Вьетнамда үч кулач болгон кобра жолго жатып алып, тыгын жаратты. Видео

1975
(жаңыланган 19:30 23.01.2018)
Вьетнамда жыландын этинен жасалган тамактар кеңири тарагандыктан, интернет колдонуучулар кобра адамдарга жем болду деп болжолдошууда

Вьетнамдын Фухто провинциясында узуну үч кулачка чукул кобра унаа жолунда тыгын жаратты. Бул тууралуу видео YouTube тармагындагы ViralHog каналына жарыяланды. 

Роликте көрүнүп тургандай, жылан унаалар өтүүчү жолго жатып алгандыктан, машиналар өтө албай, эл ызы-чуу боло түшкөн.

Алгач айдоочулар аны куйругунан кармап жол жээгине алып чыгууга аракеттенишкен. Кийин таяктардын жардамы менен акыры ары көздөй көтөрүп кетишкен.

Вьетнамда жыландын этинен жасалган тамактар кеңири таралгандыктан, интернет колдонуучулар кобра адамдарга жем болду деп болжолдошууда.

1975
Белгилер:
Вьетнам, кобра, жол, айдоочу
Тема боюнча
Өзүн-өзү жутуп жаткан жыландын видеосу интернетте талкуу жаратты

Бишкекте россиялыктар Мамдуманын депутаттарын шайлоодо. Видео

99
Ушул тапта Кыргызстандын төрт шаарында шайлоо тилкеси иштеп, өлкө аймагындагы россиялыктар РФтин Мамлекеттик Думасына кезектеги депутаттарды шайлоого добуш берип жатышат.

Шайлоо 17-сентябрдан 19-сентябрга чейин белгиленген. Аны менен биргеликте аймактык жана муниципалдык шайлоо да кошо өтүп жатат. Добуш берүүнүн негизги күнү катары 19-сентябрь эсептелет.

Россиянын Кыргызстандагы элчиси Николай Удовиченко шайлоо тилкелери 8:00дөн 20:00гө чейин иштей турганын айтты.

"Төрт шайлоо тилкеси ачылды: Бишкекте элчиликтин базасында, Оштогу башкы консулдуктун базасында, Кант менен Караколдо. Добуш берүүгө Кыргызстанда жүргөн Россия Федерациясынын бардык жарандары жана онлайн режиминде мамлекеттик кызмат көрсөтүү системасы аркылуу добуш бербегендер катыша алат", — деген элчи.

Мамлекеттик Думага 450 депутат тандалат: жарымы партиялык тизме менен болсо, жарымы бир мандаттуу округдар аркылуу. Жарышка ат салышууга 14 саясий партия катталган. Шайлоочулардын саны 110 миллиондон ашат.

99
Белгилер:
Кыргызстан, Россия, Мамлекеттик Дума, шайлоо, жер тилкеси, добуш берүү
Тема боюнча
Ош шаарында РФ жарандары Мамдума шайлоосуна добуш берип жатат. Сүрөт

Кыргызстандык ырчы Нур-Султандагы "Голос" долбооруна өттү. Видео

1264
Долбоордун насаатчылары кыргызстандык ырчы Нуржигит Субанкуловдун үнү менен тембри өзгөчө экенин белгилешкен.

Субанкулов Казакстандын "Голос" теледолбоорунун кийинки этабына ийгиликтүү өттү. Адатта насаатчылар чыгарма ырдалып бүткүчө артты карап угушат. Ырчы америкалык белгилүү "Stand by me" ("Мени менен кал") ырын аткарды.

Сахнага чыкканга чейин Нурсултан коңшу өлкөдөгү сынакка Бишкектен келгенин айтты. Ал ырдап жатканда эки насаатчы бурулуп, үнү менен тембрине баа берди. Кыргызстандык ырчы насаатчы катары өзүнө ырчы Батырхан Маликовду (Alem) тандап алды. Белгилей кетсек, насаатчылардын бири программанын жүрүшүндө сөзү Чыңгыз Айтматовго таандык болгон ырды аткарды.

Нуржигит Субанкулов 34 жашта, кесиби боюнча экономист, музыка жана автоунаа тюнинги менен алектенет. Буга чейин Нуржигит Россиянын "Голос" долбооруна да ийгиликтүү катышкан.

1264
Белгилер:
Казакстан, 'Голос' долбоору, Нуржигит Субанкулов, ырчы, долбоор
Тема боюнча
Кыргызстандык жигит "Голос" долбоорунун жарым финалына өттү. Видео
"Голос" шоусунда кыргызстандык аткаруучуну Меладзе "куткарып" калды. Видео
Мотоциклчен киши. Архивдик сүрөт

Мотоциклчен киши аэропортко кеткен трассадан жөө адамды коюп, жол жабылды

0
(жаңыланган 23:34 19.09.2021)
Жолго 50дөй киши топтолуп ызы-чууга түштү. Кырсыктын кесепетинен болжол менен 50 жаш курагындагы киши каза болду.

БИШКЕК, 19-сен. — Sputnik. "Манас" аэропортуна кеткен жолдо мотоциклчен киши жөө адамды коюп кетти. Бул тууралуу Чүй облустук милиция билдирди.

Окуя бүгүн саат 20:00дө болгон. Маалыматка караганда, кырсыктын кесепетинен жөө киши набыт болгон. Болжол менен ал 50 жашта. Активист Болот Ибрагимов авариядан кийин тартылган видеону соцтармакка жарыялады.

Посмотреть эту публикацию в Instagram

Публикация от Болот Ибрагимов SFR (@bolotibragimov)

Кадрдан жол убактылуу жабылып калганын көрүүгө болот. Топтолгон 50дөй киши ызы-чууга түшкөн. Милициянын божомолу боюнча, алар жергиликтүү тургундар менен мотоциклчен кишинин достору болушу мүмкүн.

Чүй ОИИББдин маалымат кызматы саат 21:00дөр чамасында Манас айылынын жашоочулары Бишкек — аэропорт жолун тосуп, жол кырсыктарына нааразычылыктарын билдиришкенин кабарлады.

"Учурда милиционерлер жергиликтүү тургундарга түшүндүрүү иштерин жүргүзүп жатат", — деди ОИИББден.

Түнкү саат 11лер чамасында эл тарай элек болчу.

0
Белгилер:
Бишкек, милиция, жол кырсык, мотоцикл
Тема:
2021-жылдын башынан бери Кыргызстанда болгон жол кырсыктар
Тема боюнча
Бишкекте жүк ташыган поездге урунуп 21 жаштагы жигит каза тапты