(0:29 / 2.76Mb / )

Нарматовдун үйүн тоноп, дагы башкасын жасады делген кишинин сурагы. Видео

3704
(жаңыланган 15:48 18.09.2018)
Милиция издөөгө алынган бул кишини таанып калгандар болсо, жалгыз-жарым, өз алдынча кармоого аракет кылбоону, анын куралдуу жана кооптуу экендигин эскертти.

Ал дин аалымы Абдышүкүр Нарматовдун үйүнө ууруга кирген, Бишкектин борборундагы кытай ресторанын карактаган, Чүйдүн бир айылында акча алмаштыруучу жайды тоногон, адам канына забын болгон деп жана дагы бир нече кылмышка айыпталууда.

Талас облусунда туулган, буга чейин аял зордуктоо, каракчылык үчүн издөөгө алынган 32 жаштагы Жылдызбек Бекмурзаевге кийин дагы бир топ оор кылмыштар боюнча айып тагылып, учурда ал издөөдө экендигин милиция билдирди. Ага Кыргызстанда жана бир нече оор кылмыштар үчүн Казакстанда издөө жарыяланган.

Ал 2017-жылдын 21-июлунда Казакстандын Костанай шаары менен Кыргызстандын ички иштер органдарынын тиешелүү бөлүмдөрү биргеликте иштеп алып барып, издөөдөгү Жылдызбек Бекмурзаевди кармаган. 2017-жылдын июль айында Костанай шаарында (Казакстан) тартылган видеодо кармалган киши Кыргызстандын ИИМинин кызматкерлери менен Костанай облусунун Ички иштер департаментинин кызматкерлерине сурак берип жатат.

Ага чейин Бекмурзаев Казакстандын чек арасына мыйзамсыз өтүп, Алматы, Тараз, Костанай шаарларында жашырынып жүргөн. Аны мекенине кайтарып берүү маселеси көтөрүлгөндө, казак бийлиги Бекмурзаевди экстрадициялоодон баш тартып, чек араны мыйзамсыз өткөндүгү үчүн жарым жылга эркинен ажыратып, абакка кескен. Ал көп өтпөй түрмөдөн качып кеткен. Казакстан ага издөө жарыялаганы менен, үйүнө кайтып келген Бекмурзаев жаңы кылмыш тобун негиздеген.

2017-2018-жылдары жасалган бир нече карактоо, талап-тоноо, уурдоо, киши өлтүрүү иштерине айыпталууда.

ИИМдин криминалык милиция кызматы жарандарга кайрылып, бул адам тууралуу маалымат билсе, милициянын (312) 26-62-61; (550) 101-086; (558) 919-199; (559) 148-310 номерлүү телефондоруна кайрылып, маалымдоону өтүнөт.

Маалыматтын купуялуулугу сакталып, сыйлык карала турганы айтылды. Милиция бул адам куралдуу жана кооптуу болгондуктан, аны көргөн-билгендер өз алдынча кармоого аракет кылбашы керектигин эскертет. Учурда ИИМдин Криминалдык милиция кызматы аны кармоо үчүн тиешелүү иш-аракеттерди жүргүзүп жаткандыгы айтылган.

Аталган топ кандай кылмыштарга шектелип жаткандыгы туурасында ИИМ тараткан кеңири маалыматтан таанышууга болот.

3704
Белгилер:
эскертүү, кылмышкер, издөө, талап-тоноо, адам өлтүрүү, ИИМ, Казакстан, Кыргызстан
Тема боюнча
Абдышүкүр Нарматовдун үйүн карактагандар табылды. Башка кылмыштары да ачыкталууда
Уурунун кылтагына илинген атактуулар. Чачылган үй, 30 миң доллар, зер буюмдар
Пикирлер