(1:59 / 13.98Mb / )

Кандаштар Памирге кайткан себебин айтышты. Сапар алдындагы видео

6156
(жаңыланган 20:53 06.07.2018)
Нарында жашап жаткан Памир кыргыздарынын ичинен 18и Бишкектен Афганистанды көздөй 6-июлда жол тартат. Бүгүн алар Бишкек шаарына келип түштү.

Миграция кызматынан кайрылмандар жана качкындар менен иштөө бөлүмүнүн башчысы Жыпара Мамбетова кыргыз өкмөтү аларды Тажик-Афган чек арасына чейин жеткирерин айтты.

Сапарга чыккандардын жана өкмөт мүчөлөрүнүн айтымында, каникул учурунда өздөрүнүн тууган-уруктары менен учурашып күздө кайра келүү.

Афганистанга жол тарткандардын арасында бир нече үй-бүлө жана 6 жашка чейинки эки кичинекей бөбөк бар.

Учурда Нарында Памирлик 49 киши жашайт. Алгач, 33үн кыргыз өкмөтү Афганистандан 13-октябрда Улуу жана Кичи Памирден 33 адамды алып келип, Нарынга жайгаштырган. Кийин 2018-жылы жазга жуук дагы бир нече адам келген.

"Буюрса, 6-июлда жолго чыгалы деп турабыз. Каникул учурунда өздөрүнүн тууган-уруктары менен учурашып күздө кайра келүүнү пландап жатышат. Алар жаздан баштап эле ушундай ниетин билдиришкен. Кыргыз өкмөтү бул сунушту колдоду. Биз аларды Тажикстан-Афганистан чек арасына чейин жеткиребиз. Тажикстандан тоскоолдуксуз өтүү боюнча атайын сүйлөшүүлөр жүргүзүлдү", — деди Мамбетова.

Памир кыргыздарын Миграция жана Чек ара кызматынын, Саламаттыкты сактоо, Өзгөчө кырдаалдар министрлигинин кызматкерлери коштоп барышат.

Афганистанга кетип жаткандарды кепке тартканыбызда Сардарвали Садырла уулу анткен менен кайтып келип, жогорку окуу жайга тапшырсам деген ниетин билдирди.

"Келгенибизге тогуз ай болду. Памирде калган ата-энебизди көрүп, абалын сурап келсек деген ниет менен жөнөдүк. Күздө келип окуубузду улантсак, барып — келип каттап турсак деген пикир бар. Тогуз бир тууганмын, кичүү инилеримди алып келип, алар да билим алса деген ниетим бар", — деди Сардарвали Садырлла уулу.

Буга чейин бир катар жалпыга маалымдоо каражаттары Памир кыргыздарынын айрымдары кайра артка, Афганистанга кетүүгө камданып жаткандыгын кабарлаган. Журналист этникалык кыргыздардын бири ижарага алып жашаган үйдөн ээси чыгып кетүүсүн талап кылганын жана кой кайтарткан киши акысын жеп, 5000 сомун бербей койгондугун жазган. Бул маселени журналисттерге айтып берген памирлик кыргыз учурда Нарын шаарында жашап жатат.  

 

Буга жооп катары өкмөттүн Нарын облусу боюнча ыйгарымдуу өкүлү Айнура Дүйшөк кызы социалдык тармакка жазган.

6156
Белгилер:
Памир кыргыздары, этникалык кыргыздар, Мамлекеттик миграция кызматы, Нарын облусу, Афганистан, Тажикстан
Тема:
Памирлик кыргыздар (82)
Тема боюнча
Памир кыргыздарынын тилеги, сүйүүсү жана калыңы. Боордоштордун ыймандай сыры
Памирден келген кыргыздарды Нарын эли тосуп алышты
Ак жоолукчан памирлик келин Ширинбү. Макияжга чейин жана андан кийин
Бишкектин "Ала-Тоосун" көрүп таң калган памирлик кыргыздардын видеосу

Димаштын сагынычы... Ырчы пандемиядан кийин кезектеги шедеврин тартуулады. Видео

168
(жаңыланган 21:06 05.12.2020)
Казакстандын дүйнөгө таанымал ырчысы Димаш Кудайберген коронавирус пандемиясынан берки топ жарган ырын жарыкка чыгарды.

"Я скучаю по тебе" аттуу жаңы ырын Москвадагы "Жаңы жылдык көгүлтүр оттун" видео жаздыруусунда аткарган. Анын автору композиторлор Игорь Крутой менен Игорь Николаев.

ЖМКлар Димаш туура тогуз айдан соң сахнага кайтканын жазышты. Анын чыгармасын бир күндө эле 45 миңден ашуун киши укккан.

168
Белгилер:
чыгарма, ыр, Димаш Кудайберген, Казакстан
Тема боюнча
Эркектей болуп ырда! Димаш бала кезинде шылдыңга кабылганын айтып берди

Токтоо тартып, окуяга сүңгүп кирип... Үмөттүн манас айткан видеосу

69
(жаңыланган 19:24 05.12.2020)
Жумурай журтка таанымал жаш манасчы Үмөт Дөөлөтов Sputnik агенттигине Семетейдин Таласка келип Бакайга жолуккан жеринен үзүндү айтып берди.

Үмөт бул өнөр менен эл алдына 3,5 жашында чыгып, Кыргызстандагы эң кенже манасчы атка конгон. Айрым илимпоздор аны 7 жашында кичинекей гений деп аташкан. Ал эми 9 жашында "Маданияттын мыкты кызматкери" төш белгиси тапшырылган.

Ал редакцияга берген маегинде акыркы кезде эмне менен алектенип жүргөнүн, жаштардай интернетке көп кирбей турганын, режиссёр болсо Саякбай манасчы тууралуу тасма тартарын айтып, кичирээк чакта эсте калган учурлары жөнүндө кеп кылды. Кененирээк Sputnik даярдаган интервьюдан окуй аласыз

69
Белгилер:
Талас, Семетей, өнөр, манасчы, Манас, Үмөт Болот уулу
Тема боюнча
Саякбай манасчы жандай көргөн "Карачологу" менен. Таберик сүрөт
Табият кырсыгынан тарта манасчы Дөөлөт жана дрондор шоусуна чейин. Апта ирмеми
Мурдагы премьер-министр Кубатбек Боронов. Архивдик сурөт

Коронавирус жуктурган Боронов реанимацияда, бирок абалы туруктуу

0
(жаңыланган 00:14 06.12.2020)
Буга чейин эле Бороновдун реанимацияда дарыланып жатканы айтылып, бирок экс-өкмөт башчынын жардамчысы маалыматты четке каккан.

БИШКЕК, 6-дек. — Sputnik. Мурдагы премьер-министр Кубатбек Боронов реанимациялык блокто жатат, бирок анын абалы туруктуу жана өмүрүнө коркунуч жок. Бул тууралуу Sputnik кабарчысына мурунку өкмөт башчынын жардамчысы Руслан Турдумамбетов кабарлады.

Эске салсак, буга чейин эле 3-декабрда саламаттык сактоо тармагындагы ишенимдүү адамдар Бороновдун абалы канааттандырарлык экенин, бирок реанимацияда дарыланып жатканын айтышкан. Бирок анда Турдумамбетов Боронов коронавирустан дарыланып, реанимацияда эмес кадимки палатада жатканын билдирген.  

"Кубатбек Айылчиевичке коронавирус диагнозу коюлган, сатурациясы жакшы, дене табы 36,5-37 градус. Өмүрүнө эч нерсе коркунуч келтирбейт. Ал жандандыруу бөлүмүндө, бирок абалы туруктуу. Мен аны менен бүгүн сүйлөштүм, бардыгы жакшы", — деди Турдумамбетов.

Ал 23:00гө чукул эле сүйлөшкөнүн белгиледи.

Эскерте кетсек, Боронов өкмөттү 2020-жылдын июнь айынан тарта жетектеген, ага чейин вице-премьерликти аркалаган. Октябрь окуяларынан кийин отставкага кеткени маалым.

0
Белгилер:
реанимация, абал, оору, коронавирус, Кубатбек Боронов
Тема:
Коронавируска байланыштуу Кыргызстандагы кырдаал
Тема боюнча
Сооронбаев: сасык тумоо менен коронавирусту айырмалоо өтө кыйын экен