(2:10 / 16.32Mb / )

Дарбаза басып калган баланын энеси: уулумдун акыркы мүнөттөрүн видеодон көрдүм

1394
(жаңыланган 09:50 25.06.2018)
13-июнь күнү Бишкекте 11 жаштагы баланын үстүнө футбол дарбазасы кулап кетип, ал ошол жерден жан берген.

Футбол дарбазасы басып калып каза болгон баланын апасы Нестан Исабекова кырсык алдында уулу өзүнөн бери дегенде 10-12 жаш улуу адамдар менен ойноп жатканын айтты.

"Кеч курун мага кошунанын баласы чуркап келип, Аландын үстүнө дарбаза кулап кеткенин айтты. Биринчи футбол талаасына чуркап барып, андан кийин баламды алып кетишкен ооруканага жөнөдүм. Бул ортодо кылым өтүп кеткендей сезилди. Анан мага уулум көз жумганын кабарлашты", — деди Исабекова.

Анын айтымында, баласы менен ойноп аткан кишилер дарбаза кулагандан кийин ага жардам берүү үчүн эч кандай аракеттерди көрүшкөн эмес.

"Видеодо Алан ойноп жаткан жер көрүнгөн жок. Болгону жанындагыларды көрүүгө болот. Алар көпкө чейин топ тепкилеп туруп, бир маалда кулаган дарбаза жакка чуркап кетишет. Мен кийин күбөлөр менен сүйлөшүп көрсөм, алар баланын үстүнө кулаган дарбазаны көтөрүп коюп, андан ары тез жардам чакыргандын ордуна басып кетишиптир. Адамгерчилик деген кайда? Видеодо балам басып келип, оюн талаасына кирген учурлар тартылып калыптыр. Жашоосунун акыркы мүнөттөрүн мен видеодон гана көрүп калдым", — деди каза тапкан баланын энеси.

Маркумдун туугандарынын айтымында, дарыгерлер тестиер кырсык болгон жерде мүрт кеткенин айтышкан.

Аталган факты боюнча Ленин районунун ички иштер бөлүмү кылмыш иши козгогон.

Иликтөө иштери уланып жатат.

1394
Белгилер:
дарбаза, өлүм, бала, Бишкек
Тема боюнча
Футбол дарбазасы басып каза болгон бала. Милиция иш козгоду
Бишкекте кулап кеткен футбол дарбазасы башына тийген бала каза тапты

Минск: ОМОН жоокерлери менен митингчилердин кагылышкан учуру. Видео

313
(жаңыланган 03:04 10.08.2020)
Нааразычылык акциясы президенттик шайлоо аяктаары менен башталган. Шайлоонун алдын ала жыйынтыктарына нааразы болгон жүздөгөн адамдар Минск шаарынын борборун көздөй агылган. Аларга ОМОН отрядынын жоокерлери каршы турууда.

Эки тараптын кагылышуусунун видеосу Белоруссиянын TUT.BY. порталына жарыяланды.

Митингге чыккандарды таратуу үчүн милиция көздөн жаш чыгаруучу газ жана кулак тундуруучу гранаталарды колдонушкан.

Минскидеги акциянын катышуучуларын кууп таратышууда, жабыркагандар бар. Видео

Милиция кызматкерлери агылган митингчилердин жоон тобунан бир нече жолу артка кетенчиктешкен.

Эске салсак, Борбордук шайлоо комиссиясы президенттик шайлоонун алдын ала жыйынтыгын чыгарган. Азыркы мамлекет башчы добуштардын 82 пайызын алгандыгы айтылган. Дагы бир талапкер Светлана Тихановская сегиз пайыз алган.

313
Белгилер:
видео, митинг, президенттик шайлоо, Минск, Белоруссия
Тема боюнча
Президенттик шайлоодон соң Минскидеги акциянын катышуучуларын кууп таратуу. Баяндама

Тоголото чаап, эсин оодарып... UFC Vegas 6 беттешиндеги сестенткен учурлардын видеосу

158
(жаңыланган 23:23 09.08.2020)
Бүгүн таңда АКШнын Лас-Вегас шаарында UFC уюмунун Vegas 6 мелдеши жыйынтыкталды. Мелдештеги башкы кармаш оор салмактагы мушкерлер АКШлык Деррик Льюис менен россиялык Алексей Олейниктин беттеши болду.

Мындан сырткары, бири экинчисин жыга коюп, аеосуз сабаган жана катардагы карддардагы беттештер өттү.

Мелдештин урунттуу учурларынан видео тасманы UFC Russia уюму өзүнүн Youtube каналына жарыялады.

Тепкилей берип жанын көзүнө көргөздү. ММА мушкерлеринин беттешинин видеосу

Мелдештин башкы беттешинде оор салмактагы мушкер (120 килограмм) Деррик Льюис Удав каймана аты менен таанымал россиялык Алексей Олейникти экинчи раундда нокаутка кетирип, жеңип алды.

158
Белгилер:
нокаут, мелдеш, UFC
Тема боюнча
UFC: бирин-бири аябай... Жарым жеңил салмактагы дивизиончулар беттешкен видео
Ооруканадагы дарыгерлер. Архив

COVID-19га күзүндө кабылгандар дартты оор көтөрүшү мүмкүн. Эксперттин пикири

0
SARS-CoV-2 күзүндө грипп, парагрипп жана буга чейин салыштырмалуу зыянсыз деп айтылган коронавирустар менен айкалышса кандай натыйжа болору азырынча белгисиз.

БИШКЕК, 10-авг. — Sputnik. Санкт-Петербургдагы Пастер атындагы Эпидемиология жана микробиология илим-изилдөө институтунун директору, академик Арег Тотолян коронавируска күзүндө кабылгандар буга чейин ооруп айыккандарга караганда бир топ кыйналышы мүмкүн экенин "Известия" басылмасына маек куруп жатып айтты.

Анын пикиринде, вирус жайылган маалда катуу обочолонгондор инфекцияны кандай кабыл аларын айтуу кыйын. Анын үстүнө SARS-CoV-2 күзүндө грипп, парагрипп жана буга чейин белгилүү болгон жана салыштырмалуу зыянсыз делген коронавирустар менен айкалышса кандай натыйжа болору да белгисиз.

Тыным албай көзөмөлдөгүлө. ДССУ эксперттери пандемия дагы көпкө созуларын айтты

"Сезондук инфекциялык илдеттер COVID-19 менен айкалышканда эмне болорун, абал курчуйбу, же тескерисинче антитело кадимки коронавирустан жакшы коргоно алабы, азырынча биз буга илимий негизде жооп берүүгө даяр эмеспиз", — деди академик.

Тотолян ошондой эле Роспотребнадзордун башчысы Анна Попованын сөздөрүн мисал келтирип, ал мурдагы жылдарга караганда эмдөө жүргүзүлбөгөн тумоонун башка түрлөрү таралышы мүмкүн экендигин эскертти.

Муну менен академик өлкө боюнча обочолонуу режимин киргизүү зарылдыгын айтууда. Ал илдет катталган гана аймакта жерди чектөө чарасын колдонуу жетиштүү болорун белгиледи.

0
Белгилер:
инфекциялык оору, күз, бейтап, оору, агым, коронавирус
Тема:
Дүйнөгө жайылган коронавирус
Тема боюнча
Россияга Кыргызстандан жөнөтүлгөн вирустар изилденип бүттү. Күтүүсүз жыйынтык