Оңой жана даамдуу: таңдайды такылдаткан чак-чак кантип жасалат. Видеорецепт

Жазылуу
Үй шартында улуттук тамак-ашты кантип тез жана оңой даярдоонун жол жобосун көрүңүз.

Бул сапар татар ашканасына таандык болгон чак-чакты бал кошуп жасайбыз.

Оңой жана даамдуу: Бишкекте хитке айланган хан-палоонун видео рецепти - Sputnik Кыргызстан
Оңой жана даамдуу: Бишкекте "хитке" айланган хан-палоонун видео рецепти
Sputnik Кыргызстандын "Оңой жана даамдуу" деп аталган рубрикасынан кыргыз жана чыгыш ашканасынын тамак-ашынын кантип даярдаларын көрө алабыз.

Бул жумада "Омар не Хайям" ресторанынын ашпозчусу Умид Юлдашев чак-чак кантип жасаларын көрсөтүп берет.

Чак-чак ар бир үй-бүлөнүн өзүнүн жасоо ыкмасы менен айырмаланышы мүмкүн, бирок керектелүүчү азыктар окшош. Ал —жумуртка менен жогорку сорттогу ун. Жаңгак менен кургатылган жемиш кошуп койсо, ашыктык кылбайт.

Алты кишиге чак-чак жасаш үчүн төмөнкү азыктар керек:

ун — 400 г
жумуртка — 4 даана
туз — 5-7 гр
уксус —1/2 аш кашык
сода — 2 г
өсүмдүк майы — 500 мл
бал — 4 аш кашык

Кооздойм десеңиз төмөнкүлөрдү кошосуз:

жаңгак — даамына жараша
мейиз — даамына жараша

Бул таттуу тамак эки саатта даяр болот

Таңдайдан даамы кетпейт! Өзбектердин пирожок тамагынын видео рецепти - Sputnik Кыргызстан
Таңдайдан даамы кетпейт! Өзбектердин "пирожок" тамагынын видео рецепти
Чуңкур табакка жумуртка, татымына жараша туз салып, содага уксус куюп, камыр жуурулат. Аны желим баштыкка ороп, жылуу жерге 20 мүнөттөй коюп коет да, кайрадан ийлейт.

Көмөч сымал формадагы камырды төрткө бөлүп, жука кылып (2 мм.) жайылат. Аны видеодо көрсөтүлгөндөй узунан ичке-ичке кылып кесип чыгат.

Андан соң өсүмдүк майын казанга же көмөч казанга куюп, ысып чыккандан кийин боорсок сымал 3-4 мүнөткө чейин бышырып алат. Бышкан ичке камыр жегенде кыртылдап турушу керек. Аны топтоп туруп, үстүнө май куят. Каалагандай формага келтирип, мейиз же жаңгак менен кооздоп коюшат.

Чак-чакты адатта конок келгенде же майрамдык дасторконго коюшат. Болбосо жөн гана чай же кофе менен жесе да болот.

Тамагыңыз даамдуу болсун!

Жаңылыктар түрмөгү
0