билдирди.

Пирназаров: Кыргызстанда криптобиржалардын ишмердүүлүгү көзөмөлдөнөт

Анын айтымында, аталган багытта шарт түзүү аркылуу көп киреше табуу мүмкүнчүлүгүн жаратса болот.

"Кыргызстанда криптобиржаларга укуктук талаа түзүү үчүн аракеттер жүрүп жатат. Финансы рыногун жөнгө салуу жана көзөмөлдөө боюнча мамлекеттик кызматка криптобиржалардын ишмердүүлүгүнө шарт түзүү максатында тиешелүү укуктук ченемдик актыларды иштеп чыгуу тагылган. Ушул жылдын 27-майында Экономика жана финансы министрлигинин буйругу менен мекемелер аралык жумушчу топ түзүлүп, бул тармакты билген адистер менен биргеликте жобо иштеп чыктык. Жобо министрлер кабинетинин кароосуна киргизилип, макулдашуу иштери жыйынтыкталууда. Криптобиржаларга укуктук талаа түзүү, функцияларын, статусун жана милдеттерин аныктоо учурдун талабы", — деди Пирназаров.

Ошондой эле адис криптоактивдер менен ишмердүүлүгүн жүргүзгөндөр санариптик биржалар боюнча билим алып коюусу керектигин кошумчалады.

0
Белгилер:
Марат Пирназаров, криптовалюта
Тема боюнча
Жасалма биткоин, финансы пирамидасы. Милиция шылуундарды кантип билсе болорун айтты