Арстан менен бет маңдай келгенде! Туристтерди аралап жүргөн жырткычтын видеосу

539
(жаңыланган 22:03 04.09.2018)
Туристтерди коштоп жүргөн жетекчисин таанып, автоунаасына түшүп алып, конокторду жалап-чуктап айласын кетирген арстанды көрдүңүз беле? Мындай видеону Крымдагы "Тайган" деп аталган арстандардын паркы YouTube каналына жарыялады.

Жол боюнча жаткан арстан электромобилдин рулундагы "өң-тааныш" адам – парктын жетекчиси Олег Зубковдун таанып, унааны "тебелеп-тепсеп" кирип келе жаткандыгын көрүүгө болот.

Видеону байкап турган адам арстан канчалык чоң болгону менен анын мышык сымал жоруктарын көрөт. Жаныбар жаны чыгып, коркуп, бирок сыр билгизбей отурган туристтердин бети-башын жалап-чуктап, салондун ичине кирип алган. Жырткыч кучак жеткис денеси менен отурган туристтерди жаап да калган.

Видеону көргөн интернет-колдонуучулар сафари-парктагы мындай мамиле жана кадамдын кесепетинен адам өмүрү менен кош айтышып калышы да мүмкүн деген пикирлерин калтырышкан.

539
Белгилер:
турист, арстан, парк, сафари, Крым, Россия
Тема боюнча
Унаага баш салып туристтердин тамагынан ооз тийген зебра. Күлкүлүү видео
Эликтин чаарчыгы Москвадагы автосалонго кирип "чаң-тополоң" салды. Видео
Капылет өлүм. Мойнун тырмайм деп бутакка кыпчылган акыра өлүп калды

Башкы прокуратуранын өрттөлгөн имаратына экскурсия. Видео

205
(жаңыланган 16:20 25.11.2020)
Sputnik Кыргызстан агенттигинин кабарчысы Башкы прокуратуранын өрттөнүп кеткен имаратына кирип окурмандар үчүн түз эфир алып барды.

Белгилей кетсек, Киев менен Орозбеков көчөлөрүнүн кесилишинде жайгашкан имарат 2010-жылдагы апрель окуяларында өрттөлгөн.

Бүгүн, 25-ноябрда, бул имараттын ордуна жети кабаттуу эки муниципалдык имарат куруу пландалып жатканы маалым болду. Анда Бишкек шаардык кеңештин аппараты жана шаардык кызматтар жайгашмакчы.

205
Белгилер:
имарат, Башкы прокуратура, Бишкек
Тема боюнча
Мэрия Башкы прокуратуранын өрттөлгөн имаратынын тагдырын чечмей болду

Жогорку Кеңештин депутаттары 2021-жылдын бюджетин карады. Видео

102
(жаңыланган 17:58 25.11.2020)
Жогорку Кеңештин кезектеги жыйыны өттү. Бүгүн депутаттар чоң жыйындар залында отурушат. Бул жер оңдоп-түзөөдөн өтүп, октябрдагы башаламандыктардан кийин биринчи ирет чогулушууда.

Түшкү тыныгуудан кийинки жыйын башталды. Күн тартибинде башкы маселе "2021-жылдын республикалык бюджети жана 2022-2023-жылдарга болжолу жөнүндө" мыйзам долбоору.

102
Белгилер:
бюджет, түз эфир, жыйын, Жогорку Кеңеш
Тема боюнча
Новиков Кыргызстан чет жактан канча карыз алып, кайда жумшаганын айтты
ЖК социалдык өнүктүрүү министри кызматына Ализа Солтонбекованы колдоду
UFC чемпиону Хабиб Нурмагомедов. Архив

Көк бөрү көрөбүз! Хабиб машыктыруучусу менен Кыргызстанга келет

96
(жаңыланган 01:19 26.11.2020)
Нурмагомедов Кыргызстанга 2018-жылы келген. Анда ал өлкөдө ушунчалык атактуу экенине таң калганын билдирген.

БИШКЕК, 25-ноя. — Sputnik. UFC чемпиону Хабиб Нурмагомедовдун машыктыруучусу Хавьер Мендез Instagram баракчасына Кыргызстанга келип, көк бөрү оюнун көрүү каалоосу тууралуу жазган.

Посмотреть эту публикацию в Instagram

Публикация от Javier Mendez (@akajav)

Мендез менен Нурмагомедов азыр Бириккен Араб Эмирлигинде жүргөнү маалым болду. Машыктыруучу Кыргызстанды кайрадан көргүсү келип жатканын кыргыз ишкери менен жолукканда айткан.

"Кереметтүү Кыргызстанга барууну чыдамсыздык менен күтүп жатам, ошондой эле көк бөрү оюнун да көрсөк дейбиз", — деп жазган Мендез. 

UFC чемпиону да Instagram баракчасынын сторис бөлүмүнө "Жакында Кыргызстанга барам" деп жазган.

Белгилей кетсек, 2018-жылы Хабиб Нурмагомедов Улуттук олимпиада комитетинин чакыруусу менен өлкөгө келип кеткен. Анда ал КРде ушунчалык атактуу экенине таң калганын билдирген.

96
Белгилер:
Көк бөрү, спортчу, тренер, Хабиб Нурмагомедов, Кыргызстан
Тема боюнча
Миссиямды аткардым. Хабиб кайра октагонго чыгар-чыкпасын айтты