Тоо жылып келе жаткандай! Аляскада киттин сууга кулаган видеосу

798
(жаңыланган 15:12 18.09.2018)
Кайыктагы туристтер мухиттин ортосунда суу бүркүп бара жаткан китке суктанып туруп, жанына келген дагы бир ири суу жаныбарын байкабай калышкан.

Аляскадагы туристтерге кол сунса жетчүдөй жакын келген жана бүт тулкусун сууга күч менен таштаган киттин видеосу пайда болду. Бул туурасында РИА Новости Daily Mail басылмасына таянып кабарлады.

Видео басылманын Facebook баракчасына жарыяланган.

Кайыктагы туристтер мухиттин ортосунда суу бүркүп бара жаткан китке суктанып туруп, жанына келген дагы бир ири суу жаныбарын байкабай калышкан. Качан гана тоо сымал чыга калган китти көргөндө бир апкаарып, бир таңгалып туруп бергенден башка арга калган эмес. Кит карап тургандардын көз алдында бүт тулкусун сууга күч менен таштап, миңдеген суу чачырандыларынан фонтан жасап бергендей элес калтырды.

Бул сейрек видео Алясканын булуңуна жакын жерде тартылган.

 

798
Белгилер:
толкун, кит, турист, суу, Аляска
Тема боюнча
Кытайлык ойлоп табуучу абада учкан скутер жасады. Видео
Кытайдагы зоопаркта "машыккан" панда. Жылмаюу тартуулаган видео
АКШда аюу унаанын ичиндеги бананды тое жеп туруп уктап калган. Видео

Күн күркүрөп, чагылган чартылдап... Түнкү жарышта чуркаган жөө күлүктөр. Видео

11
(жаңыланган 01:16 20.06.2021)
Бүгүн спорт ышкыбоздору үчүн чоң майрам болду. Борбор калаада жыл сайын өтүүчү Toyboss Night Run 2021 жарышы өтүп, көпчүлүккө жагымдуу маанай тартуулады.

Жарыш 5, 10 жана 21,1 чакырымдык үч дистанцияда өттү. Кечки саат 9да башталган иш-чараны эң узак аралыкка чуркоочулар баштап берди. Жаңырган музыка, жолду бойлой суу, банан сунуштап турган уюштуруучулар жөө күлүктөргө дем берип, колдоо көрсөтүп жатышты.

Күндүн көзү бузулуп, жаан жаап, күн күркүрөп, чагылгандын чартылдашы да катышуучуларга жолтоо боло алган жок.

Милиция кызматкерлери жол кыймылын тескеп турса, жөө күлүктөрдүн саламаттыгына кооптуулук жаралып калса деп тез жардам унаасы да нөөмөттө болду.

Марага келген ар бир катышуучу медаль тагынды.

11
Белгилер:
Бишкек, жөө күлүк, жарыш
Тема боюнча
Бишкекте түнкү жарыш старт алды. Сүрөт

Россиялык YouTube-блогер Бишкек менен кыргыздарды сүрөттөп берди. Видео

1473
(жаңыланган 11:18 19.06.2021)
Кыргызстанга россиялык саякатчы-блогер Лариса Булина келип кетти. Ал өз аудиториясына Бишкек жөнүндө гана көрсөтпөстөн, кыргыздардын ким экенин билүүгө аракет кылды.

Берүүнүн башында автор Бишкек мурдагы Советтер Союзунун курамындагы өлкө борборлорунун ичинен анча билине бербеген шаар экенин айтат. Ошол эле учурда калаанын уникалдуу экенине токтолот. Ага кыргызстандык YouTube-блогер Адилет Ногойбаев гид болуп берген.

Баарынан дагы блогер кыргыз таануучу Мелис Мураталиев менен маектешкени кызыгуу жаратат.

"Бишкекте бир нече күн жашап, көчөлөрүндө сейилдеп, эл менен сүйлөшүп жүрүп бул шаардын башкаларга окшошпогон өзгөчөлүгү эмнеде экенин түшүндүм. Көрсө шаардыктардын жан дүйнөсү ачык экен. Мээримдүү караган көздөр, жылмаюулар, меймандостук жана тамашакөйлүк... Мына Бишкектин жүзү. Бишкек мен үчүн эркиндикти сүйгөн, күчтүү, мекен жана адилеттүүлүк үчүн күрөшкөн адамдардын шаары болуп калды. Бул адамдар менен жыргалды дагы, түйшүктү дагы бөлүшө аласың. Бул шаар менин досторумдун шаары", — деди россиялык блогер.

Ошондой эле ал кийин көк бөрү спорту боюнча атайын берүү даярдоону пландап жатканын айта кетти.

1473
Белгилер:
туризм, блогер, Бишкек
Тема боюнча
Кыргызстанга кирүүнүн эрежеси. Кандай документтер талап кылынат?