Словакиялык футболчу жана "Зенит" командасынын мурунку коргоочусу Мартин Шкртел Таиланддын курама командасы менен ойноп жаткан маалда тилин жутуп алып, аз жерден өлүп кала жаздады.
Окуянын видеосу El Diego аттуу колдонуучунун YouТube-каналына жарыяланган. Кырсык биринчи таймдын ортосунда болгон. Шкртелдин башына жакын эле жерден топ тийип, ал эсин жоготуп чалкасынан түшкөн. Командадагы жолдошу Ондрей Дуда чуркап келип, футболчуну кырына жаткыра калып, тамагына кеткен тилин сууруп чыккан. Андан соң Шкртелга дарыгерлер жардам көрсөтүп, оюнга кайтып келген.
The Sun басылмасынын маалыматында Таиланд менен Словакиянын футболчулары өткөн жекшемби күнү Бангкокто жолугуп, оюн 3:2 эсебинде словактардын пайдасына аяктаган.
