Кубанган эне чемпион уулу Эрбол Бакировду бетинен сүйүп, бооруна кысты. Видео

Жазылуу
21-сентябрь күнү "Манас" эл аралык аэропортунда грек-рим күрөшү боюнча жаштар арасында өткөн дүйнө чемпионатынан алтын алган Эрбол Бакировди күйөрмандары, туугандары тосуп алды.

Спорттун олимпиадалык түрлөрү боюнча дирекциясынын директору Жоомарт Шамканов спортчуга калпак, чепкен кийгизип, ийгилик каалады.

Сальто жасап, маңдайы жарыла сүйүнүп. Дүйнө чемпиону Бакировдун финалдагы видеосу - Sputnik Кыргызстан
Сальто жасап, маңдайы жарыла сүйүнүп. Дүйнө чемпиону Бакировдун финалдагы видеосу
Эрболдун апасы маңдайы жарыла кубанып уулун бетинен өөп, бооруна кысты. Ал эми күйөрмандары анын сүрөтү түшүрүлгөн плакаттарды көтөрүп турушту.

Эскерте кетсек, Трнава (Словакия) шаарында жаштар арасында күрөш боюнча дүйнө чемпионаты 17-сентябрда башталган. Кыргызстандык грек-рим күрөшчүлөрү Эрбол Бакиров 63 килограммга чейинки салмакта дүйнө чемпиону болсо, Акжол Махмудов 77 килограммга чейинки салмакта коло медалды багындырды.

Махмудовду да Оштон күйөрмандары жакшы маанай менен тосуп алышты.

Жаңылыктар түрмөгү
0