(2:14 / 17.70Mb / )

Нарындан Жалал-Абадга жер которгон маралдар. Тарыхый видео

2146
(жаңыланган 10:59 09.07.2018)
Жаратылыш коругунда багылган тогуз марал Жалал-Абад облусунун Аксы районундагы Авлетим токой чарбасынын аймагына кое берилди. Мындай тажрыйба өлкөдө биринчи жолу ишке ашты. Sputnik Кыргызстан агенттиги тарыхый окуянын видеосун сунуштайт.

Маралдарды жеткирүү тобу Нарындан 24-июнда чыгып, Аксыга 26-июнда жеткен.

Кызыл китепке кирген жаныбардын санын көбөйтүүгө багытталган аракет 2016-жылы башталган. "Маралдарды Батыш Тянь-Шанга реинтродукциялоо" долбоорунун алкагында окумуштуу, эколог жана мамлекеттик кызматкерлер биргеликте иш алып барган. Анын негизинде адистер тийиштүү процедураларды аткарып, маралдарды автоунаа менен 31 саат ичинде көздөгөн жерине жеткирди.

Долбоордун жетекчиси Гамал Соронкуловдун айтымында, келечекте ал жерде көбөйгөн маралдарды башка облустарга да которуу пландалууда.

"Бизде мындай ыкма биринчи жолу колдонулуп жатат. Жалпы 31 саат токтобой 800 чакырымдай жол жүрдүк. Болгону булак, дарыялардын боюна токтоп жандыктарга суу, чөп берип жаттык. Башында негизи тик учак менен жеткирүү каралган. Эми аларды жүк ташуучу унаа менен алып баргандыктан калган акча каражатты донорго кайтарып берүүгө даяр турабыз. Келечекте мамлекеттик органдар менен акылдашып, ал жерде көбөйгөн маралдарды башка облустарга да которуу планда бар", — деди Соронкулов.

Ал ошондой эле жаныбарлар жаңы жерге көнүп калгандыгын кошумчалады.

Эске сала кетсек, 2015-жылы актер Леонардо Ди Каприонун фонду Гамал Соронкуловго 30 миң доллар бөлүп берген. Ал акчага Кызыл китепке кирген маралдарды реинтродукциялоо каралган.

2146
Белгилер:
Кыргызстан, экология, жаратылыш, марал
Тема боюнча
Леонардо Ди Каприо маралдарды Жалал-Абадга кайтарууга жардам берет
Аксыга Нарындын коругунан 10 марал жеткирилет

Ошто бүгүн мэр баштаган 25 миң адам шаарды тазалоого чыкты. Видео

66
Бүгүн Ош шаарында Бүткүл дүйнөлүк тазалык күнүнө карата ишембилик болуп өттү. Мэриянын маалымат кызматы шаарды тазалоого 25 миңден ашуун адам чыкканын билдирди.

Калаа мэри Алмаз Мамбетов баштаган мэриянын аппараты, шаардык кеңештин эмгек жамааты, шаар тургундары, мамлекеттик жана муниципалдык мекемелердин, жеке ишканалардын кызматкерлери, спортчулар, журналисттер активдүү катышкан.

Анын алкагында 2100 куб метр таштанды чогултулганы айтылды.

Шаар башчысы Навои паркынын жанындагы Абдыкадыров көчөсүндөгү көпүрөнүн тегерек-четин тазалаган.

66
Белгилер:
ишембилик, тазалоо, Ош шаары, Алмаз Мамбетов
Тема боюнча
Майрамдан кийин "Ала-Тоодон" канча таштанды чыкты. Сүрөт
Ошто Казакстан мамлекеттик университетинин филиалын ачуу каралууда

Россия Казакстандагы полигондо кезектеги ракетасын сынады. Видео

63
Россиянын Коргоо министрлиги чабуулга каршы системасына кирген кезектеги жаңы ракетасын сынады. Видео ведомствонун YouTube-каналына жарыяланган.

Иш-чара Казакстандын Сары-Шаган полигонунда болуп өттү.

"Ракета бардык мүнөздөмөлөрүнө жооп берип, мыктылыгын көрсөттү. Ал шарттуу бутага таамай тийди", — деди Аба-космостук коргонуу күчтөрүнүн Чабуулга каршы коргонуу бирикмесинин командири Сергей Грабчук.

Бул система аба-космостук чабуулдардан коргонууга багытталганы белгиленди.

63
Белгилер:
Россия, Казакстан, ракета, сыноо
Тема боюнча
Х-95 гиперүндүү ракетасы: россиялык жаңы табылганын мүнөздөмөлөрү
Кабул шаары. Архив

ЖМК: талибдер өзбек тилин расмий макамынан ажыратып салды

0
(жаңыланган 00:12 19.09.2021)
Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

БИШКЕК, 18-сен. — Sputnik. "Талибан"* кыймылы мыйзамда көрсөтүлгөн үч расмий тилдин ордуна экөөнү калтырып, башкаруунун жаңы системасы каралган убактылуу мыйзам чыгарды. Документ РИА Новостиге кыймылдагы адамдар тарабынан жөнөтүлгөнүн аталган агенттик жазды.

"Негиздер" деген аталыштагы мыйзамда Афганистандагы ханафит мазхабынын суннит исламы расмий дин болуп эсептелээри айтылат. Ал эми пушту менен дари тилдери расмий тил деп саналмакчы. Буга чейин Афганистанда түндүк провинциянын тургундары сүйлөгөн өзбек тили да расмий болуп келген. Мындан тышкары, өлкөдө басымдуу бөлүгүн хазарийлер түзгөн шиит общинасы бар.

Жаңы документке ылайык, Афганистанда ислам юристтеринин кеңеши жана жогорку кеңеш түзүлөт. Ага саясий ишмерлер, окумуштуулар жана ар провинциядан дин кызматкерлери кошулары айтылды.

Аткаруу бийлигин президент жетектейт, аны жарандар менен жогорку кеңештин мүчөлөрү шайламакчы. Добуш берүү ачык-айкын өтүшү үчүн шайлоо комиссиясы түзүлөт. Эгер мурунку бийликтин тушунда Афганистандын улуттук ассамблеясынын өкүлдөрү депутаттык кол тийбестикке ээ болсо, жаңы бийлик мындай артыкчылыкты алып салды.

Мыйзамда "британиялыктар, орустар жана америкалыктардан көз карандысыздык күнү" майрам болуп эсептелет деп жазылган.

Талибдер августтун башында активдешип, айдын орто ченинде Кабулга киришкен. Согуш аягына чыкканы жар салынып, 31-августта америкалык аскерлер толугу менен өлкөдөн чыгып кеткен.

7-сентябрда Афганистандын убактылуу өкмөтүнүн курамы жарыяланып, аны Мохаммад Хасан Ахунд жетектемей болгон. Өкмөт башчы 2001-жылдан бери БУУнун санкциясында.

Буга чейин талибдердин бийлиги менен кызматташууга Өзбекстан, Казакстан жана Кытай даярдыгын билдирген болчу.

* — Кыргызстан, Россия жана башка бир катар мамлекеттерде тыюу салынган уюм.

0
Белгилер:
Афганистан, 'Талибан' кыймылы, тил, макам, Өзбекстан, Казакстан, Кытай, мыйзам, документ
Тема:
Афган бийлиги менен талибдердин тиреши
Тема боюнча
Афганистандагы абал Борбор Азиянын келечегине кандай таасир этет? Пикир
Пикирлештердин саммити: ШКУнун Афганистан боюнча кадамы кандай болот