(1:41 / 11.13Mb / )

Турсунбеков Эгизбаевдин сууга түшкөн маалын камера жазып калганын айтып берди. Видео

9992
(жаңыланган 12:28 28.07.2018)
Турсунбековдун айтымында, журналист Улан Эгизбаев "Акун" пансионатына эс алып кетүүнү айтып, телефон чалып, байланышкан.

Улан Эгизбаевди мен атайылап чакырып өлтүртүп койгонсуп баары жамандап жатышат деди Жогорку Кеңештин депутаты, "Акун" пансионатынын жетекчиси Чыныбай Турсунбеков Sputnik Кыргызстан агенттигиндеги тегерек стол учурунда.

Анын айтымында, журналист Улан Эгизбаев "Акун" пансионатына эс алып кетейин деп өзү чалып, барган.

"Улан менин коногум болду. Экөөбүздүн мамилебиз жакшы болчу. Мен эми аны эс алдырганым үчүн дагы күнөөлүүмүнбү? Сиз жакка барып эс алып кетейин дегенинен колуман келген сыйымды көрсөтөйүн деп макул дегем. Эми социалдык тармактагы айрым колдонуучулар журналистти мен атайын чакырып жамандык кылгансып пикир жазып жатышат. Колуман келишинче сыйымды көрсөттүм. Аягында "Акун" пансионаты, Чыныбай Турсунбеков күнөөлүү деп жатып калышты. Кудайды карап кеп кылыш керек да", — деди эл өкүлү.

Чыныбай Турсунбеков Улан Эгизбаев сууга түшүп жаткан учуру видео байкоого алыстан түшүп калганын төмөнкүчө сүрөтөдү. Анын айтымында, видеодо пирстин оң жээгинде ойноп же сүзүп жаткан кишинин сөлөкөтү көрүнүп турат.

"Пирстин тереңирээк жагында 3-4 киши сууга секирип жатат. Астында экөө сүзүп жүрөт. Пирстин башында дагы 2-3 киши турат. Ары жакта аялдарбы, балдарбы, айтор  4-5өө жүрөт. Маңдай жакта эки караан жүрөт. Улан чабалактап жаткан жердеги сууда сүзүп өтүп жаткандар бар. Анын баары көрүнүп турат, тактаса болот. Бир маалда ошол жердегилер чуркап калды. Суудан алып чыккандан кийин эле куткаруучулар жардам көрсөтүп жатат. Окуянын видео материалында ушундай жазылган. Кичине алыстан тартылган", — деди ал.

Депутат ошондой эле көлдө чуңкурлар жакында эле пайда болушу ыктымалдыгын айтып өттү.

"Ал жакта катерлер жүрөт. Алардын мотору иштегенде суунун түбүндөгү кумду шилеп салып чуңкур пайда кылышы мүмкүн. Улан түшкөн жерде бир-эки чуңкур бар окшойт. Биз аларды текшерип, атайын белги коюп жатабыз", — деди Турсунбеков.

Эске салсак, 22-июлда Ысык-Көлдөгү "Акун" пансионатынын аймагында журналист Улан Эгизбаев сууга чөгүп каза болгон.

9992
Белгилер:
көл, пансионат, кырсык, Суу, Чыныбай Турсунбеков, Кыргызстан
Тема:
Журналист Улан Эгизбаевдин өлүмү (9)
Тема боюнча
Турсунбеков: Улан Эгизбаев сууга чөккөн маалда бир куткаруучу түшкү тамакка кеткен
Журналист Улан Эгизбаев киши колдуу болдубу? Милициянын билдирүүсү

АКШ Россияны "талиптер менен байланыш" үчүн опузалады. Ал эми ТИМ далил сурады

109
(жаңыланган 16:46 14.08.2020)
АКШнын мамлекеттик катчысы Майк Помпео эгерде талиптер менен байланыш аныкталып калса, Россияга анын баасын өтө кымбат төлөгөнгө туура келет деп опузалады.

Окуя Россия Афганистандагы террорчуларга америкалык аскерлерди өлтүргөнгө акча төлөйт деген маалыматты июнда The New York Times гезити жазып чыкканда башталган. Макалада эч кандай факты келтирилген эмес. Болгону куру сөздөр айтылган. Алар атайын кызматтын аталбаган маалымат булагынын айтканына негизделген. Россия ТИМи The New York жазган макала карандай калп экенин айтып, АКШдан далил талап кылды.

"Тезинен аткаруу зарыл": АКШ Россияны эмнеге жазалагысы бар?

Америкалыктар мындай олуттуу билдирүү менен эмнени жашырганы, дегеле Россияны террорчулар менен байланыштыруу Трампка жардам бере алар-албасын биздин видеодон көрсөңүз болот.

109
Белгилер:
күнөө, талиптер, Россия, ТИМ, Афганистан, АКШ
Тема боюнча
АКШнын чалгын кызматы Россиянын талибдер менен "жакындыгын" төгүндөдү
Афганистанда бир нече теракт болуп, анын жоопкерчилигин "Талибан" алды. Видео
Афганистанда 20 киши набыт болду. "Ислам мамлекети" түрмөгө чабуул койду

Хабиб Нурмагомедовдун беттеш алдындагы маалымат жыйыны видеодо

207
(жаңыланган 16:21 14.08.2020)
UFC уюмунун жеңил салмактагы чемпиону Хабиб Нурмагомедов Gorilla Energ командасынын пландары жана алдыдагы беттеши тууралуу айтып берет.

Жеңил салмактын чемпиону Хабиб Нурмагомедов америкалык Жастин Гэтжи менен беттешке чыгат. Гэтжи 9-майда мекендеши Тони Фергюсонду уткандан кийин россиялык мушкерге башкы атаандаш болгон.

Аралаш мушташ спортунда 31 жаштагы Гэтжи 22 ирет жеңишке жетип, эки жолу утулган. Ал эми анын атаандашы Нурмагомедов 28 жолу октагонго чыгып, жеңилип көрө элек.

207
Белгилер:
беттешүү, UFC, Хабиб Нурмагомедов
Тема боюнча
Шайтан алгыр! Сен-Пьер аны Нурмагомедов менен беттештирүү боюнча үн катты
Океанга чөктүрөм. Хабиб атаандашы Гэтжиге "тап берди"
Телефонго жүктөлгөн Telegram тиркемеси. Архивдик сүрөт

Көрүп сүйлөшсө болот. Telegram мессенджерине видеочалуу кошулду

0
(жаңыланган 10:55 15.08.2020)
Мессенджер жети жыл ичинде өзүнө 400 миллион активдүү колдонуучуну топтой алганын айтып, алардын суранычы менен видеочалууну киргизгенин билдирди.

БИШКЕК, 15-авг. — Sputnik. Telegram мессенджери жети жылдык мааракесин утурлай видеочалуу кызматын кошконун РИА Новости жазды.

Азырынча функция Android OС базасындагы смартфондордун колдонуучулары үчүн гана жеткиликтүү экендиги белгиленди.

WhatsApp жаңы функцияны ишке киргизип жатат

"2013-жылы маалыматтарды коопсуз алмаша алган анча чоң эмес тиркемени иштеп чыктык эле. Азыр эми өсүп-өрчүп, өзүнө 400 миллион активдүү колдонуучуну топтой алды. Ушул тапта эл көптөн бери суранган кызматты кошуп жатабыз. Эми катталуучулар бири-бирин көрүп дагы сүйлөшө баштайт. Жакшы жери — видео аркылуу сүйлөшүп жатып эле аны экрандан нары жылдырып коюп, чатта жазыша берсе болот. Мындан сырткары, анимациялык быйтыкчалар дагы көбөйтүлгөн", — деп жазылган мессенджердин расмий блогунда.

Ошондой эле учурда Android түзүмүнөн тышкары iOS колдонуучуларына да видеочалууну киргизүү боюнча иштер жүрүп жатканы кошумчаланды.

Мындан сырткары, жакынкы күндөрү видео аркылуу бир нече адам бир убакта кошулуп сүйлөшө алгыдай мүмкүнчүлүктөр каралып жатат.

0
Белгилер:
чалуу, колдонуучу, кызмат, Telegram
Тема боюнча
Instagram: 25 билдирүүнү дароо өчүрүүгө мүмкүнчүлүк жаралды
Telegram мессенджеринде жаңы функциялар пайда болду