(1:27 / 11.28Mb / )

Чоң Чүй каналынан изделген бөбөк. Жеринен тартылган видео

1748
(жаңыланган 22:58 19.07.2018)
Бүгүн, 17-июлда Чоң Чүй каналы менен Ленский көчөсүнүн кесилишине бир топ адам чогулду. Ыктыярчылар менен куткаруучулар 13-июлда жоголуп кеткен Мишаны издешүүдө.

Бишкекте ыктыярчылар ӨКМдин куткаруучулары менен биргеликте алты жаштагы Мишаны издешти. Анын жакындарынын айтымында, 13-июлда жеткинчек Чоң Чүй каналына бутун жууп жатканда түшүп кеткен. Суучулдар суунун агымы менен Москва районуна чейин барган. Бирок андан жыйынтык чыкпагандыктан, ыктыярчылар куткаруучуларга жардам берүүнү чечишкен.

20га жакын ыктыярчы Чоң Чүй каналы менен Ленский көчөсүнүн кесилишине келишкен. Алардын экөө аркан менен сууга кирген.

Кийинчерээк ӨКМдин кызматкерлери келип куткаруучулар баланы бул жерден мурда эле издешкенин айтып, өтө кооптуу жер экенин түшүндүрүштү.

"Жардам бергиңиздер келип жатканын түшүнүп турабыз, бирок бул жердин агымы катуу болгондуктан агызып кетиши мүмкүн. Кечирип коюңуздар, бирок мен сууга түшүүгө тыюу салам. Бул жерде адистер, атайын жабдыктар менен иштешкен. Алар суу алдында 30-40 мүнөт жүрүп баланы таба алышкан жок. Учурда эки топко бөлүнүп, суунун жээгин карап чыгуудан башка арга жок", — деди ӨКМдин кызматкери.

Ыктыярчылар макул болуп, бирок баланы көпүрө астынан дагы бир ирет издеп көрүүнү өтүнүштү. Ошентсе да суучулдардын аракетинен жыйынтык чыкпады.

Бишкек ШИИББдин берген маалыматына караганда, аймакты Биринчи Май райондук ички иштер бөлүмүнүн кызматкерлери да текшерип жатат.

Миша футболка, джинсы чолок шым, башына кепка кийип жүргөн. Жеткинчек тууралуу маалыматы барлар (0555) 42-45-52, (0553) 42-45-52 номурларына кабарласа болот.

1748
Белгилер:
ӨКМ, Чоң Чүй каналы
Тема боюнча
Чоң Чүй каналынан алты жашар бала изделүүдө. Учурда эмне болуп жатат

Түрк футболчусу автогол киргизип, Европа чемпионатынын тарыхында калды. Видео

576
Футбол боюнча Европа чемпионатынын эң алгачкы голу оюнчу өзүнүн дарбазасына топ киргизип алышы менен башталды. Мындай жагдай чемпионаттын тарыхында биринчи жолу катталды.

12-июнга караган түнү Рим шаарында Евро-2020 старт алып, оюнду Түркия менен Италиянын курама командалары ачып берди.

Беттештин 53-мүнөтүндө Түркиянын коргоочусу Мерих Демирал өз дарбазасына гол киргизип алып, эсеп санын ачып берди. Анын каршылашы тепкен топту башы менен тосом деген аракети оңунан чыкпай калган.

Демирал Европа чемпионатында автогол киргизген алгачкы футболчу катары тарыхта калды.

576
Белгилер:
автогол, Италия, Түркия, Европа чемпионаты, футбол
Тема боюнча
Футбол: Кыргызстан Мьянманын дарбазасына киргизген голдордун видеосу

Быйыл Кыргызстанда Россия күнү алгачкы ирет масштабдуу түрдө белгиленди. Видео

87
(жаңыланган 18:18 12.06.2021)
Бүгүн борбор калаада Россия күнү белгиленип, майрам элдик оюн-зоок программасы менен шаңдуу өткөрүлдү. Чыңгыз Айтматов атындагы Орус драма театрынын алдында "Русская душа" аталышындагы фестиваль уюштурулду.

Майрамдык иш-чаранын алкагында орус элдик ырларын жана бийлерин аткарган чыгармачыл топтордун концерти, оюндар, балдар жана чоңдор үчүн викториналар болуп, жеңүүчүлөргө эстеликке сыйлыктар берилди.

Ошондой эле орус тамактарынан даам татуу, Россия элинин кол өнөрчүлүк искусствосунун көргөзмөлөрү жана жарманкелер ачылган.

"Кыргызстан менен Россиянын тарыхы бир, достук мамилеси бекем өлкөлөр. Ошондуктан биз элдик оюн-зоок стилиндеги майрам уюштурууну чечтик. Бири-биризге руханий жактан көбүрөөк аралашуу дурус, андыктан биз Карамзиндин "Мамлекеттин коопсуздугу үчүн бир гана кара күч эмес, адеп-ахлак дагы керек" деген сөзүн слоган катары алдык. Бизди бириктирип турган жан дүйнө, салт-санаа тууралуу сүйлөшкүбүз келди", — деди фестивалдын уюштуруучусу Галина Кетова.

Кыргызстанда быйыл биринчи ирет Россия күнү масштабдуу түрдө белгиленип жатканы айтылат.

Эпидемиологиялык абалга байланыштуу бардык салтанат таза абада, Бишкек, Каракол, Кант, Кара-Балта шаарларында өттү.

87
Белгилер:
фестиваль, концерт, майрам, Россия күнү
Тема боюнча
Бишкекте Россия күнү белгиленип жатат. Сүрөттөр
"Русский мир" фестивалында көк бөрү мелдеши өтөт
Жылдыздуу асман. Архив

Июндун аягында кыргызстандыктар жылдыз жааган түнгө күбө болот

0
(жаңыланган 11:18 13.06.2021)
Адатта бул түнү жылдыздардын учуусу анча көп болбойт. Анткен менен бир эле мүнөт ичинде 100дөн ашык кыймыл-аракет болгон учурлар дагы катталган.

БИШКЕК, 13-июн. — Sputnik. 28-июнга караган түнү Июнь Боотиддеринин метеордук агымы өзүнүн жогорку чегине жетет. Бул тууралуу Москва планетарийинен кабарлашты.

Россия илимдер академиясынын жана Роскосмостун космосту изилдөө институту түзгөн асмандын интерактивдүү рентгендик картасы
© Фото / Институт космических исследований Российской академии наук, Роскосмос
Адатта бул түнү жылдыздардын учуусу анча көп болбойт. Анткен менен бир эле мүнөт ичинде 100дөн ашык кыймыл-аракет болгон учурлар дагы катталган.

Жылдыздардын акыркы активдүү учканы 1998 жана 2004-жылдары байкалган. Ачык булактардагы маалыматтарга караганда, Боотиддер атмосфера аркылуу өтүп бара жатып жарылып, жарык чыгарган учурлар дагы болот.

Июнь Боотиддери — жылдыздардын 1916-жылы ачылган агымы. Жыл сайын 26-июндан 2-июлга чейин байкалат.

0
Белгилер:
аалам, июнь, учуу, жылдыз, асман
Тема боюнча
Кытай алгачкы жолу Марска космостук аппаратын кондурду