(4:17 / 34.26Mb / )

Кылмыштын бетин эки саатта ачкан... Эң мыкты милиционердин баяны

2708
(жаңыланган 10:43 19.08.2018)
Болот Мурсалиев милицияда 9 жылдан бери иштеп келет. Ал Кемин РИИБнин издөө бөлүмүнүн эң мыкты кызматкери. Анын арты менен канчалаган кылмыштардын бети ачылган.

Чүй облусуна караштуу Кемин РИИБнин издөө бөлүмүнүн инспектору Болот Мурсалиевдин кадимкидей эле күнү. Ал башка кесиптештерине салыштырмалуу кылмыштын бетин тез ачкандыгы (жарым сааттан үч айга чейин) менен баалуу.

Убактысынын көбүн жумушта өткөргөндүгүнө үй-бүлөсү көнүп деле бүткөн. Бети ачылбай калган кылмыштарды жетекчилик анын мойнуна жүктөйт. Мурсалиев өз кабинетинде кылмышкерди табуу үчүн бир илинчеги жок автокырсыктарды анализдейт.

"Жумушта кармалып калганымда балдарым сагынып, күтүшөт. Бирок иштин көптүгүнөн үйдө болбогонума көнүп деле калышты. Мен жөө адамдарды коюп туруп качып кеткен айдоочулардын изине түшөм. Мындан улам ар кайсы региондорго кетүүгө туура келет", — деди Мурсалиев.

Ал ишин майын чыгара аткаргандыктан грамота, ыраазычылык кат жана жетекчилик тарабынан медалдарга татыган. тартип сакчысы Токмоктун аймагында эки адамды өлтүрө сүзгөн кылмыштын бетин бир жарым саатта ачкан.

"Өз иштерим менен эле Бишкекке жөнөп бараткам. Бишкек — Нарын — Торугарт трассасынын 58-чакырымынан топтошуп турган адамдарды көрдүм. Токтоп карасам 50 жаштар чамасындагы эки кишини белгисиз айдоочу өлтүрө сүзүп, качып кеткен экен. Ишиме берилгендиктен шаарга барып бүтүрө турган жумуштарымды унутуп, кылмышкердин изине түштүм. Бир же бир жарым саатта күнөөкөрдү токойдон таап, ишти жетекчиликке өткөрүп бердим дагы жолумду уладым. Бул үчүн грамота менен сыйлангам", — деди милиционер.

Дагы бир илинчеги жок кылмыштын бетин ачуу үчүн ага үч ай керектелген. Айдоочу адамды өлтүрө сүзүп качып кеткен. Маркумдун жанында бампердин бир нече сыныгынан башка эч нерсе болгон эмес. Күбөлөр дагы жок. Бирок тажрыйбалуу милиционер ошол сыныктардын жардамы менен унаанын үлгүсүн, түсүн аныктап, мындай унаалар Бишкекте кимге катталганын тизмектеп чыккан. Бир нече дарекке барып, кылмышкердин ким экенин аныктаган. Бирок ал Россияга чыгып кеткени маалым болгон. Мындан улам шектүүгө издөө жарыяланып, анын мекенге экстрадицияланышын ишке ашырган. Жашынып жүргөн киши камакка алынган.

Мурсалиевдин айтымында, акыр аягы айдоочуну таап аларына эч ким ишенген эмес. Анын мындай аракеттерин жетекчилик гана эмес, үй-бүлөсү дагы колдойт.

Болот Мурсалиевдин эки баласы — тогуз жаштагы уулу жана беш жаштагы кызы бар. Жубайы Ажар Сыдыкова учурда кош бойлуу. Ал балдары атасынын жолун жолдошун такыр каалабайт. Буга милиционердин жумушу өмүргө кооптуу экени себеп.

2708
Белгилер:
милиционер, кылмыш, Кемин району, Чүй облусу, Кыргызстан
Тема боюнча
Зордукчуларды алдап кеткен кыз, күйөөсүн чаап өлтүргөн аял. 90-жылдардагы кылмыштар
Милиция кызматкерлери Энелер күнүндө апаларын куттуктады. Көзгө жаш алдырган видео

Кош болуңуз, Михаил Степанович! Sputnik Кыргызстандын эскерүү видеосу

358
Sputnik Кыргызстандын азыр кабыргасы кайышып турган учуру. Себеби агенттик ачылгандан тарта иштеп келе жаткан Михаил Степанович Рогожин — биздин техникалык директор көз жумду.

Бул кабар баарыбызды селт эттирди, көптөр дагы деле ишенбей турат. Ал эми гана 51 жаштын тамагын иче баштаган. Ар дайым сергек, тамашакөй жана сабырдуу эле. Анын эми бул дүйнөдө жок экендигине ишенбей да кетесиң.

Михаил Степанович кечээ түнү үзүлдү. Эки өпкөсү пневмония болуп, Тез жардам менен ооруканага түшүп, бирок медицинанын алы жетпей калды...

Ал өмүрүнүн акыркы күндөрүнө чейин коомдук ишин таштаган жок. Facebook тармагынын Кыргызстан сегментинде "Черный список" тобун негиздеген. Июлдун башында белгисиз бирөөлөр талкалап кеткен баракчаны кайра жандандырууга аракет кылып жаткан.

Ал сураган нерсеңди айтып бере койгон, жардамын аябаган адам болчу.

Михаил Рогожин бир катар жалпыга маалымдоо каражаттарында эмгектенди. 1990-жылдын орто ченинде Бишкектеги телерадиокомпаниялардын биринде шеф-редактор болгон. Кыргыз-орус славян университетинин эл аралык журналистика кафедрасында студенттерге сабак берген.

Ошондой эле ыр жана прозаларды жазып жүрчү. Сүрөт тартуу менен да алектенчү.

Михаил Степанович кесиптештеринин эсинде чечкиндүү жана адилеттүү жетекчи, кандай маселе болбосун акылга салып чечүү жолун билген адам катары калат.

Sputnik Кыргызстан агенттиги жана радиосунун жамааты Михаил Рогожиндин жакындарына жана туугандарына терең кайгыруу менен көңүл айтат. Аза кайгысын тең бөлүшөт. Биз үчүн оор жоготуу болду.

358
Белгилер:
Sputnik Кыргызстан, Сүрөт, пневмония, оору, эскерүү, Кыргызстан
Тема боюнча
Аялдын сырттаны эле... Бүбүкан Досалиевага жазылган некролог
Sputnik Кыргызстандын техникалык директору Михаил Рогожин дүйнө салды

Чалкасынан кетти. Ханзаада менен сүйлөшүп турган кишинин жыгылган видеосу

887
(жаңыланган 08:31 13.07.2020)
Улуу Британиядагы супермаркеттердин биринде иштеген күзөт кызматынын өкүлү ханзаада Чарльз менен сүйлөшүп жатып, чалкасынан жыгылды.

The Independent гезити бул окуя Бристол шаарында болгондугун жазды. Ханзаада Чарльз менен Камилла Паркер-Боулз Asda ири дүкөнүнүн коронавирус пандемиясы учурда тыным албай иштеген кызматкерлерине ыраазылык билдирүү үчүн келген.

Кызматкер колун аркасына алып, Чарльз менен сүйлөшүп туруп, бир учурда теңселип барып, чалкасынан кеткен.

Жанындагылар ага жардамдашууга ашыкканы менен аны кармаганга үлгүрбүй калышкан.

Анткен менен киши көп өтпөй эсине келип, аны кызматкерлер эки карысынан жөлөп ары жакка жетелеп кеткен.

71 жаштагы ханзаада Чарльз коронавирустан айыкты

Бир нече убакыттан кийин анын кайрадан Чарльз менен сүйлөшүп турганын көрүүгө болот.

Маалыматта бул иш-чара чатырдын алдында өткөндүгүн, анын катышуучулары баары бир аралыкты сактап, бири-биринен оолак тургандыгын көрүүгө болот.

Кызматкердин эмнеге жыгылган себебин гезит жазган эмес.

887
Белгилер:
дүкөн, кызматкер, Чарльз Коган, ханзаада
Тема боюнча
Тыңчы, волонтёр... Ханзаада Уильямдын жашыруун иштеген кызматтары
Кызматкерлер таштандыны алып кетип жатышат. Архив

Күндүзгү стационар жана "Гансиден" чыккан таштанды кайда ыргытылат? ӨКМдин жообу

0
(жаңыланган 00:43 15.07.2020)
Социалдык тармак колдонуучулары стационарлардан, анын ичинде "Ганси" авиабазасынан чыккан медициналык таштандылар кайда ыргытыларына кызыгышкан.

БИШКЕК, 15-июл. — Sputnik. Бишкектеги күндүзгү стационар жана "Семетей" обсервациясынан (мурдагы "Ганси" авиабазасы) чыккан медициналык таштандыны жеке менчик компаниялардын бири чогултуп, ташып кетип жок кылат. Бул тууралуу ӨКМ маалымат кызматы кабарлады.

Буга чейин социалдык тармактын колдонуучулары стационарлардан, анын ичинде "Ганси" авиабазасынан чыккан медициналык таштанды кайда ыргытыларына кызыгышкан.

"Мындай иш-чаралар Республикалык штабдын тапшырмасы, Жугуштуу ооруларды алдын алуу департаменти, Санитардык жана эпидемиологиялык көзөмөл борборунун сунушу менен жүргүзүлүп жатат. "Семетей" обсервациясындагы медициналык таштандыларды чогултуу, алып кетүү жана кайра иштетүүдө санитардык-эпидемиологиялык талаптар аткарылууда", — деп айтылат маалыматта.

ӨКМ элди такталбаган маалыматты тараптоого чакырды.

0
Белгилер:
тазалоо, таштанды, ӨКМ, Кыргызстан
Тема боюнча
Бишкекте түнкү стационарлар бейтаптарды кабыл ала баштады. Сүрөт