(3:21 / 24.65Mb / )

Балдар кор болбосун! Сокулукта 24 бала асыраган өзгөчө үй-бүлөнүн турмушу

(жаңыланган 14:56 22.02.2018)
Сокулук районуна караштуу Маловодное деген айылда көп балалуу үй-бүлө жашайт. Жети же он балалуу эмес, 24 чүрпөсү бар, балдарга бай бактылуу бүлө. Айыл эли да Өмүркануновдордун чакан мамлекетин жакшы тааныйт.

Sputnik Кыргызстан агенттиги баланы баарынан биринчи койгон боорукер жубайлар Иса Өмүракунов менен Таалайкүл Арзыматовалар менен таанышып келди.

Ызылдаган наристе, өспүрүмдөр кирип барарыбыз менен жылуу учурашып тосуп алышты. Алардын көзүнөн балдар үйүндөгү "мени алып кетесиңби" деген аянычтуу көз карашты көрө алган жокпуз. Бири атасынын мойнуна асылса, экинчиси бутунан кучактап эркелеп жатышты. Иса Өмүракунов жубайы Таалайкүл экөөнө тең бала бактысы биринчи орунда.

Үй ээсинин айтымында, кайрымдуулук иши бир үй-бүлөнүн тагдыры аркылуу ишке ашкан.

"Таанышымдын кызы туура эмес адамга турмушка чыгып, эки күндүн биринде токмок жеп төркүнүнө келчү экен. Бир күнү атасы чалып "кыз-күйөө жакшы болбой калды, күйөө балам үйгө чейин келип сабаган деңгээлге жетти. Кызым балдарды калтырып Москвага барып иштесем дейт. Бирок аларды кимге калтырарын билбей жатат, бизде болсо шарт жок" деп калды. Менин жетим балдарды баккан бир таанышым бар эле, андан жардам сурасам, устав боюнча жети жаштан өткөн балдарды гана кабыл алабыз деди. А тиги келиндин балдары 2, 4 жана 6 жашта болчу. Аларга аябай боорум ооруду. Кичине баласы энесинен ажырарын сезип, аны этектеп эле жанынан чыкпай калганын көрүп жаман болдум. Келинге "бул жактан жашаганга жер таап берсек Россияга кетпейсиңби" десек макул болду. Айылдан аларга бош үй таап берип ошентип багып калдык. Кийин дагы бир таанышымдын турмуштан кыйналган кызы бир баласы менен келди. Кайдан-жайдан укканын билбейм, бир студент кыз жардам сурап түз эле роддомдон бизди угуп чыгып келиптир. Ошентип келинчегим экөөбүз каралашып жатып бул иш кандай башталып кеткенин билбей да калыптырбыз", — деди Өмүракунов.

Житель села Маловодное Сокулуксого района Иса Омуракунов со своими детьми
© Sputnik / Табылды Кадырбеков
Иса Өмүракунов менен Таалайкүл Арзыканова асыраган 24 баланын айрымдары томолой жетим болсо, кээ биринин ата-энеси чет өлкөлөрдө иштеп жүргөндөр

"Эне жана бала мээрими" кайрымдуулук үйүн жубайлар расмий түрдө 2011-жылы каттоодон өткөргөн. Андан бери далай баланы багып, өстүрүп бир топ жалгыз бой, кокустан кош бойлуу болуп калган жаш кыздарга чейин жардам беришкен.

"Биздин башкы максат — баланы энеден ажыратпоо. Томолой жетим балдар болсо аларга өз ата-энесиндей мээрим төгүп, камкордук көрүү. Учурда 24 бала бар. Алардын айрымдарынын энеси чет жакта иштеп жүрсө, кээ бири ушул жерде жашап балдарын чоңойтуп жатышат. Арасында тоголок жетимдер да бар. Баары жолдошум экөөбүздү "ата, апа" дешет. Кокустан кош бойлуу болуп калган кыздар да келген учурлар болот. Кийин айрымдарынын жигиттерин (баланын атасын) таап, баш коштурган мезгилдер да болду "— деди балдардын энеси Таалайкүл Арзыматова.

Бир баланы багуу оор заманда 20дан ашык чүрпөнү асыроо, аларга татыктуу тарбия берип чоңойтуу оңой иш эмес.

"Өлкөдө боорукер адамдар деле көп. Дем алыш сайын студенттер келип үй жыйнашып, бала карашып кетишет. Тамак-аш, азык-түлүк, кийим-кече алып келген адамдар бар. Көрсө ар бир баланын ырыскысы болот экен да. Андан тышкары, өзүбүз тигүү цехин иштетип, ошол жактан түшкөн кирешени да бул жакка колдонобуз. Балдарын багып жаткан келиндер цехте иштейт. Айтор, биримдикте оокат кылып жатабыз. Окугандары ушул эле айылдын мектебине барып билим алат", — деди мээримдүү эже.

Житель села Маловодное Сокулуксого района Иса Омуракунов со своими детьми
© Sputnik / Табылды Кадырбеков
Балдар да аларды жакшы көрүп, өз ата-энесиндей эркелешет

Жубайлардын өздөрүнүн беш баласы бар. Баары тең мектепти бүтүп, бойго жеткен. Бири армияда болсо, башкалары жогорку окуу жайда билим алышат. Ар бир баласына өзгөчө кам көрүп, мээрим төккөн жубайлар кыздарын өз колдору менен турмуш жолуна узатып, уулдарына келинди ушул үйдөн алып берерин кошумчалашты.

Буга чейин жети баланын 33 жаштагы энеси Альбинанын тагдыры тууралуу да баян эткенбиз.

Белгилер:
үй-бүлө, кайрымдуулук, бала, Чүй облусу
Тема боюнча
Жети баланын 33 жаштагы апасы Альбина: пол жууп тапкан акчам тамак-ашка да жетпейт
"Балага сүйүнчү" пулду 327 үй-бүлө алды
Арча-Бешикте турак үй өрттөнүп, беш балалуу үй-бүлө көчөдө калды. Видео

НАТО чалгынчылары РФ чек арасына тез-тезден каттап калышты. Максаты эмне

(жаңыланган 11:50 20.04.2021)
НАТОнун учактары акыркы аптада рекордун жаңылап, Россия чек арасына 58 жолу жакындап келди.

Өлкөнүн Коргоо министрлигинин маалыматы боюнча, чет элдик чалгынчылар чагымчылык жасоодо. Өтө эле жакын учуп келгендиктен Россиянын истребителдери асманга көтөрүлүп, "мейманды" узатып барууга аргасыз болгон.

НАТОнун учактары Камчатка менен Кара деңизден эмне "шимшилеп" жүрөт? Украина менен таанылбаган Донбасс Республикасынын чектешкен аймагына эмне максат менен байкоо салууда? Жоопту биздин видеодон алууга болот.

Белгилер:
Украина, Кара деңиз, учак, чек ара, Россия, НАТО
Тема боюнча
Украина НАТОго кирет деп ишенип... Россияга ким чагымчылык жасоодо

UFC Шевченко менен Андраденин беттешине карата проморолик жарыялады

Абсолюттук мушкерлер чемпионаты (UFC) Валентина Шевченко менен бразилиялык Жессика Андраденин беттешинин промо видеосун чыгарды.

Кыргызстандык чемпион кыздын беттешин утурлаган ролик UFC уюмунун расмий YouTube-каналына жарыяланды.

Видео UFC уюмунун комментаторлору бир учурда эки дивизиондун чемпиондугун ээлеген Аманда Нуньеске тең келе турган мушкер айым ким болорун талкуулап жаткан жерден башталат. Алардын пикиринде, Нуньеске Шевченко гана чакырык таштай ала турган жалгыз талапкер.

"Ким чакырык таштай алат деп ойлойсуң! Сен анын ким экенин билесиң! Валентина Шевченко", — деген алып баруучулардын бири.

Видеодо ошондой эле алдыдагы мелдештин башкы беттештерине чыгуучу мушкерлердин даярдыктары, алардын мурдагы таймаштарындагы мыкты нокауттары, жыга чапкан соккулары көрсөтүлөт.

"Жеңил салмактын ханышасы эң жеңил салмак категориясынын мурдагы чемпиону Жессика Андраде менен кез келет", — деп айтылат видеодо.

Роликте байкалгандай, Шевченконун машыгуусу Невада штатында Боулдер Сити шаарында өткөн. Бул болжол менен Лас-Вегастын түштүк-чыгыш тарабынан 40 чакырым аралыкта жайгашкан.

Кыргызстандык мушкер кыз менен бразилиялык спортчу 24-апрелде (Бишкек убактысы боюнча 25-апрелде) АКШнын Флорида штатындагы Жексонвилле шаарында өтүүчү UFC 261 турниринде беттешет.

Кеченин башкы беттешинде жарым орто салмактын чемпиону Камару Усмана менен Хорхе Масвидаль кармашат. Мелдештеги дагы бир кызыктуу таймаш эң жеңил салмактын мурдагы чемпиону Роуз Намаюнас менен кытайлык Вэйли Чжандын ортосунда өтөт.

Мушкерлер кечесине COVID-19 пандемиясы башталгандан бери алгачкы ирет көрүүчүлөр киргизилет. Алардын саны чектелбейт. Март айынын соңунда UFC башчысы 15 миң көрүүчү катышчу спорттук иш-чаранын билеттери бир нече мүнөттөрдө эле сатылып кеткенин айткан.

Белгилер:
видео, Жессика Андраде, беттешүү, Валентина Шевченко, UFC
Тема боюнча
Шевченко бразилиялык Андрадени ута алабы? Букмекерлердин пикири
UFC Валентина Шевченко катыша турган мелдештин трейлерин жарыялады. Видео
Россиянын президенти Владимир Путин жана АКШнын мурдагы президенти Дональд Трамп. Архив

Дональд Трамп: Путин мага, мен ага жакчумун

(жаңыланган 12:56 20.04.2021)
АКШнын экс-президенти убагында Россиянын лидери менен жакшы мамиледе болгонун айтып, бул жаман эмес көрүнүш экенин белгилеген.

БИШКЕК, 20-апр. — Sputnik. АКШнын мурдагы президенти Дональд Трамп Россиянын лидери Владимир Путин менен болгон мамилеси жөнүндө айтып бергенин РИА Новости жазды.

Трамп Путинге жагарын белгилеген.

"Менин Путин менен мамилем абдан жакшы болчу. Мен ага, ал мага жакчу. Бул нерсе жаман эмес, тескерисинче, жакшы көрүнүш", — деген Трамп.

Москва менен Вашингтондун мамилеси 2016-жылдын соңунда, Дональд Трамп президент болуп шайлангандан кийин начарлаган. Себеби шайлоонун жүрүшүнө Москва кийлигишти делген маалыматтар тарап кеткен. Прокурор Роберт Мюллер "Россиянын кийлигишүүсү" жөнүндөгү божомолду эки жыл бою иликтеген. Кийин ал "кийлигишүү" болгонун билдиргени менен расмий Москва менен Вашингтон аны төгүндөгөн.

Белгилер:
Дональд Трамп, президент, АКШ, Россия
Тема боюнча
Байден Путиндин фамилиясын туура эмес айтып алды