(2:42 / 21.56Mb / )

Караанына зар болдук! Авиакырсыктан жакындарын жоготкондордун азыркы жашоосу

4703
(жаңыланган 18:06 08.12.2017)
2017-жылдын 16-январында Чүй облусунун Дача Су айылына учак кулап, 39 адамдын өмүрү кыйылып, 15 киши жабыркаган. Бул күнү айрымдары ата-энесиз калса, кээ бири баласын жоготуп, ал тургай бүтүндөй бир үй-бүлө темир канаттын алдынан чыкпай калган.

Андан бери 11 ай өттү. Жай бүтүп, кыш да кирип келди. Кычыраган суукта кырсыктан жабыркагандардын абалын билүү максатында Sputnik Кыргызстан агенттиги Дача Су тургундарынан кабар алды.

Көмүскөдө эч ким калган жок

Кырсыктан жабыркаган тараптан түзүлгөн комиссиянын төрайымы Венера Шейшенованын айтымында, жабыркаган, жакындарын жоготкондорго өкмөт тараптан колдоо көрсөтүлүп, баары үй-жайлуу болушкан.

"Эч ким көмүскөдө калган жок. Мен өкмөт менен жабыркаган тараптын ортосунда көпүрө болдум. Үйү жок калгандардын баарына өкмөт каалаган жеринен үй алып берди. Көбү Ош облусуна кетишти. Айрымдары шаар ичинен алышты, айтор, нааразы болуп эч ким калган жок. Элибизге, өкмөткө ыраазыбыз. Кырсыкта менин да үч балам каза болгон. Бул биз үчүн айыккыс дарт, бирок жашоо улана берет экен, эми каза болгондорго кырсык болгон жерге эстелик тургузалы деп жатабыз", — деди Шейшенова.

Жакшылык, Султан

Авиакырсыкта ата-эне, бир туугандарынан ажыраган Жакшылык менен Султан азыр чоң ата, чоң апаларынын колунда. Жакшылыктын чоң атасы Шералы Сатыбалдиевдин айтымында, небереси учурда Бишкек шаарындагы түрк лицейлердин биринде билим алып жатат. Бирок аны тасмага түшүрүүгө макулдугун берген жок. Буга чейин ал мамлекеттен, элден чогулган акчага баласына үй алып берилгенин айткан.

Ал эми Султан Манас айылындагы мектепте билим алып жатат. Султандын чоң апасы да небересин тасмага тарттыруудан баш тартып, азырынча жайына коюуну суранды. Буга чейин чоң атасы Рахат Сыдыков балага соттун чечими менен чоң энеси камкорчу болгонун айткан.

"Биздин небереге боору ооруп, колдоо көрсөткөн элибизге, өкмөткө ыраазыбыз. Жардам жакшы эле берилип жатат, Султандын абалы деле жакшы. Бирок анын жарасын чукуп, кайгыга салгыбыз келген жок. Ошондуктан азырынча тасмага тартып, бушайманга салбай эле коелучу", — деди Султандын чоң апасы.

Чүрпөсүн жоктогон ата-энелер

2016-жылдын 16-январында Шайырбек Калбековдун да үй-бүлөсүндө чоң жоготуу болгон. Ал бир күндө апасы, карындашы, инисинин баласы, таежеси жана жалгыз уулунан айрылган.

"Суук кабарды биз Россияда иштеп жүргөндө уктук. Иним экөөбүз келинчектерибиз менен ошол жакта иштеп, балдарыбызды апам карап берчү. Шум ажал баарын бир күндө алып кетип, бизди буту-колу соо эле мунжу кылып койду. Кайра келчүдөй же бир жакта жүргөндөй сезилип азыркыга чейин ишене албай келебиз", — деди Калбеков.

Авиакырсыкта мерт болгон Айбол Шайырбек Калбеков менен Нурзина Зикированын жалгыз баласы болчу. Акырындан өздөрүнө келе баштаган жубайлар балалуу болсок деп дарыланып жаткан учуру.

"Тытынып акча табабыз деп чет жерде жүрүп балабыздан ажырап калдык. Үй-бүлөбүздүн теңи жок. Көрсө баары табылса да өмүр, бала табылбайт экен. Азыр балалуу болсок деп даярданып дарыгерлердин көзөмөлүнөн өтүп жатам", — деп жашыды Зикирова.

Руслан Белеков менен Махбуба Сатыбалдиева да авиакырсыкта 7 жана 14 жаштагы эки кызын жоготкон. Ал күнү Руслан Белековго "атасы каза болду" деген кабар келип, кыздарын кошунасыныкына таштап, жубайы менен Нарынга жөнөп кетишкен. Бирок атасын жерге бере электе кайра кыздарынан суук кабар келген.

"Операция жолу менен төрт кыз төрөдүм, төртөө тең бизге буюрбаптыр. Авиакырсыктан каза болгон эки кызыма чейин эки кызым бири чарчап калса, дагы бири 3 жашында жол кырсыгынан көз жумган. Кирейин десем жер катуу, айла жок экөөбүз бири-бирибизди тиктеп отуруп калдык. Эми төрөй албайм. Ошондуктан бала багып алсакпы деп жатабыз. Өкмөт бизге болгон жардамды көрсөттү, үйлүү кылды. Азыр алаксып мал карап, турмуш-тиричилик менен алекпиз. Болгону жанымда кыздарым жок", — деди Махбуба Сатыбалдиева.

Белгилей кетсек, авиакырсыктан жабыркагандар жана каза болгондордун жакындарына түрк компаниясы тарабынан компенсация төлөнүп бүткөн. Ошондой эле өкмөт буга чейин Өзгөчө кырдаалдар министрлигинин атайын эсебине түшкөн каражат ачык-айкын жана адилеттүү бөлүштүрүлгөнүн билдирген.

Ошондой эле жай мезгилинде авиакырсыктан каза болгондордун жакындары Анталияга барып эс алып келишкен. Мындай аракеттер ошол кездеги биринчи вице-премьер Мухамметкалый Абулгазиев башында турган өкмөттүк комиссия түрк тарап менен болгон сүйлөшүүсүнүн жыйынтыгында ишке ашкан. Түркиялык авиакомпания маркумдардын 39 жакынын эс алдырууга кеткен чыгымын өзүнө алган. 

4703
Белгилер:
авиакырсык, жашоочулар, учак, Дача СУ
Тема:
Дача айылындагы авиакырсыктын кесепеттери (223)
Тема боюнча
Дача Су айылындагы авиакырсык: түрк компаниясы компенсацияны төлөп бүттү
Дача айылында авиакырсыктан жабыркагандарга акчалай жардам таратылды

Жээнбеков менен Путиндин Сочидеги жолугушуусу. Видео

39
(жаңыланган 23:48 28.09.2020)
Өлкө башчылары Сооронбай Жээнбеков жана Владимир Путин Сочи шаарында КР жетекчисинин жумушчу иш сапарынын алкагында жолуккан. 

Жолугушууда Жээнбеков Кыргызстан ар дайым Россиянын чыныгы дос, союздаш, өнөктөш катары колдоосун сезе тургандыгын айткан.

"Муну өзгөчө башыбызга оорчулук түшкөн, кыйын учурда сездик. Сиздерден улам өлкөдөгү эпидемиялык абалды турукташтырдык жана Россияда иштеп, жашап жаткан биздин атуулдарга көмөк көрсөтүлдү", — деди КР президенти.

Жээнбеков Путинди дүйнөдө алгачкылардан болуп россиялык вакцинанын каттоодон өтүшү менен куттуктаган.

"Коронавирус илдетине каршы россиялык вакцина жакынкы аралыкта Кыргызстанда дагы жеткиликтүү болот деп үмүт артам", — деп билдирген Жээнбеков.

Путин менен жолуккан Жээнбеков: россиялык вакцина КРге жетет деп үмүттөнөм

Мындан сырткары, Өнүктүрүү жана турукташтыруу боюнча Евразиялык фонддун Кыргызстандын экономикасын колдоо үчүн рекорддук насыяны — 100 миллион доллар бөлүп бергенине да ыраазычылыгын айтты.

Путин Россия эч качан башка өлкөлөрдүн ички саясатына кийлигишпей турганын, ошол эле учурда кырдаалды турукташтырууга жасалган аракеттерди дайыма колдой турганын айткан.

"Биз ар дайым өлкөдөгү абалды турукташтырууга аракет жасаган бийликти колдоп келебиз. Кыргызстанга дагы ошондой мамиле болот. Экономикалык жактан дагы колдойбуз", — деди ал.

Жолугушууда Жээнбеков Кыргызстанда кыргыз-орус мамилелерине доо кетирүүнү көздөгөн күчтөр бар экенин билдирди. Ошондой эле эки өлкөнүн кылымдар далилдеген достук мамилесин баалай турганын кошумчалаган.

39
Белгилер:
ыраазычылык, жардам, жолугушуу, Владимир Путин, Сооронбай Жээнбеков, Россия, Кыргызстан
Тема боюнча
Россия Кыргызстанга коронавируска каршы вакцина жөнөтүүнү көздөп жатат

"Ты супер!" шоусунун төртүнчү сезону. Видео

94
(жаңыланган 02:08 28.09.2020)
"Ты супер!" шоусу — НТВ телеканалы менен Sputnik эл аралык агенттиги жана радиосунун ири долбоору.

Ага КМШнын аймагындагы вокалдык таланты бар балдар катышат. 20-сентябрда музыкалык конкурстун төртүнчү сезону башталган.

94
Белгилер:
вокал, балдар, шоу, НТВ, "Ты – супер" балдар долбоору
Тема боюнча
Кыргызстандык кыз "Ты супер!" шоусунун кийинки туруна өтпөй калды. Видео
Кыргызстандын президенти Сооронбай Жээнбеков. Архив

Жээнбеков Венгрияга расмий сапар менен барды. Кимдер коштоп жүрөт

0
(жаңыланган 23:52 28.09.2020)
Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат.

БИШКЕК, 28-сен. — Sputnik. Венгрияга расмий визит менен барган президент Сооронбай Жээнбековду Венгриянын вице-премьер-министри Михай Варга тосуп алды. Бул тууралуу мамлекет башчынын маалымат кызматынан кабарлашты.

Расмий визиттин алкагында Жээнбеков Венгриянын премьер-министри Виктор Орбан менен эки тараптуу сүйлөшүүлөрдү жүргүзөт. Алар Кыргызстан менен Венгриянын ортосундагы стратегиялык өнөктөштүк жөнүндө биргелешкен декларацияга кол коюшат.

Жээнбеков Венгрияга барат. Эки өлкөнүн соода-сатык алакасы кандай

“Жээнбеков жана Орбан Будапешт шаарындагы Түрк кеңешинин европалык өкүлчүлүгүнө барышат. Сапардын алкагында Кыргыз-венгер өнүктүрүү фондусун түзүү жөнүндө меморандумга жана эки тараптуу кызматташуу жөнүндө башка документтерге кол коюлат”, - деп айтылган маалыматта.

Кыргызстан делегациясынын катышуусунда Будапешт шаарындагы гүлбакка жазуучу Чыңгыз Айтматовдун ысымын ыйгаруу аземи болот.

Расмий визиттин алкагында Жээнбеков президент Янош Адер жана Улуттук жыйындын төрагасы Ласло Кёвер менен дагы жолугат.

Будапешт шаарындагы скверге Айтматовдун ысымы ыйгарылат

Кыргызстандын делегациясынын курамында тышкы иштер министри Чыңгыз Айдарбеков, Президенттин аппаратынын тышкы саясат бөлүмүнүн башчысы Данияр Сыдыков, Венгриядагы атайын жана толук ыйгарым укуктуу элчи Бакыт Жусупов, вице-премьер-министр Эркин Асрандиев, билим берүү жана илим министри Каныбек Исаков, айыл чарба, тамак-аш өнөр жайы жана мелиорация министри Эркинбек Чодуев, транспорт жана жолдор министри Жанат Бейшенов, каржы министри Бактыгүл Жээнбаева жана экономика министри Санжар Муканбетов бар.

0
Белгилер:
расмий сапар, Сооронбай Жээнбеков, Венгрия, Кыргызстан
Тема боюнча
Жээнбеков быйыл Венгрияга барат. ТИМ Будапештте жолугушууларды өткөрүп келди