Түштүк Кореяда жапайы каман тамак ичүүчү жайдагыларга кол салды

310
Түштүк Кореянын батышында жайгашкан Кенсан-Пукто облусунун Куми шаарында жапайы каман тамак ичүүчү жайга кирип барып кардарлардын үрөйүн учурган.

Жергиликтүү ЖМКлар окуя видеокөзөмөлдөгүчкө 1-январда түшүп калганын жазган.

Тасмада көрүнүп тургандай жапайы жандык коомдук жайга кирип барып, үстөл, отургучтарды кулатып сүзүп кирген. Аны көргөн кардарлар "жүрөктөрү түшүп" ызы-чуу болушкан. Алардын көбү ресторандан качып чыгышса, айрымдары гана тамак ичкен үстөлдөргө жашынып аман калышкан. Ары-бери чуркаган каман акыры имараттан чыгып кеткен.

Аталган жайдын ээси Ли Энь-Ай жапайы каман кафеге тамактын жытынан улам кирип келиши мүмкүн деп божомолдогон.

310
Белгилер:
Түштүк Корея, кол салуу, каман
Тема боюнча
Германияда кеңседе отурган тургундарга жапайы камандар кол салды
Ажал менен арбашканда. Индонезияда каман менен дөбөттөрдүн айыгышкан кармашы

Кыргызстанга сүргүнгө айдалган венгрлер. Эки өлкөнүн байланышы кантип түптөлгөн

118
(жаңыланган 13:38 24.10.2021)
Кыргыз өкмөтүнүн 1998-жылдын 21-октябрындагы токтому менен 24-октябрь өлкөбүздүн дипломаттар күнү деп белгиленген. Ушул күндөн баштап кыргыз дипломаттары кесиптик майрамын белгилеп келет.

Sputnik агенттиги алгачкы кыргыз дипломаттары, Тышкы иштер министрлигинин түптөлүшү, мамлекеттер аралык байланыштардын негизделиши тууралуу материалдардын топтомун даярдап келет. Жогорудагы видеодон СССРдин курамындагы Кыргыз ССРи чет өлкөлөрдөн келген делегацияларды кантип тосконун көрүүгө болот.

1992-жылы 16-апрелде Кыргызстан менен Венгриянын ортосунда дипломатиялык байланыш түзүлгөн. Акыркы жылдары Венгрия Россия, Кытай, Түркия жана Борбордук Азия менен алакасын чыңдап жаткан учуру. 2020-жылы 19-февралда Бишкекте Венгриянын элчилиги ачылса, 19 күн мурда Кыргызстандын элчилиги Будапештте иштей баштады.

Колумнист Алмаз Батилов архивден 1963-жылы Фрунзе шаарына Венгр Эл Республикасынын парламентинин депутаттары келген даректүү тасманын үзүндүсүн тапкан. Чет элдик делегацияны Кыргыз ССРинин Жогорку Советинин президиумунун төрагасы Төрөбай Кулатов, Коммунисттик партиянын жетекчиси Турдакун Усубалиев, тышкы иштер министри Сакин Бегматова жана белгилүү бийчи Бүбүсара Бейшеналиева тосуп алышкан. Венгрлерди көрүнүктүү ишмер, эки ирет соода-сатык министри болгон Шандор Ромаи жетектеп келген. Андан кийин Ромаи парламент жана венгр-совет достук коомунун төрагалыгын аркалаганы маалым.

Чыгыш Европада Венгрия Советтер Союзунун эң жакын өнөктөшү эле. Социализм менен капитализмдин системасын айкалыштырган бул өлкөнү социализмдин витринасы деп аташчу. Расмий Будапешт менен Москва аскердик, экономикалык, туризм, илимий жана маданий жаатында аябай тыгыз кызматташкан. 1980-жылдары эки өлкөнүн ортосундагы соода-сатыктын көлөмү 9 миллиард рублге жеткен эле. Венгрия чыгарган "Икарус" автобусу, костюмдары, көйнөктөрү, бут кийимдер жана азык-түлүгү азыр деле постсоветтик аймакта жашаган калктын эсинде.

Эмне үчүн ошол учурда расмий Будапешт Кыргызстан менен кызматташууга кызыкдар эле деген суроо жаралат. Бул эл өзүн мадьяр деп атайт. Миң жылдан ашык убакыт мурда мадьярлардын ата-бабалары Азиядан Борбордук Европага көчүшкөн. Алардын курамына Европанын жүрөгүнүн үшүн алган атактуу гунндар жана түрк тектүү уруулар менен калктар да кошулган. Тилинде түркий сөздөр көп. Бүгүнкү күндө да Венгрияда кыпчактар Надь-Кууншаг (Чоң Куман) менен Кичи Кууншаг ( Кичи Куман) аймактарында жашайт. Дал ушул себептен улам мадьяр илимпоздору Кыргызстанга абдан көңүл бурушкан.

20-кылымдын башында Кыргызстандын табияты менен этнографиясын атактуу венгриялык чыгыш таануучу жана зоолог Дьердь Алмаши изилдеген. 1914-1918-жылдары Биринчи дүйнөлүк согуштун учурунда орус армиясынын туткунуна түшкөн мадьярлар Ош жана Жалал-Абад аймактарына жөнөтүлгөн. Айрымдары 1917-жылы Октябрь революциясынан кийин жарандык согушта большевиктердин катарында согушкан. 1925-жылы Кыргызстанга Чехословакиядан келген "Интергельпо" кооперативинин ыктыярчыларынын арасында венгрлер да болгон. Алар республиканын өнүгүшүнө чоң салым кошкон эле.

1936-жылы белгилүү венгриялык сүрөтчү Ласло Месарош Фрунзеге көчүп келген. Ал да Кыргыз ССРинин борборун көрктөндүрүү боюнча көп иштерди жасаган. 1956-жылы бул өлкөнүн башчысы Матьяш Ракоши Токмок калаасына сүргүнгө айдалган. Буга чейин да кээ бир венгр коммунисттери Кыргызстанга сүргүнгө айдалышкан болчу.

1956-жылдан баштап Фрунзеде жайгашкан бешинчи борбордук авиациялык кадрларды даярдоочу курстарда мадьяр курсанттары окуган. Мындан сырткары, Венгриянын аскердик-унаа авиациясы түптөлгөн. 1980-жылдардын аягында венгриялык кыпчактардын тукуму маркум Иштван Коңур Мандоки да фольклор багытында изилдөө жүргүзүп, азыркы күндө анын ишин будапешттик окумуштуу Кара Дөөт Шомфайи улантып жатат. 2018-жылы Венгриянын президенти Виктор Орбан III Дүйнөлүк көчмөндөр оюндарынын ачылышына жана Чолпон-Ата шаарында өткөн Түрк тилдүү өлкөлөрүнүн башчыларынын кеңешинин саммитине катышкан. Ал венгрлердин теги түрк-кыпчактар, ал эми Венгрия христиан динин туткан түрктөрдүн жери деп айтып келет.

Өлкөнүн тышкы саясатын тескеген ведомство кантип негизделип, кандай жолду басып өткөнүн мамлекеттик жана коомдук ишмер, СССРдин 1-класстагы толук жана ыйгарым укуктуу кенже элчиси Жаңыл Түмөнбаева кенен-кесир айтып берген.

118
Белгилер:
Тышкы иштер министрлиги, Венгрия, Кыргызстан, СССР, делегация, Төрөбай Кулатов, элчилик, байланыш, дипломатиялык мамиле
Тема боюнча
Дипломаттын жубайы Эдиса Намазбекова: бөтөн жерде өлүп калабызбы деп коркчумун

"Минип алып" ургулап. UFC мелдешинин урунттуу учурларынын видеосу

54
(жаңыланган 12:08 24.10.2021)
UFC Russia YouTube каналы уюмдун Лас-Вегаста өткөн соңку турниринин урунттуу учурларынын видеосун жарыялады. Мушкерлер таймашы түндө (Бишкек убактысы боюнча таңга маал) өттү.

Италиялык Марвин Веттори кеченин башкы беттешинде бразилиялык Пауло Коста менен кез келип, калыстардын чечими менен жеңүүчү деп табылды.

Мелдеште англиялык Жей Герберт америкалык Кама Ворти менен таймашы мыкты соккулар менен коштолду. Герберт жаадырган соккулар АКШлык мушкердин айласын алты кетиргенде калыс беттешти токтотту.

Ошондой эле жеңил салмакта АКШлык Жефф Молина атаандашы Даниэль Ласерданы жерге жыгып, үстүнө "минип алып" сабап салганы мелдештин кызыктуу учурларынан болду.

54
Белгилер:
UFC, мелдеш, сокку, нокаут, видео
Тема боюнча
Биздин сулуу! Шевченконун жаңы образдагы сүрөттөрү суктандырууда
Хабиб же Майкл Жордандай эле. Лорен Мерфи мушкер Валентина Шевченкого баа берди
Бетин катканына карабай ургулап. UFC турниринин эң кызыктуу учурлары видеодо

Шаарга таң калган эки кемпир. "Лифти бар үйдөгү тепкичтер" тасмасынан ирмемдер

0
  • Башкы ролдордогу Сабира Күмүшалиева менен Жумаш Сыдыкбекова
  • Кыска метраждуу тасма Фрунзе (азыркы Бишкек) шаарында тартылган
  • Режиссер Аман Камчыбеков менен сценарист Юсуф Разыков иш маалында
  • Байбичелердин оозун ачырган каратист (Токон Дайырбеков)
  • Залкар актрисаларга аяр мамиле кылган режиссер
  • Комедия жанрындагы тасманы көрүүчүлөр жакшы кабыл алган
  • Тартуу иштеринин алдындагы репетиция: экинчи режиссер Төлөгөн Сыдыков жана актрисалар
  • Кинокартинанын оператору Бекжан Айткулуев
  • Фильмге тартылгандар көрүүчүлөрдүн купулуна толуп, көпчүлүктүн сүймөнчүгү болгон
  • Лифти бар үйдөгү тепкичтер Аман Камчыбековдун дипломдук иши болгон
  • Жаштардын ал эмгегин телеканалдар сатып алган
  • Чакан чыгармачыл топтун фильми кийин эл аралык кинофестивалдарды багындырган
Ноябрь айында "Кыргызфильм" 80 жылдыгын белгилейт. Буга байланыштуу Sputnik Кыргызстан агенттиги ата мекендик киночулар жараткан тасмалардагы кызыктуу ирмемдерди сунуштоону улантат.

Жаш режиссер Аман Камчыбеков 1984-жылы дипломдук иши катары "Лифти бар үйдөгү тепкичтер" фильмин тартууга киришет. Анын сценарийин Юсуф Разыков жазып, операторлук милдетти Бекжан Айткулуев аткарган. Комедия жанрындагы кинокартинада айылдан шаарга уулунун үйүнө келе жаткан эки кемпирдин кылык-жоругу баяндалат. Элеттик эки байбиче көп кабаттуу үйдөгү лифтке түшкөндөн коркуп, тогузунчу кабатка чейин жөө чыгып, ар бир тепкичти кыйынчылык менен басып өтөт. Шаардыктардын баскан-турганына, кылган мамилелерине таң калып өз ара кызуу баарлашат.

Фильмдин эпизодуна катышып калган КР эл артисти Чоро Думанаев ал кезеңди мындайча эскерет.

"Негизи дипломдук иштер чаң басып эле калат го, бирок бул тасманы телевидение сатып алып элге сунуштаган. Кыска метраждуу фильм көрүүчүлөр тарабынан жылуу кабыл алынып, бат эле элдин сүймөнчүлүгүнө айланган. Башкы ролду ойногон Сабира Күмүшалиева менен Жумаш Сыдыкбекова биздин энелерибиздей эле болчу. Биз жашпыз да, тентек кылсак акыл-насаатын айтып, өз балдарындай көрчү. Ал эми режиссеру Аман аябай таланттуу инсан эле. Жол кырсыгына кабылып бул дүйнөдөн эрте кетти", — деди Думанаев.

Тасмада башкы ролду Сабира Күмүшалиева менен Жумаш Сыдыкбекова аткарган. Ошондой эле ага Дооронбек Садырбаев, Айтжан Айдарбеков, Токон Дайырбеков да тартылган.

"Лифти бар үйдөгү тепкичтер" фильми кийин эл аралык фестивалдарда бир катар сыйлыктарды багындырганы маалым. Мисалы, Алматы шаарында өткөн эки фестивалда тең биринчи орунду алып, сценарист Юсуф Разыков башкы байгеге татыган.

0
  • Башкы ролдордогу Сабира Күмүшалиева менен Жумаш Сыдыкбекова
    © Sputnik / Александр Федоров

    Башкы ролдордогу Сабира Күмүшалиева менен Жумаш Сыдыкбекова

  • Кыска метраждуу тасма Фрунзе (азыркы Бишкек) шаарында тартылган
    © Sputnik / Александр Федоров

    Кыска метраждуу тасма Фрунзе (азыркы Бишкек) шаарында тартылган

  • Режиссер Аман Камчыбеков менен сценарист Юсуф Разыков иш маалында
    © Sputnik / Александр Федоров

    Режиссер Аман Камчыбеков менен сценарист Юсуф Разыков иш маалында

  • Байбичелердин оозун ачырган каратист (Токон Дайырбеков)
    © Sputnik / Александр Федоров

    Байбичелердин оозун ачырган каратист (Токон Дайырбеков)

  • Залкар актрисаларга аяр мамиле кылган режиссер
    © Фото / Александр Федоров

    Залкар актрисаларга аяр мамиле кылган режиссер

  • Комедия жанрындагы тасманы көрүүчүлөр жакшы кабыл алган
    © Sputnik / Александр Федоров

    Комедия жанрындагы тасманы көрүүчүлөр жакшы кабыл алган

  • Тартуу иштеринин алдындагы репетиция: экинчи режиссер Төлөгөн Сыдыков жана актрисалар
    © Sputnik / Александр Федоров

    Тартуу иштеринин алдындагы репетиция: экинчи режиссер Төлөгөн Сыдыков жана актрисалар

  • Кинокартинанын оператору Бекжан Айткулуев
    © Sputnik / Александр Федоров

    Кинокартинанын оператору Бекжан Айткулуев

  • Фильмге тартылгандар көрүүчүлөрдүн купулуна толуп, көпчүлүктүн сүймөнчүгү болгон
    © Sputnik / Александр Федоров

    Фильмге тартылгандар көрүүчүлөрдүн купулуна толуп, көпчүлүктүн сүймөнчүгү болгон

  • Лифти бар үйдөгү тепкичтер Аман Камчыбековдун дипломдук иши болгон
    © Sputnik / Александр Федоров

    "Лифти бар үйдөгү тепкичтер" Аман Камчыбековдун дипломдук иши болгон

  • Жаштардын ал эмгегин телеканалдар сатып алган
    © Sputnik / Александр Федоров

    Жаштардын ал эмгегин телеканалдар сатып алган

  • Чакан чыгармачыл топтун фильми кийин эл аралык кинофестивалдарды багындырган
    © Sputnik / Александр Федоров

    Чакан чыгармачыл топтун фильми кийин эл аралык кинофестивалдарды багындырган

Тема боюнча
Геннадий Базаров сүйүүсүн тапкан. "Көздүн кареги" тасмасындагы ирмемдер