(1:27 / 10.02Mb / )

Бишкектин "Ала-Тоосун" көрүп таң калган памирлик кыргыздардын видеосу

7819
(жаңыланган 10:57 20.12.2017)
Нарындагы Памир кыргыздары Бишкекти биринчи жолу көрүп, кубанычтары койнуна батпай турган чактары. Алар Кыргызстан элдери ассамблеясынын алдындагы Этникалык кыргыздардын ассоциациясынын чакыруусу менен келишип, Чыңгыз Айтматовдун 90 жылдыгына карата уюштурулган илимий конференцияга катышышты.

Боордоштор бүгүн 16-декабрь күнү ассамблея өкүлдөрүнүн коштоосу менен шаар кыдырып, башкы балатыны көрүп, базардан өздөрүнө керектүү буюмдарын алышты. Алардын шаардагы экскурсиясын Sputnik Кыргызстан агенттиги видеотасмага түшүрдү.

Абдылкапар Абдырасул уулуна Бишкек өзгөчө жагыптыр. "Шаар тынч, жашоо бейкапар экен" деген боордош борбор калааны бейиштин төрүнө салыштырды.

"Кабул шаарына барганбыз. Ал жак менен салыштырсак Бишкек кооз, таза экен. Эч ким тийишпей, бейкапар эле жүрөбүз. Эл меймандос экен. Баары биз менен жылуу учурашып, ал-абалыбызды сурап, сүрөткө түшүп жатышат. Соода борборлорду, базарларды кыдырып өзүбүзгө керектүү майда-чүйдө буюмдарды алып алдык", — деди Абдырасул уулу.

Борбордук "Ала-Тоо" аянтындагы балатыны да боордоштор биринчи жолу көрүп, суктанып, кубанып жатышты.

"Буга чейин деле балаты көрүп, Жаңы жыл өткөргөн эмеспиз. Бул жактан элдин баары майрамга даярданып жатышканын көрүп биз да кызыгып калдык. Оймо-чиймеси бар күмүш сөйкө, шакек сатып алдык. Бирок бул жакта азем буюмдардын баасы бир аз кымбат экен", — деди Кимия.

Кыргызстан элдеринин ассамблеясынын алдындагы Этникалык кыргыздардын ассоциациясынын жетекчиси Музафар Абдуллаевдин айтымында, шаарды көргөнгө Нарындагы Памир кыргыздарынын баары келген эмес.

"Биз памир кыргыздарын Бишкекке чакыралы деп көптөн бери ойлонуп жүргөнбүз. 15-декабрда келип, улуу жазуучу Чыңгыз Айтматовдун 90 жылдыгына карата филармонияда өткөн илимий конференцияга катышышты. Андан кийин атайын уюштурулган концертти көрүштү. Бүгүн борбор калаа менен тааныштыруу үчүн экскурсияга алып чыгып ЦУМ, Ош базар сыяктуу көп жерлерди көрсөттүк. Эми түштөнүүдөн кийин кайра Нарынга сапар алышат", — деди Абдуллаев.

Нарында жакшы жашап, балдары окуп жатканын айткан боордоштор өкмөткө, элге ыраазычылыгын билдиришти.

Эске салсак, ушул жылдын октябрь айылында Памирде жашаган 33 этникалык кыргыз тарыхый мекенине өкмөт тарабынан көчүрүлүп келип, Куланак айылына отурукташкан.

7819
Белгилер:
Памир кыргыздары, экскурсия, Бишкек
Тема:
Памирлик кыргыздар (82)
Тема боюнча
Памирлик кыргыздар Бишкек менен балатыны биринчи жолу көрүштү
Нарынга келген 11 памирлик кыргызга гуманитардык жардам көрсөтүлдү

Тарап, тазалап. Кабыландын баласын "багып алган" маймылдын күлкүлүү видеосу

240
Түштүк Африкадагы Пилейнсберг улуттук паркына барган саякатчылар кабыландын баласын көтөрүп жүргөн маймылды (павиан) видеого тартып алышкан. Ролик Kruger Sightings Youtube каналына жарыяланды.

Видеонун автору Пол Вуддун айтымында, паркка барган кезинде павиандардын үйүрүн көрүп, алардын бири леопарддын баласын бооруна кысып жүргөнүн байкаган. Вуд алгач леопард өлүп калган го деп ойлогон.

"Павиан леопарддын баласын кармап алып отуруптур. Бир маалда анын жүнүн тарап, үңүлө карап, тазалап баштады. Маймыл ар бир кыймылын дыкаттык менен жасагандыктан, сырттан караган киши анын кичинекей күчүккө зыянын келтирип албайын деген аракетин байкоого болот", — деп жазган саякатчы.

Павиандар Түштүк Африкада кеңири жайылган маймылдардын түрү. Тулку боюнун узундугу 40-110 сантиметрге жетет. Эгерде коркунуч жаралса, тобундагы маймылдарды жырткычтарды ар кыл үн менен чаңырып, кыйкырып алыстатып, коргойт.

240
Белгилер:
кабылан, маймыл, жаратылыш, Түштүк Африка Республикасы
Тема боюнча
Айбан болсо да... Маймыл токко урунган башка маймылды сактап калды. Видео

Финполдун тергөөчүсүнө 250 миң сом пара берип жаткан адам кармалды. Видео

4404
(жаңыланган 13:35 03.12.2020)
Экономикалык кылмыштарга каршы күрөшүү кызматы Ысык-Көл облусунда кызмат адамына 250 миң сом өлчөмүндө пара берип жаткан адамды кармады.

Финполдун маалымат кызматынын билдиришинче, 1-декабрда Т.А. аттуу жаран кылмыш иши боюнча маселени өзүнүн пайдасына чечүүгө аракет кылып, тергөөчүгө ири өлчөмдөгү пара берип жаткан жеринен колго түшүрүлгөн.

Сотко чейинки өндүрүштүн материалдары Жазык кодексинин 328-беренеси ("Пара берүү") менен Кылмыш жана жоруктардын бирдиктүү реестрине катталган.

Ал эми кармалган адам Каракол шаардык ички иштер бөлүмүнүн убактылуу кармоочу жайына киргизилип, тергөө жүрүп жатат.

4404
Белгилер:
тергөө, кармоо, пара берүү, финансы полициясы
Тема боюнча
"Кадастрдын" директору Абдумуктар Маматов коррупцияга шектелип кармалды. Сүрөт
Бука сатып берем деген. Ошто элди 1,5 млн. сомго алдап кеткен адам кармалды
Шайлоо участогунда добуш берүүнүн жыйынтыктарын эсептөө. Архив

Күрөө тапшырып, 30 миңден ашуун кол чогулткан талапкерлер. Тизме

89
(жаңыланган 00:40 04.12.2020)
Шайлоо күрөөсү менен кол чогултулган кагаздарды тапшыруу мөөнөтү аяктады. БШК текшере турган тизме анык болду.

БИШКЕК, 4-дек. — Sputnik. 3-декабрь саат 23.59га карата 20 талапкер тийиштүү санда кол чогултуп, шайлоо күрөөсүн тапшырды. Бул тууралуу Боршайком билдирди.

  • Абдил Сегизбаев — 55 480 адамдын колу;
  • Адахан Мадумаров — 39 856;
  • Аймен Касенов — 46 270;
  • Арстанбек Абдылдаев — 47 998;
  • Арстанбек Мыктыбек — 33 083;
  • Бабыржан Төлбаев — 58 029;
  • Бактыбек Калмаматов — 35 300;
  • Жеңишбек Байгуттиев — 51 896;
  • Имамидин Ташов (саны белгисиз);
  • Канатбек Исаев (саны белгисиз);
  • Каныбек Иманалиев (саны белгисиз);
  • Клара Сооронкулова — 33 458;
  • Кубан Чороев — 39 053;
  • Курсан Асанов — 43 864;
  • Равшан Жээнбеков — 39 874;
  • Рашид Тагаев — 40 651;
  • Садыр Жапаров — 59 998;
  • Саматбек Ибраев (саны белгисиз);
  • Улукбек Кочкоров (саны белгисиз);
  • Эльдар Абакиров — 43 630.

Эми бул тизмени Борбордук шайлоо комиссиясынын жумушчу тобу текшерет.

Талапкерлер 4-декабрга чейин 30 миңден ашуун кол чогултуп, бир миллион сомдук шайлоо күрөөсүн тапшырышы керек болчу.

89
Белгилер:
талапкер, БШК, күрөө, кол, тизме, президенттик шайлоо
Тема:
Кыргызстандагы президенттик шайлоо – 2021
Тема боюнча
Жашоо керемет болбойт! Депутаттар парламентаризмден баш тартууга даярбы
Онколог, авиатор, сынчы... Ажо болом дегендер кайдан билим алган. Тизме