Учак жүргүнчүлөрүнүн баштыктарын ушинтип жүктөштү. Соцтармакты чуу кылган видео

1296
(жаңыланган 12:12 04.10.2018)
Гонконг эл аралык аэропортунан баштыктарды ыргытып жаткан жүктөгүчтөрдүн видеосу социалдык тармакта кызуу талкуу жаратты.

37 секундалык ролик дем алыш күнү жарыяланып, 6 миллиондон ашык жолу каралды.

Видеодо олбурлуу эки киши учактан түшүрүлүп жаткан баштыктарды атайын унаага катуу ыргытып жатканын көрүүгө болот.

The Daily Mail басылмасынын жазышынча, баштыктарынын ыргытылып жатканын көргөн жүргүнчүлөр бир чети таң калып, бир чети жиндери келген. Айрым колдонуучулар жүктөгүч кишилерди "жалкоолор" деп аташкан.

Кийин компания аталган кызматкерлер иштен алынганын айтып, жүргүнчүлөрдөн кечирим сураган.

1296
Белгилер:
видео, баштык, аэропорт, Гонконг
Тема боюнча
КМШдагы эң мыкты аэропорт аныкталды

Ракета тийген имарат бир секундда урады. Газадан тартылган видео

142
(жаңыланган 20:06 17.05.2021)
Израиль менен Палестинанын ортосундагы куралдуу конфликт дагы деле уланып жатат. Тараптар бир нече күндөн бери бири-бирине ракеталарды кое берүүдө.

Май айынын башында Чыгыш Иерусалимдеги Шейх-Жаррахта жашаган бир нече палестиналык үй-бүлөнү аталган аймактан чыгаруу боюнча соттун чечиминен кийин палестиналыктар нааразы болуп чыгышкан. Мындан улам абал курчуп Аль-Акс мечитинин жанында Израиль полициясы менен Палестинанын жарандары кагылышкан. Кийин ХАМАС согушкерлер тобу Израилдин аймагына ракета ата баштаган. Израиль дагы жооп катары Газа тилкесине ракета менен сокку ура баштады.

Израилде 10 адам курман болуп, 50 киши жабыркады. Палестинада болсо курман болгондордун саны 218 кишиге жетти.

Акыркы маалыматтарга караганда, ракеталар Израилдеги Ашдоде шаарындагы имараттардын бирине тийген. Жабыркагандар бар. Израилдин армиясынын маалыматы боюнча, алар ХАМАС кыйымылынын командирлеринин үйлөрүн аткылап жатышат.

142
Белгилер:
ХАМАС, согуш, ракета, Газа тилкеси, Израиль
Тема боюнча
Имараттарды кыйраткан ракеталар. Газа тилкесинен тартылган видео
Газа тилкесинде көз жумган палестиналыктардын саны 181ге жетти
Убактылуу баш паанек сурап БУУга 40 миңге чукул палестиналык кайрылды

"Ууланган Кумтөр": депутаттарга алтын кен тууралуу тасма көрсөтүлдү

193
(жаңыланган 11:43 17.05.2021)
Жогорку Кеңештин кезексиз жыйынында Кумтөр маселеси каралар алдында депутаттарга алтын кен тууралуу тасма тартууланды.

"Ууланган Кумтөр" аттуу көрсөтүүнү Коомдук телерадио корпорациясынын журналисти Медер Шерматалиев тарткан.

Бегилей кетсек, бүгүн парламентте кезексиз жыйын өтүп, анда Кумтөр жана чек ара маселелери каралууда.

193
Белгилер:
тасма, Кумтөр, Жогорку Кеңеш, Кыргызстан
Тема боюнча
Кумтөрдө мөңгүлөргө көзөмөл кылган система өчүрүлгөнү айтылды
Түркиянын Диярбакыр шаарында көчөдө бараткан адамдар. Архив

Түркияда пандемиянын эң кыйын учуру бүттү. Эрдоган элге кайрылды

0
Эрдоган карантинден улам элдин чыдамы кетип турганын билерин, бирок Түркия локдаундун натыйжасынан улам пандемияны кайрадан көзөмөлдөп калганын айткан.

БИШКЕК, 17-май — Sputnik. Түркиянын президенти Режеп Тайип Эрдоган Түркияда пандемиянын эң кыйын учуру бүткөнүн, эми мындан ары коронавирус боюнча чектөө чараларын киргизбөөгө ишеним артып турганын айтты. Бул туурасында РИА Новости жазды.

Эрдоган буга чейин Түркияда пандемия учурунда эң узак локдаун — 29-апрель, саат 19.00дөн тарта 17-май, саат 5:00гө чейин чектөө жарыялаган эле.

ИИМден башка бардык уюмдар менен мекемелер бул мезгил ичинде өзүнүн ишин токтоткон. Өлкөнүн ичиндеги шаар аралык каттамдар бийликтин уруксаты менен гана жүргөн. Түркиянын Саламаттык сактоо министрлиги аталган өлкөдө сутка ичинде коронавирус чыккан учур 10 512 болгонун, бул 1-мартка караганда бир топ азайгандыгын билдирди. Ал пандемия башталгандан тарта 6 эсеге түшкөн, 16-апрелде көрсөткүч 63 082 эле.

"Биз баарынын чыдамы кетип турганын билебиз. Кабыл алынган чаралар менен локдаундун натыйжасынан улам пандемияны кайрадан көзөмөлдөй алдык. Биз эң кыйын абалдан өттүк, эми мындай катаал чаралар башка жолу киргизилбейт деп ишенем. Бирок баары өзүбүзгө байланыштуу болот. Эл тиешелүү чараларды тоготпой койбошу керек", — деген Эрдоган бүгүнкү телекайрылуусунда.

Анын айтымына караганда, чектөө муну менен бүтүп калбай 1-июнга чейин уланат жана жакын арада бул боюнча маалымат берилет.

Буга чейин Түркиянын ИИМи карантин акырындап алына баштаарын, бирок 1-июнга дейре саат 21:00дөн саат 5:00гө чейинки коменданттык саат уланарын айткан. Андан сырткары, ишемби, жекшембидеги күндөрдөгү чектөө да алынган эмес.

Ал эми шаар аралык поезддик каттамдар акырындап калыбына келери, кафе-ресторандар тамакты жеткирип берүү системасы менен иштей турганы кабарланды.

0
Белгилер:
карантин, коронавирус, локдаун, Режеп Тайип Эрдоган, Түркия
Тема:
Дүйнөгө жайылган коронавирус
Тема боюнча
Түркияда коронавируска байланыштуу чектөөлөр акырындык менен алынууда