Таңдайдан даамы кетпейт! Өзбектердин "пирожок" тамагынын видео рецепти

Жазылуу
Улуттук тамактарды канткенде жөнөкөй жол менен даамдуу кылып жасай алабыз? Муну биздин видое-рецептерден көрө аласыз, төмөндө өзбектердин салттуу "Пирожок" тамагы.

Sputnik Кыргызстан агенттигинин "Оңой жана даамдуу" рубрикасында сиздерди улуттук ашкана менен тааныштырабыз. Бул сапар редакция "Омар не Хайям" ресторанынын ашпозчусу Умид Юлдашев менен биргеликте жаңы союлган койдун этинен жасалып биринчи тамак катары берилген "Пирожокту" даярдоону үйрөтөт. 

Бир порция үчүн төмөнкү азык-түлүктөр керектелет:

Койдун кабыргасы — 350 г;

Картошка — 3 даана;

Суу май — 150 мл;

Туз — 2 гр;

Мурч — 2 гр;

Майдаланган кинза — 2гр. 

Ашпозчунун айтымында, салттуу ыкма боюнча бул тамакты даярдоодо койдун кабыргалары менен картошка гана колдонулат. Анын даамы эттин туура куурулушунан көз каранды. 

"Башкысы эт күрөң түскө келгиче куурулушу керек. Көпчүлүк үй кожойкелери казанга болгон этти салып ката кетиришет. Мындайда эттин суусу чыгып, жакшы куурулбай эле демделип калат. Ошондуктан этти казанга аз-аздан салып, кызарта кууруш керек" 

Оңой жана даамдуу: Бишкекте хитке айланган хан-палоонун видео рецепти - Sputnik Кыргызстан
Оңой жана даамдуу: Бишкекте "хитке" айланган хан-палоонун видео рецепти
Ысыган казанда кызыган суу майга койдун кабыргаларын бирден салып үстүнө туз менен татымалдарды себиңиз. Эки тарабы тең күрөң түскө келгиче кууруңуз. Картошканы дагы ушундай эле ыкма менен кууруп аны жылуу жерге коюңуз. Бирок үстүн жаппаш керек. Анткени картошка жумшарып кетет. 

Казандагы суу майдын жарымын куюп алып, калганына этти, анын үстүнө картошканы салыңыз. Калган татымалдарды үстүнө себиңиз. 

Картошка менен эттеги татымалдар жуулуп кетпеши үчүн үч чоң кашык кайнаган сууну же сорпону казандын чети менен куюңуз. Андан кийин казанды аба кирбегендей кылып жаап, жай оттун табына 40-60 мүнөткө калтырып коюңуз. Тамакты даярдоонун убактысы койдун жашы менен картошканын көлөмүнө жараша болот. 

Даяр болгон тамакты жалпак тарелкага салып үстүнө көк-мөк менен шакекче сымал тууралган пиязды себелеп коюңуз. Тамагыңыз таттуу болсун! 

Жаңылыктар түрмөгү
0