Учкучтун жүрөгү тоодой экен! Көп кабаттуу имараттарды аралаган учактын видеосу

814
(жаңыланган 23:09 14.10.2018)
Учкуч Sunsuper Riverfir авиашоусунун алкагында имараттарды аралап учкан. Бирок окуяга күбө болгон адамдардын көбү ага кыжырланууда.

Австралиянын Брисбен шаарында Boeing C-17 учагы көп кабаттуу үйлөргө жакын учуп адамдардын жүрөгүн түшүрдү. Бул тууралуу Daily Mail басылмасы жазды.

Видеодон учак көп кабаттуу үйлөрдү аралап учуп, кайра жогорулап кеткенин көрүүгө болот.

Басылмада белгиленгендей, учкуч бул ыкманы сентябрда өткөн Sunsuper Riverfir авиашоусунун алкагында аткарган. Бирок көпчүлүк адамдар буга кыжырданган.

814
Белгилер:
видео, көп кабаттуу үй, учак, Австралия
Тема боюнча
Учак жүргүнчүлөрүнүн баштыктарын ушинтип жүктөштү. Соцтармакты чуу кылган видео
Жүрөк оозго кептелет... Мексикадагы кулап бараткан учактын ичинде тартылган видео

Дарыгер геморройду дарылоо жолун жана операциянын баасын айтып берди. Видео

111
(жаңыланган 15:34 05.12.2020)
Саламаттык сактоо министрлиги геморройду дарылоо ыкмалары жана статистикалык маалыматтар менен бөлүштү. Оору тууралуу Улуттук госпиталдын проктология бөлүмүнүн башкы дарыгери Ысакжан Бектенов айтып берген.

Медиктин айтымында, өлкөдө геморрою бар адамдардын так санын билүү кыйын. Себеби менталитетке байланыштуу айтуудан тартынып, баары эле проктологдорго кайрыла бербейт.

"Мисалы, 10 адамдын беш-алтоосунда көтөн чукук ооруларынын кайсы бир түрү бар. Ал эми көтөн чучук ооруларын 40 пайызын геморрой түзөт. Бир жылда кеңеш алуу үчүн өлкө боюнча 5000дей адам кайрылат. Анын ичинен 1800-1900 бейтапка операция жасалат. Операциялык эмес ыкма менен дарыланып жаткандардын саны өлкөдө 3000 кишиге жетет", — деди Бектенов.

Проктолог геморройду биринчи, экинчи стадиясында операциясыз эле үч ыкма менен айыктырса болорун айтты. Ал эми үчүнчү-төртүнчү стадиясына өтүп кетсе операция талап кылынат. Бул учурда медициналык камсыздандыруусу бар жарандар 1160 сом төлөп, бардык кызматтарды, дары-дармеги менен кошо алат. Эгер камсыздандыруусу жок болсо 2980 сом төлөйт.

Башкы дарыгер айыктыруучу ыкмаларды өз алдынча колдонбоого чакырды. Ал ар кимдин оорусу ар кандай стадияда болорун эскертет.

111
Белгилер:
оору, дарыгер
Тема боюнча
Ноутбук менен жатып алып иштөө зыян. Дарыгердин түшүндүрмөсү
Балага телефон берип горшокко отургузуп койсо, геморрой болот да! Проктологдун маеги

Крымдан улам НАТО Россия армиясына тыюу салууга кыялданып келет

167
Йенс Столтенберг НАТО Россиянын кадамдарына карап, ага жооп иретинде Кара деңизге көбүрөөк күчүн жайгаштыра тургандыгын айтты. Бирок Түндүк атлантикалык альянстын башкы катчысы аскердик блоктун күчтөрү Россиянын чек арасында эмне кылып жүргөндүгүн түшүндүргөн жок.

Андан сырткары, Россия эмне үчүн өзүнүн аймагын НАТО тараптан улам арбыган коркутуп-үркүтүүлөрдөн коргобошу керек дегенге да жооп бере алган жок.

Акыркы учурда альянс тараптан Россия чек арасына жакын аймактарда көбөйүп кеткен агрессиялык аракеттер арбыгандыктан, Россия өзүнүн коопсуздугун камсыздаганга аргасыз.

167
Белгилер:
чагымчыл, чек ара, Крым, НАТО, Россия, АКШ
Тема боюнча
НАТО Кара деңизге чыгууда. Альянс Крымда Россияны кысымга алмакчыбы?
Грузиядагы "Татыктуу өнөктөш-2020" аяктады. НАТО аскерлери өлкөдө эмне кылды
Мечитте намаз кылып аткан киши. Архивдик сүрөт

Министрлик диний маалыматтарды абайлап чагылдырууга чакырды

0
(жаңыланган 17:35 05.12.2020)
Мекеменин билдиришинче, соңку кезде өзгөчө этияттуулукту талап кылган дин жана радикализм маселелерине тиешелүү билдирүүлөр чагылдырылып жатат.

БИШКЕК, 5-дек. — Sputnik. Ички иштер министрлиги диний маселелерди чагылдырууда мыйзамдагы нормалардын чегинен чыкпоого чакырат. Бул тууралуу мекеменин маалымат кызматы кабарлады.

Билдирмеге ылайык, соңку кезде өзгөчө этияттуулукту талап кылган дин жана радикализм маселелерине тиешелүү билдирүүлөр чагылдырылып жатат. Анын ичинде Баш мыйзамдан "Мамлекеттин башкаруусуна дин аралашпаган" түшүнүгүн алып салуу тууралуу сунуштар кызуу талкууга алынып, коомчулук ар кандай пикирлерин айтып жатканы белгиленет.

"Ушуга байланыштуу министрлик калкты радикалдаштыруу аракеттерин көргөн материалдарга көңүл бурууга милдеттүү. ИИМ жарандардан, диний жана коомдук ишмерлерден бул маселени талкуулоодо өзгөчө этият болуп, калкты тынчсыздандырбоого жана мыйзамда көрсөтүлгөн нормалардын чегинен чыкпаганга чакырат", — деп жазылган маалыматта.

Диний кастыкты козуткусу келгендерге мыйзам чегинде чара көрүлөрү эскертилди.

0
Белгилер:
эскертүү, ИИМ, Кыргызстан
Тема боюнча
Кыргызстанда ишмердигине тыюу салынган уюмдар. Тизме