(1:32 / 87.27Mb / )

Миңдеген смартфондор. 30 млн. сомдук контрабанданын кармалышы видеодо

519
(жаңыланган 20:26 03.05.2018)
УКМКнын Коррупцияга каршы күрөшүү кызматы Жалал-Абадда 30 миллион сомдук контрабандалык товарды кармаган.

Комитет Мамлекеттик бажы кызматынын Түштүк-батыш бажысынын кызматкерлери тарабынан кызмат абалынан кыянаттык менен пайдалануу фактысын аныктап чыккан.

Тийиштүү документтери жок дүйнөлүк маркалардын продукциясы жүктөлгөн унаа 27-апрель күнү кармалган.

Видеодо машинанын бортун ачып, уюлдук телефондор салынган таңгактар табылганын көрүүгө болот. Телефондор коробкада эмес, пакетке оролуп турганы байкалат.

Товардын болжолдуу баасы 30 миллион сом экени аныкталды.

Аталган факты боюнча Кылмыш жаза кодексинин 304 (Кызмат абалынан кыянаттык менен пайдалануу), 315 (Документтерди жасалмалоо) жана 204-берене (Контрабанда)  боюнча кылмыш иши козголгон.

Ушу тапта тергөө иштери жүрүп жатат.

519
Белгилер:
контрабандалык жүк, Мамлекеттик бажы кызматы, УКМК, Жалал-Абад облусу
Тема боюнча
Кыргызстандын түштүгүндө аткезчиликтин каналы аныкталды
Баткенде чек ара сызыгынан ыргытылган 28 кап жезди тосуп алгандар кармалды

Финполдун тергөөчүсүнө 250 миң сом пара берип жаткан адам кармалды. Видео

74
(жаңыланган 13:35 03.12.2020)
Экономикалык кылмыштарга каршы күрөшүү кызматы Ысык-Көл облусунда кызмат адамына 250 миң сом өлчөмүндө пара берип жаткан адамды кармады.

Финполдун маалымат кызматынын билдиришинче, 1-декабрда Т.А. аттуу жаран кылмыш иши боюнча маселени өзүнүн пайдасына чечүүгө аракет кылып, тергөөчүгө ири өлчөмдөгү пара берип жаткан жеринен колго түшүрүлгөн.

Сотко чейинки өндүрүштүн материалдары Жазык кодексинин 328-беренеси ("Пара берүү") менен Кылмыш жана жоруктардын бирдиктүү реестрине катталган.

Ал эми кармалган адам Каракол шаардык ички иштер бөлүмүнүн убактылуу кармоочу жайына киргизилип, тергөө жүрүп жатат.

74
Белгилер:
тергөө, кармоо, пара берүү, финансы полициясы
Тема боюнча
"Кадастрдын" директору Абдумуктар Маматов коррупцияга шектелип кармалды. Сүрөт
Бука сатып берем деген. Ошто элди 1,5 млн. сомго алдап кеткен адам кармалды

Каракчылыкка шектүүнү Бишкекте спецназ кармады. Видео

489
(жаңыланган 23:09 02.12.2020)
Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, ири суммадагы акчаны алып кетишкен.

Бишкекте Криминалдык милициянын кызматкерлери спецназ жоокерлери менен биргеликте мыкаачылык менен кол салууга шектелген жаранды кармашты.

Кармоо учурундагы видеону Бишкек ШИИБинин маалымат кызматы жарыялады.

Маалыматка караганда, 8-октябрь күнү "Жер ынтымагы" конушундагы үйлөрдүн бири каракталган. Жабырлануучу аялдын айтымында, белгисиз адамдар үйгө кирип келип андагыларды ур-тепкиге алган. Ал эми жолдошун байлап салып, 5 500 доллар, 150 миң сом жана 60 миң сомдук алтын буюмдарды уурдап кетишкен.

Жазык кодексинин 202-беренесине (“Каракчылык”) ылайык сотко чейинки өндүрүш башталган.

Жыйынтыгында 32 жаштагы шектүү кармалып, убактылуу кармоо жайына киргизилди.

489
Белгилер:
шектүү, каракчылык, милиция, Бишкек
Тема боюнча
Уюшкан кылмыштуу топтун эки мүчөсүн кармаган видео жарыяланды
Экс-премьер-министр Кубатбек Боронов. Архив

Бороновдун жардамчысы: экс-премьер реанимацияда эмес

4
(жаңыланган 13:54 03.12.2020)
Буга чейин саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан.

БИШКЕК, 3-дек. — Sputnik. Экс-премьер-министр Кубатбек Боронов коронавирустан дарыланып, реанимацияда эмес кадимки палатада жатат. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Буга чейин саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан.

Турдумамбетовдун айтымында, Бороновго коронавирус деген диагноз коюлган. Ал эми анын пневмонияга кабылганы туурасында маалыматы жок экенин белгиледи.

Экс-премьер учурда стационарда, абалы туруктуу.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

4
Белгилер:
реанимация, оорукана, пневмония, коронавирус, Кубатбек Боронов
Тема боюнча
Чүй менен Бишкекте азайбай койду. Коронавирус боюнча соңку маалымат