Ак-Талаада көпүрө урап, балдарын көтөргөн эл Нарын дарыясын кечип өтүүдө. Видео

2028
(жаңыланган 10:29 15.05.2018)
Көпүрөнүн урап калышына Түндүк — Түштүк альтернативалык жолун курууда унаалар ашык жүк менен өткөнү себеп болгонун айылат.

Ак-Талаада Нарын дарыясынын үстүнө курулган унаалар өтчү көпүрө урап, беш айыл өкмөттүн эли райондун борборуна каттай албай калды. Бул туурасында Sputnik Кыргызстан агенттигине Куртка айылынын тургуну Аманбай Кадыркулов билдирди.

Анын айтымында, бул Ак-Талчат — Казарман унаа жолундагы көпүрө 1964-жылы курулуп пайдаланууга берилген. Эми аны суу жууп кеткендиктен көпүрөнүн ары жагында Жогорку Май, Тоголок Молдо, Куртка, Ак-Кыя, Казарман айыл өкмөттөрү калган.

Бишкектеги айланма жолдогу аң-чөнөктөргө таш төгүлүүдө. Видео
© видео очевидца, отправленное по Whats App-каналу
"Түндүк — Түштүк альтернативалык жолун куруп жаткандардын унаалары 40 тоннадан ашык жүк менен ушул көпүрөдөн өтүшүнүн кесепетинен былтыр апрель айында ортосундагы бир түркүгү чөгүп, кыйшайып калган. Анан жеңил унаалар гана өтүп калды. Кийин ал да токтотулуп жөө каттап калганбыз. Кечээ суунун деңгээли көтөрүлүп баарын жууп кетти. Эми же ары же бери өтө албай айлабыз кетүүдө", — деди жергиликтүү тургун.

Өткөн жылы бул көпүрөнү куруу боюнча тендерден жергиликтүү компаниялардын бири утуп, куруу иштерин баштаган. 

"Курулушчулардан сурасам "акча жок иш жүрбөй жатат" дешти. Бул жерге президент Сооронбай Шарипович келгенде 50 миллион сом бөлүнгөнүн айтып, тез арада курулуп бүтөрүн билдирген. Бул көпүрө менен Ак-Талаа районуна бир саатта жетчүбүз. Азыр Нарын аркылуу айланып барсак аралыгы 400 чакырымдан ашат. Нарындын өзүнө барабыз десек эки саат жол жүрүшүбүз керек", — деди Кадыркулов.

Ошондой эле ал учурда элдин тиричилиги бир топ кыйындай түшкөнүн белгилеп, эгер бирөө-жарым ооруп калса ооруканага жеткирүү да машакат болот деп чочулап турган чагы.

Видеодон эркек кишилер жээкте турган жаш баланы, буюм-тайымдарын жонуна көтөрүп суу кечип өтүп жатканын көрүүгө болот. Алар дарыянын аркы бетине барып жарым бөлүгү калган көпүрөнүн үстүнө шаты менен чыгып жатышат.

2028
Белгилер:
курулуш, көпүрө, Ак-Талаа району
Тема боюнча
Эмне деген акча! Түп — Кеген жолун курууда 51 млн. сом жок болуп кеткен
Жолдор го жабылды, оңдоо иштери эмнеге баштала элек? Адистин жообу

АКШ Россияны "талиптер менен байланыш" үчүн опузалады. Ал эми ТИМ далил сурады

95
(жаңыланган 16:46 14.08.2020)
АКШнын мамлекеттик катчысы Майк Помпео эгерде талиптер менен байланыш аныкталып калса, Россияга анын баасын өтө кымбат төлөгөнгө туура келет деп опузалады.

Окуя Россия Афганистандагы террорчуларга америкалык аскерлерди өлтүргөнгө акча төлөйт деген маалыматты июнда The New York Times гезити жазып чыкканда башталган. Макалада эч кандай факты келтирилген эмес. Болгону куру сөздөр айтылган. Алар атайын кызматтын аталбаган маалымат булагынын айтканына негизделген. Россия ТИМи The New York жазган макала карандай калп экенин айтып, АКШдан далил талап кылды.

"Тезинен аткаруу зарыл": АКШ Россияны эмнеге жазалагысы бар?

Америкалыктар мындай олуттуу билдирүү менен эмнени жашырганы, дегеле Россияны террорчулар менен байланыштыруу Трампка жардам бере алар-албасын биздин видеодон көрсөңүз болот.

95
Белгилер:
күнөө, талиптер, Россия, ТИМ, Афганистан, АКШ
Тема боюнча
АКШнын чалгын кызматы Россиянын талибдер менен "жакындыгын" төгүндөдү
Афганистанда бир нече теракт болуп, анын жоопкерчилигин "Талибан" алды. Видео
Афганистанда 20 киши набыт болду. "Ислам мамлекети" түрмөгө чабуул койду

Хабиб Нурмагомедовдун беттеш алдындагы маалымат жыйыны видеодо

191
(жаңыланган 16:21 14.08.2020)
UFC уюмунун жеңил салмактагы чемпиону Хабиб Нурмагомедов Gorilla Energ командасынын пландары жана алдыдагы беттеши тууралуу айтып берет.

Жеңил салмактын чемпиону Хабиб Нурмагомедов америкалык Жастин Гэтжи менен беттешке чыгат. Гэтжи 9-майда мекендеши Тони Фергюсонду уткандан кийин россиялык мушкерге башкы атаандаш болгон.

Аралаш мушташ спортунда 31 жаштагы Гэтжи 22 ирет жеңишке жетип, эки жолу утулган. Ал эми анын атаандашы Нурмагомедов 28 жолу октагонго чыгып, жеңилип көрө элек.

191
Белгилер:
беттешүү, UFC, Хабиб Нурмагомедов
Тема боюнча
Шайтан алгыр! Сен-Пьер аны Нурмагомедов менен беттештирүү боюнча үн катты
Океанга чөктүрөм. Хабиб атаандашы Гэтжиге "тап берди"
Жайлоодо мал кайтарып жүргөн киши. Архивдик сүрөт

Ишембиге карата аба ырайы

0
(жаңыланган 21:01 14.08.2020)
15-августта түнкүсүн Ош облусунун тоолуу райондорунда өткүн өтүп, күн күркүрөйт. Ал эми республиканын калган аймактарында күн ачык болот.

БИШКЕК, 14-авг. — Sputnik. Эртең күндүз өлкөнүн айрым аймактарында маал-маалы менен жамгыр себелеп, күн күркүрөйт. Чүй, Ош жергесинин дыйканчылык аймактарында жана Талас, Жалал-Абад, Баткен облустарында жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, батыштан соккон шамалдын ылдамдыгы секундасына 4-9 метрден күндүз кээ бир райондордо 15-20 метрге жетет.

Окумуштуулар: жакында ысыктын айынан сыртта иштөө мүмкүн болбой калат

Абанын температурасы Чүй өрөөнүндө +29...+34, Талас жергесинде +26...+31, Ош, Жалал-Абад, Баткен облустарында +30...+35, Ысык-Көлдө +22...+27 жана Нарын аймагында +21...+26 градус болору айтылды.

Күндүн табы Бишкекте +32...+34, Ош шаарында +31...+33, ал эми Чолпон-Атада +22...+24 градуска чейин жетет.

0
Белгилер:
аба ырайы, Кыргызстан
Тема боюнча
Ачка калбайбызбы? Кыргызстанда канча түшүм жыйналды