Лейлек районунда өзгөчө кырдаал жарыяланды. Селдин видеосу

685
(жаңыланган 15:58 14.05.2018)
Куткаруучулар селдин кесепеттерин жоюуда.

Баткен облусунун Лейлек районунда жүргөн селден улам өзгөчө кырдаал киргизилди. Бул тууралуу ӨКМдин маалымат кызматы билдирди.

Эске салсак, 13-майда нөшөрлөп жааган жамгырдан улам суу көтөрүлүп, үйлөрдү каптаган.

Чимген айылында 15 үйдүн короосуна суу кирген. Ошондой эле сел "Ак-Чайыр" балдар интернатынын короосун каптаган. Куткаруучулар жаратылыш кырсыгынын кесепетин жоюуда.

Ал эми Ак-Суу айылында сел жети бодо малды агызып, эки зым карагайды кулаткан. Бактыга жараша, эч ким жабыркаган эмес.

Исфана шаарында бир үй жабыркаган. Андан сырткары Ак-Суу, Чоюнчу жана Жаркыштак айылдарында жарык өчтү.

685
Белгилер:
Баткен, Лейлек району, ӨКМ, сел
Тема боюнча
Лейлек районунда катуу сел жүрдү. Видео
Сайга кулаган бензовоз, сордурулган солярка. Лейлектеги кырсык

Хабиб Нурмагомедов Бишкекте маалымат жыйынын өткөрдү. Видео

66
(жаңыланган 19:01 04.08.2021)
Хабиб Нурмагомедов Кыргызстанга экинчи ирет келди. Алгачкы жолу UFC чемпиону Бишкек шаарына үч жыл мурда келип кеткен эле.

Мушкер Хабиб Нурмагомедов Бишкекте маалымат жыйынын өткөрдү. Ал кечээ Чолпон-Ата шаарында Eagle Fighting Championship (EFC) лигасынын мелдешине кадырлуу конок катары катышкан.

Бул Нурмагомедовдун Кыргызстанга экинчи ирет келиши. Биринчи жолу ал Кыргызстанга 2018-жылы келген. Анда дагы маалымат жыйынын өткөрүп, күйөрмандардын суроолоруна жооп берген.

66
Белгилер:
Хабиб Нурмагомедов, Кыргызстан, маалымат жыйын, видео
Тема боюнча
Нурмагомедов келген көл жээктеги Eagle FC турнири. 17 сүрөт
Бусурманкулдун нокауту жана ага Хабибдин берген кеңеши. Видео

Бүйүр кызытып... Хабиб Нурмагомедовдун Чолпон-Атадагы турнири видеодо

888
(жаңыланган 05:07 04.08.2021)
Кыргызстанда Хабиб Нурмагомедов өзүнүн Eagle Fighting Championship (EFC) лигасынын турнирин өткөрдү. Мелдеш 3-августта Чолпон-Атадагы ипподромдо болду.

UFC уюмунун экс-чемпиону өткөргөн турнирде кыргызстандык спортчулар Россия, Казакстан жана Өзбекстандан келген мушкерлер менен күч сынашты. Анда өлкө атынан Александр Федосеев, Данияр Бабакулов өңдүү белгилүү мушкерлер катышып, жеңишти камсыздады.

Ал эми кеченин башкы беттешинде кыргызстандык Бусурманкул Абдибаит уулу менен россиялык чемпион Руслан Яманбаев таймашты. Кармаштын экинчи раундунда Абдибаит уулу атаандашын техникалык нокаут менен жеңип, EFC уюмунун 65 килограмм салмактагы чемпиону болду.

Чемпиондук курду турнирге конок болуп келген Хабиб Нурмагомедов өзү такты.

888
Белгилер:
Кыргызстан, Хабиб Нурмагомедов, EFC, видео
Тема боюнча
Бусурманкулдун нокауту жана ага Хабибдин берген кеңеши. Видео
Көлгө келген Хабиб: эртең Олимпиадада алтын алышыңарга тилектешмин
Алексей Федосеев Хабибдин турниринде атаандашын муунтуу ыкмасы менен жеңди. Сүрөт
Аткаминерлер. Архив

Бишкектин мэринин милдетин аткаруучу өзүнө кеңешчи жана аппарат башчысын дайындады

0
(жаңыланган 21:15 04.08.2021)
Жаңы дайындалган аппарат жетекчи буга чейин өкмөттүн Талас облусундагы ыйгарым укуктуу өкүлүнүн аппаратынын жетекчиси, Экологиялык жана техникалык коопсуздук боюнча мамлекеттик инспекциясынын директору болуп иштеген.

БИШКЕК, 4-авг. — Sputnik. Бишкек мэриясында кадрдык өзгөрүүлөр болуп, эки кызматка жаңы адамдар келди.

Муниципалитеттин маалымат кызматы билдиргендей, Мырзабек Жыпаркулов борбордук аппараттын жетекчиси болуп дайындалды. Буга чейин ал өкмөттүн Талас облусундагы ыйгарым укуктуу өкүлүнүн аппаратынын жетекчиси, Экологиялык жана техникалык коопсуздук боюнча мамлекеттик инспекциясынын директору болуп иштеген. Аппараттын жаңы башчысы Талас облусунун тургуну.

Директор Государственной инспекции по экологической и технической безопасности при Правительстве Кыргызской Республики (ГИЭТБ) Мырзабек Жыпаркулов во время визита к президенту. 12 июня 2020 года
© Пресс-служба президента КР / Султан Досалиев
Муниципалитеттин маалымат кызматы билдиргендей, Мырзабек Жыпаркулов борбордук аппараттын жетекчиси болуп дайындалды

Ал эми Бишкек шаарынын мэринин кеңешчиси болуп Азамат Абсаттаров дайындалды. Буга чейин ал Ош шаарынын мэринин маалымат катчысы эле.

Тиешелүү буйруктарга борбор калаанын мэринин милдетин аткаруучу Таалайбек Сарыбашов кол койгон.

0
Белгилер:
Бишкек, мэр, кеңешчи, аппарат, жетекчи, дайындоо
Тема боюнча
Сарыбашов ишке киришери менен Бишкек мэриясында иштеген уулун жумуштан алды
Бактыбек Кудайбергенов президенттин иш башкаруучусу болду