Жан көзгө көрүнөт! АКШнын өзөктүк куралдарын сынаган учурдагы видеосу

Роликтин авторлору булар кошмо штаттарда колдонулбайт деп ишенишээрин айтышкан.

Интернетке өзөктүк куралдарды сынаган учурдагы 250 видео жарыяланды. Бул туурасында "Российская газета" жазды.

Аны өзөктүк куралдарды иштеп чыккан америкалык лаборатория жарыялаган. Арасында 1955-жылдагы "Типот" операциясындагы 14 жарылуу, ошол эле полигондо 1958-жылы жасалган 37 жарылуу да жайгаштырылган. Буга кошумча интернетке 1962-жылы Тынч океанда жасалган кубаттуулугу 38 мегатонналык 31 жарылуу да жүктөлгөн.

Лабораториянын кызматкери Грег Спиггс булар кошмо штаттарда колдонулбайт деп ишенишээрин айткан.

"Кадрлар катуу таасир этет экен. Биз видеолордо бул жарылуулардын канчалык кубаттуу жана масштабдуу экендигин, эмнелерди кыйратып кетээрин көрсөткөнгө аракет кылдык", — деген ал.

Бардык видеолорду YouTube каналынан көрсө болот.

Lawrence Livermore National Laboratory 1945-1962-жыл аралыгында АКШ өзөктүк 210 сыноону өткөргөн.

Белгилер:
өзөктүк курал, видео, Тынч океаны, АКШ
Тема боюнча
Россия Ак деңизден баллистикалык төрт ракетаны учурган видео
Сирия: ракетадагы камерага бутаны жок кылган учур тартылып калган

Атаандашы 7-раунддан кийин чыкпай койду. Боксчу Акжолдун жеңиши видеодо

(жаңыланган 17:16 18.04.2021)
Эки спортчу тең мурда жеңилүү ызасын тарткандан кийин рингге чыгышкан. Кыргызстандык боксчуга жеңиш оңойчулук менен келген жок. Каршылашы менен жети раунд беттешип багындырды.

Кыргызстандык боксчу Акжол Сулайманбек уулу Екатеринбург шаарында өткөн RCC Boxing Promotions турниринде россиялык атаандашы Никита Кузнецовду утуп алды.

Аталган уюмдан Сулайманбек уулу дал ушул жеңиши үчүн бокска кайтканын белгилешти. Ал өткөн жылы март айында нокаут менен утулуп калган эле.

Кыргызстандык спортчу ар бир раунд сайын күч алып, таамай сокку уруп жатты. Жетинчи раунддан кийин Кузнецов беттешти улантуудан баш тартты.

Муну менен Сулайманбек уулунун куржунунда 16 жеңиш, бир жеңилүү бар. 2018-жылы ал Дүйнөлүк бокс ассоциациясынын версиясы боюнча Азия чемпиону болгон. Бул титулду төрт жыл катары менен сактап келет.

Белгилер:
жеңиш, беттешүү, бокс, Акжол Сулайманбек уулу
Тема боюнча
Эркин күрөштөн биринчи болуп Эрназар Акматалиев Олимпиадага лицензия утту. Видео
UFC Валентина Шевченко катыша турган мелдештин трейлерин жарыялады. Видео

Аукционго коюлду. Гүлнара Каримованын укмуш кооз эс алуу жайынын видеосу

(жаңыланган 15:34 18.04.2021)
Өзбекстандын мамлекеттик активдерди башкаруу боюнча агенттиги "Сиджак" эс алуу үйүн сатыкка койду. Аталган дача буга чейин өлкөнүн мурдагы президентинин улуу кызы Гүлнара Каримовадан конфискацияланып алынган.

Тоодо жайгашкан кычыраган дачаны көрүүгө журналисттер чакыртылган. Эс алуу жайынын видеосу жергиликтүү Kun.uz. басылмасына жарыяланды.

Курорттук зона деңиз деңгээлинен 959 метр бийиктикте Ташкент облусунун Бостанлык районунда жайгашкан. Комплекстин жалпы аянты 5,38 гектарды түзөт. Анын ичинде мейманкананын имараты, бир нече бассейн, амфитеатр, коттедж жана башка курулуштар бар.

Эс алуу жайы Каримованын мамлекетке жасаган кылмыш иштери үчүн 2017-жылы компенсация иретинде өткөрүлгөн. Кийинчерээк бул жай Триатлон федерациясына убактылуу пайдаланууга берилген.

Өзбекстандын мамлекеттик активдерди башкаруу агенттиги аукционго катышуу боюнча арыздарды 2021-жылдын 30-апрелине чейин алары айтылды.

Мындан сырткары, аукционго буга чейин Гүлнара Каримова ээлик кылган "Пойтахт" бизнес-борбору, "Ичан кала" мейманканасы жана "Бельдерсай" эс алуу жайы да коюлган.

Каримова 2015-жылы "Опузалоо" жана "Салык төлөөдөн баш тартуу" беренелери менен камалып, 2017-жылы 10 жылга эркинен ажыратылган. Кийинчерээк ага карата дагы башка кылмыш иштери козголуп, сот анын абак мөөнөтүн 13 жыл төрт айга көбөйткөн.

Соңку ирет тагылган айыпта Каримованын мамлекетке 165 миллион доллар чыгым келтиргени айтылган.

Белгилер:
аукцион, эс алуу, дача, Гүлнара Каримова
Тема боюнча
Гүлнара Каримова абактагы азап тууралуу ыр жазып, аны кызы интернетке жарыялады
Төөлөр. Архив

Кытайда төөлөр үчүн өзгөчө жол чырак орнотулду. Сүрөт

Мындай жол чырак азырынча дүйнөнүн бир да жеринде жок экени айтылды. Ал Кытайдын туристтер көп барган шаарына коюлган.

БИШКЕК, 19-апр.— Sputnik. Кытайда төөлөр үчүн өзгөчө жол чырак орнотулганын China News басылмасына таянып Sputnik Өзбекстан кабарлады.

​Маалыматка ылайык, жабдуу туристтер көп барган Дуньхуан шаарына орнотулган.

"Чет элдик саякатчылар Минша тоосуна, Могао чөлүндөгү храмдарга, Юмэнь жана Янгуань ашууларына көп барат. Бирок ал жакта төөлөр да арбын. Мындан улам эки жак бири-бирине тоскоолдук жаратпаш үчүн жол чырак коюлган", — деп жазылат билдирмеде.

Жергиликтүү бийлик белгилегендей, жол чырак кыймылдын коопсуздугун камсыз кылат жана дүйнөдө мындай жабдуулар азырынча жок.

Жол чыракта төөнүн сүрөтү жашыл болуп күйгөндө төөлөр өтөт, бул учурда туристтер токтоп турушу шарт. Төөнүн сүрөтү кызыл болгондо жаныбарлар токтоп, элди өткөрө турганы айтылды.

Белгилер:
турист, жол чырак, төө, Кытай
Тема боюнча
Токмокто "Коопсуз шаардын" камералары орнотулуп жатат. Карта