Жалгыз бой эне таланттуу кызын Дубайдагы дүйнөлүк олимпиадага жөнөтө албай убара
(жаңыланган 12:56 29.04.2018)
Эсепти семичкедей чаккан сегиз жаштагы Айсанат Жеңишева сандар оозуңдан чыкты дегиче кошуп-алып суммасын чыгарып коёт. Дагы бир өзгөчөлүгү сандарды ырдаганча эле эсептей алат. Ал Дубайда өтө турган дүйнөлүк олимпиадага катышууга жолдомо алган.Айсанат ISMA менталдык арифметика окутуу борборунда бир жылдан бери окуйт. Бул аралыкта республикалык олимпиадада экинчи орунду алган. Ал эми беш өлкөнүн 1000ден ашуун окуучусу ат салышып, Казакстандын Алматы шаарында өткөн эл аралык олимпиадада чемпиондукту багындырган. Мындан кийин 22-23-июнда Дубайда боло турчу дүйнөлүк олимпиадага катышууга жолдомо алып кубанып турган чагы. Бирок каражаттын жоктугунан жаш кыздын тилеги ишке ашпай калганы турат.
Апасы Мээрим Бейшекеева Токмок шаарында эки баланы жалгыз тарбиялайт. Айсанаттан кичүү үч жашар баласы бар. Ал буга чейин кайрымдуулук фондусунда үч жыл иштеген. Соңку бир айдан бери туруктуу жумушу жок.
©
Sputnik / Табылды Кадырбеков
Эсепти семичкедей чаккан сегиз жаштагы Айсанат Жеңишева сандар оозуңдан чыкты дегиче кошуп-алып суммасын чыгарып коёт
"Мектептен менталдык арифметика боюнча жарнаманы көрүп, ары ойлонуп, бери ойлонуп, баланы алып барууну чечтик. Мектепте да жалаң бешке окуйт, кээде төрт алып калса маанайы түшүп келет. Мындан тышкары, бий, хор ийримдерине барат. Ар тараптан өсүшү үчүн бар күчүмдү жумшап келем. Кызым Дубайга бара албай шагы сынып калбасын деп социалдык тармактарга жазып, компанияларга барып жардам сурап жүрөм. Тилекке каршы, азырынча жакшы жооп келе элек. Жолдошум экөөбүз эки ача жолго түшкөнбүз. Анын азыр башка үй-бүлөсү бар, бизге каралашпайт", — деди Бейшекеева.
Айсанат Жеңишеванын Дубайга барып келишине бери жагы 1350 доллар керектелүүдө. Ал 15-майга чейин катталып, 350 доллар төлөшү абзел. Бул каражат мүчөлүк акы катары (балага 250, коштоп барган апасына 100 доллар) төлөнөт.
©
Sputnik / Табылды Кадырбеков
Айсанат Жеңишеванын Дубайга барып келишине бери жагы 1350 доллар керектелүүдө
"Азыр Токмоктон эле 4-5 окуучу ушул олимпиадага барууга аракет кылууда. Биздин балдар буга чейин көптөгөн ийгиликтерге жетишкен. Айсанат аябай жөндөмдүү, айтканыңды дароо сиңирип алат, келечеги кең. Дүйнөлүк олимпиадага барса байгесиз кайтпайт деп ишенем", — деди мугалим.
Менталдык арифметика — бул байыркы система. 5000 жыл мурда Азиянын түштүк-чыгышында пайда болгон. Учурда дүйнөнүн бардык өлкөсүндө бар.
Бишкектеги маршрутка айдоочулары күнүнө канча акча табат? Видео
(жаңыланган 18:49 22.01.2021)
Sputnik Кыргызстан маалымат агенттигинин кабарчысы Бишкекте маршруттук таксилердин айдоочулары менен сүйлөшүп, күнүнө канча акча табарын сураштырды.18-январда айрым маршрутка айдоочулары жумушка чыкпай коюшкан. Алар жол кирени 5 сомго жогорулатууну талап кылып, жол акы 2012-жылдан бери көтөрүлө электигин белгилешкен. Мэр бул маселени чечүүгө убакыт керектигин айткан.
Анткен менен бүгүн киши ташуучу жеке компаниялардын жетекчилери мэрдин милдетин аткаруучу Балбак Түлөбаевден кичи автобустардагы жол кирени 19-20 сомго чейин көтөрүүнү талап кылышкан. Азырынча жол кире боюнча так бир чечим чыга элек.
©
Sputnik / Табылды Кадырбеков
Мэр, ошондой эле, натыйжалуу иш алып баруу үчүн жеке фирмалардын жетекчилеринин атынан бир өкүлдү тандап, аны өзүнүн коомдук кеңешчиси кылууну суранган.
Бүгүнкү күндө маршруттук таксилердин айдоочулары канча табарын сураштырдык. Алардын айтымында, киреше канча каттам жасагандыгына жараша түшөт. Айрымдары күнүнө 700 сомго чейин, кээ бири 1 500 сомго чейин акча каражаты өздөрүндө каларын айтышты.
Жетер чегине жетти! Маркум депутаттын кызы ыйлап баяндама жасады. Видео
Турсунбекова комиссияга пандемияда каза болгондордун жакындарынын атынан кирген. Ал баяндамасын аяктап жатып өлкөнүн медицинасы дээрлик талкаланып бүтүп, жетер чегине жеткенин белгиледи.
"COVID-19 пандемиясы биздин саламаттык сактоо тармагынын абалын көрсөтүп койду. Мен көргөндөн бир гана саламаттыкты сактоо системасы чириген эмес, башкалары да бар. Ал жерде эч нерсе кылбай, жылдап жетекчилик кызматта отургандар, бир кызматтан экинчисине секирип жүргөндөр айрым олигарх врачтарга мамлекеттик ооруканаларда жеке бизнесин жүргүзүүгө шарт түзүп берип жатат. Ошол эле учурда биздин жаш, кесипкөй кадрлар жумуш издеп чет өлкөлөргө кетүүгө аргасыз болууда", — деди Турсунбекова.
©
Пресс-служба президента КР / Султан Досалиев
Себеби баасы 600-650 сом турган жеке коргонуучу бир костюмду мамлекет 6000 сомго сатып алган учурлар бар экенин айтат.
Пандемиянын кесепеттерин иликтеген комиссиянын курамына дарыгерлер, ыктыярчылар, журналисттер жана коронавирустун курмандыгы болгондордун жакындары кирген. Изилдөөнүн жыйынтыгы рекомендациялык мүнөзгө ээ жана ал Коопсуздук кеңешине өткөрүлүп берилет.
Жыргап күлүп, кучакташып... Макгрегор менен Порьенин көз караштар таймашы
(жаңыланган 22:32 22.01.2021)
Эки белгилүү мушкердин кармашы жекшембиде Абу-Дабидеги "Мушкерлер аралы" спорттук жайында өтөт. Атлеттер жети жыл мурун октагондо кезигишкен.БИШКЕК, 22-янв. — Sputnik. UFC 257 турниринин алдында атактуу ирландиялык мушкер Конор Макгрегор менен америкалык Дастин Порье көз караштар таймашын өткөрүштү. Видео уюмдун расмий Instagram баракчасына жүктөлдү.
Посмотреть эту публикацию в Instagram
Видеодон Конор Дастинге сес көрсөтүмүш болгону менен акырында экөө тең күлүп, кучакташып, жадагалса тамалашканга да үлгүрүшкөн.
Бул иш-чара спортчулар салмакка түшкөндөн кийин уюштурулган. Таразага түшкөн Макгрегор адатынча кыйкырып алганын көрүүгө болот.
Посмотреть эту публикацию в Instagram
Арадан алты жыл өткөндөн кийин алар чыныгы такшалган мушкер катары кайра беттешип жатышат. Жеңүүчү жеңил салмактагы чемпиондук наамга башкы талапкер болот. Ошондуктан утуп чыгуу экөө үчүн тең өтө маанилүү.