(1:07 / 8.14Mb / )

Жалал-Абадда сууга түшүп кеткен торпокту улакчы жигит музду жарып алып чыкты. Видео

4905
(жаңыланган 19:59 13.01.2018)
Окуя 11-январь күнү Ноокен районунун Ак-Бата айылында болгон

Жалал-Абад облусунун Ноокен районундагы Ак-Бата айылынын тургуну той өткөрүп улак тартыш өткөргөн. Анда улакчылар оюндун кызыгына батып, тоңгон муздун үстүнө чейин чыгып кетишкен. Муз кокусунан жарылып, чабандестер тартып жаткан торпок сууга түшүп кеткен. Бул тууралуу окуянын күбөлөрү Sputnik Кыргызстан агенттигине билдирди.

Улакчылардын арасынан аба ырайынын сууктугуна байланыштуу суу ичинен торпокту алып чыгууга эч ким батына алган эмес. Куштарбек аттуу жергиликтүү улакчы сырткы кийимин чечип, торпокту суу алдынан таап алып чыккан. Улак чабышты өткөрүп жаткан той ээси анын эрдигин баалап, кой белек кылганы белгилүү болду.

Улакка түшкөндөрдүн арасынан олуттуу жаракат алгандар болгон эмес.

4905
Белгилер:
торпок, улак, Көк бөрү, Жалал-Абад
Тема боюнча
Саяпкер Сүйүнбек: жылан жеген "Миллиончик" аргымагымды баламдай эле бактым
Сүйүнчү! Көк бөрү ЮНЕСКОнун маданий мурастар тизмесине киргизилди
Пикирлер