(0:49 / 45.51Mb / )

Бишкектин 140 жылдыгын утурлай кыздар Курманжан датканын эстелигинин алдында бийлешти

103
(жаңыланган 14:10 27.04.2018)
Sputnik Кыргызстан маалымат агенттиги Бишкек шаарынын 140 жылдык мааракесинин алдында суктанарлык видео даярдады.

Роликте шаардын эң белгилүү жерлери асмандан тартылган. Бул жолу майрамдык маанайды Кыргыз-Түрк "Манас" университетинин "Манастын кыздары" бий тобунун бийкечтери улуттук кийим кийип кыргыз бийин бийлешти. Видеолорду Sputnik Кыргызстан агенттигинин сайтынан жана социалдык тармактагы баракчаларынан, RTV, Saltanat TV, "Кыргыз ТВ" жана Event телеканалдарынан 26-апрелден тарта көрүүгө болот.

Бул жолу Алай канышасы аталган Курманжан датканын эстелигинин алдында тартылган биринчи видеону сунуштайбыз.

Sputnik Кыргызстан агенттигинин жамааты хореограф Клара Койчукуловага, "Бийиктик" музыкалык чыгармасынын автору Азамат Отунчиевге жана Кыргыз-Түрк "Манас" университетинин ректоратына ыраазычылык билдирет.

Андан тышкары, Sputnik Кыргызстан агенттиги аудиогид менен фотодолбоорлорду даярдаган.

Панорамалык сүрөттөр менен кооздолгон аудиогидди 29-апрелден тарта Sputnik Кыргызстан агенттигинин сайтынан таба аласыз. Анын жардамы менен Бишкек шаарынын эң кооз, тарыхый, маданий жерлерине виртуалдык саякат жасоого мүмкүнчүлүк болот.

Ал эми "Сүйүктүү шаарым кечээ жана бүгүн" аттуу фотодолбоор 17-апрелден тарта борбордук "Ала-Тоо" аянтында элдин назарына коюлган.

Sputnik Кыргызстан маалымат агенттиги жана радиосу 2014-жылдын декабрь айынан тарта иштеп, окурмандар менен угармандарга кыргыз жана орус тилдеринде өлкөдө жана дүйнөдө болуп жаткан актуалдуу жаңылыктарды сунуштап келет.

103
Белгилер:
шаар, бий, эстелик, асмандан көрүнүш, майрамдоо, видео, Sputnik Кыргызстан, Курманжан датка, Бишкек
Тема:
Бишкекке — 140 жыл (34)
Тема боюнча
Sputnik Кыргызстан Бишкектин 140 жылдыгына карата мекендештерге белек камдады
Бишкектин 140 жылдыгына карата көк бөрү боюнча мелдеш өтөт
Sputnik Кыргызстан жана Бишкек мэриясы шаардын 140 жылдыгына карата фотокөргөзмө ачты

Эртең мененки жана күндүзгү Бишкектин чочуткан көрүнүшү. Видео

244
(жаңыланган 18:26 01.12.2020)
Бишкекти эртең менен жана күндүз видеого тарттык. Алардын айырмасы кишини чочутпай койбойт. Үч саат ичине борбор калааны коюу ыш басып каларына күбө болдук.

Эртең менен аба салыштырмалуу таза болуп, күндүз кадимкидей булгана баштаганын байкоого болот. Абадагы кир нормадан ашып кеткендиги, ал эми кечинде абал андан да начарлаары алаканга салгандай ачык болуп турат.

Бишкекти ыштан арылтуу үчүн майнаптуу ыкмалар табыла элек болгондуктан, шаардыктар өтө кирдеген аба менен дем алып, жашоосун улантууда.

Мэрия шаардыктарга кайрылып, көчөгө чыгар алдында абаны текшерип алууга, мүмкүн болушунча көчөдө көп жүрбөөнү айткан.

Абанын канчалык деңгээлде булгангандыгын MoveGreen жана AirKaz.org деп аталган экологиялык кыймылдын сайттарынан текшерип алууга болот.

Аба эмнеден булганып жатат?

Анын негизги себептеринин бири шаардын тегерегиндеги конуштарда массалык түрдө от жагуу, автоунаалар бөлүп чыгарган түтүн жана ЖЭБдин түтүнү менен ышы.

244
Белгилер:
аба, экология, кыш, Бишкек
Тема боюнча
Фотофакт: ышка тумчуккан Бишкектин асмандан көрүнүшү

АКШ Афганистанда 10 аскер базасын жапты. Өлкөнү талибдерге салып бердиби?

124
(жаңыланган 13:22 01.12.2020)
АКШ менен "Талибан" кыймылы тарыхый тынчтык макулдашуусуна 2020-жылдын февралында кол койгону белгилүү.

АКШ "Талибан" кыймылы менен кол койгондон тарта Афганистанда кеминде 10 аскер базасын жапты. Бул туурасында The Washington Post басылмасы атын айткысы келбеген америкалык, афганистандык аткаминерлерге таянып билдирди.

Маалыматка караганда, Афганистандын дал тынчыбаган жерлериндеги базалар жабылганы айтылат.

АКШ менен "Талибан" кыймылы тарыхый тынчтык макулдашуусуна 2020-жылдын февралында кол койгон. Анын бир шартында америкалыктар документке кол койгондон тарта 14 ай ичинде Афганистандан аскерлерин алып чыгып кетиши керек эле.

Буга чейин президент Дональд Трамп АКШ Афганистандагы аскерлеринин санын бир топ кыскартарын айткан. Расмий адамдардын билдирүүсүнө караганда, январдын ортолорунда алар 5000ден 2500гө чейин азаймак.

124
Белгилер:
аскердик база, Талибан, Афганистан, АКШ
Тема боюнча
Афганистанда кызмат өтөп келген 9 австралиялык аскер жанын кыйды
Аалам аңтарылчудай... Афганистанда куралданган талибдер, кетип жаткан америкалыктар
Кыргыз-кытай чек арасындагы Эркечтам өткөрүү пункту. Архив

Кытай 3-декабрдан тарта Кыргызстанга көбүрөөк жүк ташууга уруксат берди

60
(жаңыланган 22:55 01.12.2020)
Кытай эртеңден баштап жүк ташыган автоунаалардын санын болжол менен суткасына 30га чейин көбөйтүүгө даяр. Каттамдар күн сайын жүргүзүлүп турат.

БИШКЕК, 1-дек. — Sputnik. Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду. Бул туурасында өкмөттүн маалымат кызматы билдирди.

  • Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду
    Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду
    © Пресс-служба правительства / Алишер Алиев
  • Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң Эркечтам жана Торугарт көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган
    Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң "Эркечтам" жана "Торугарт" көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Премьер-министрдин милдетин аткаруучу Артем Новиков Кытайдын Кыргызстандагы элчиси Ду Дэвэнь менен жолугуп, натыйжада жүк ташуунун агымы 3-декабрдан тарта көбөйтүлөрү маалым болду

Элчи кыргыз тараптын бир нече ирет кайрылуусуна жана Новиков менен 25-ноябрдагы жолугушуусунан соң "Эркечтам" жана "Торугарт" көзөмөл-өткөрүү пунктуларынын өткөрүү жөндөмдүүлүгүн жогорулатуу боюнча бир катар кеңешмелер өткөрүлгөнүн маалымдаган. Анын жыйынтыгы менен кытай тарап жумуш убактысын 8ден 12 саатка чейин көбөйтүү, ошондой эле өткөрмө пунктун дем алышсыз иштөө режимине өткөрүүнү сунуштаган.

"Жүк ташыган автоунаалардын саны болжол менен суткасына 30га көбөйөт. Элчи "Эркечтам" өткөрмө пунктундагы инфраструктураны жакшыртуу, өткөрүү жөндөмдүүлүгүн жогорулатуу максатында кытай тарап эки кампа куруу, контейнер үчүн кран орнотуу тууралуу чечимин кабыл алгандыгын кабарлады", — деп айтылат маалыматта.

Новиков маселе ыкчам чечилгени үчүн ыраазычылык билдирип, кыргыз өкмөтү кытай тараптын көзөмөл-өткөрүү пунктуларын жакшыртуу максатында кабыл алынып жаткан бардык аракеттерин колдоого алууга даяр экендигин белгилеген.

Жыйынтыгында премьер-министрдин милдетин аткаруучу Бажы кызматына, УКМКнын Чек ара кызматына өткөрмө бекеттерди кытай тарап менен биргелешип иштөө режимине өткөрүү тапшырмасын берди.

60
Белгилер:
автоунаа, пункт, өткөрмө, Кыргызстан, Кытай
Тема боюнча
Кыргыз-казак чек арасындагы "Каркыра" өткөрмө бекети убактылуу жабылды
Министр Казакбаев КРдеги кытайлык ишкерлер менен жолукту. Эмне талкууланды