(4:09 / 29.43Mb / )

Коляскадагы майып кыз унааларды "чийип" алды. Бишкектеги соцэксперимент

957
(жаңыланган 19:52 25.10.2018)
Элдин жолдон өтүүсүнө тоскоолдук жаратып, унаасын туура эмес жерге токтотуп койгон айдоочуларды эстеп көрүңүз. Биз алардын унаасын коляскадагы майып кыз капыстан чийип алса күнөөлөрүн сезишер бекен деп текшерип көрдүк.

Социалдык эксперименттин каарманы Айпери Аралбаева. Ал майып болгондуктан буга чейин коляскада отурчу. Азыр таяк менен басат. Каарман туура эмес жерге токтотулган унааларга "кечириңиз, сиздин унааңызды чийип алдым. Мага чалып коюңуз, чыгымын төлөп берем" деп жазылган кат таштап кетип жатты. Аныгында унааларда эч кандай чийин болгон эмес.

"Айдоочулар чийилген так жок болсо деле менден акча алат болду бекен деп кызыктым. Ошондой эле унааларын туура эмес жерге токтоткону үчүн өздөрү күнөөлүү экенин сезишеби деген суроо жаралды", — деди Аралбаева.

Онго жакын унаага жогорудагыдай кат ташталды. Айдоочулардын көпчүлүгү эч кандай чийин табышпаганын айтып акча алуудан баш тартышты. Бирок эки айдоочу чийин жок болсо дагы каарманды "абайлабайсыңбы" деп жемеледи. Өзүн ЖАМКнын өкүлү катары тааныштырган аял милицияга чейин чаларын айтып, кийин кайра жоошуп калды.

Чынчылдык жагынан айдоочулардан көйгөй жаралбаганы менен, эстүүлүк жагынан алганда болгону бир гана айдоочу өзү күнөөлүү экенин моюндады. Аялдардын бири эртеси күнү да унаасын ошол эле жерге, болгондо да тротуарга токтотуп койгон.

957
Белгилер:
социалдык эксперимент, эреже, айдоочу, Бишкек
Тема:
Sputnik жүргүзгөн социалдык эксперименттер (22)
Тема боюнча
Бишкекте азиз киши капчыгын түшүрүп алганда, көзү көргөндөрдүн мамилесине таңгаласыз
Соцэксперимент: ооруканага жете албай жаткан кызды таксисттер бекер алып барабы?

Тынчтыкка карай... Россия Тоолуу Карабахка кандай жардам берип жатат

168
Өзүн-өзү эркин деп жарыялаган Тоолуу Карабах республикасынын жашоочулары согуштан кийин акырындык менен үйлөрүнө кайта баштады. Аларга россиялык тынчтык орнотуучулар менен ӨКМ куткаруучулары жардам берүүдө.

Аскер инженерлери согуш учурунда талкаланган аймакта байланыш каражаттары менен инфраструктураны калыбына келтирүүгө жардам берүүдө. Ошондой эле жол кыймылы калыбына келип, борбор калаада коомдук транспорт каттай баштады.

Адистер мурда согуш талаасы болгон аймактын ар бир метринен жарылуучу заттарды издеп, учурда 2 гектар аймак менен 3 чакырым жолду тыкыр карап чыгышты. Көптөгөн жарандык жана социалдык объектилер текшерилди.

168
Белгилер:
жашоо, эл, тынчтык, Тоолуу Карабах, Россия
Тема:
Тоолуу Карабахтагы жаңжал
Тема боюнча
Кадам сайын жарылбасын! Карабахтагы миналарды зыянсыздандыруу аракеттери
Карабахтагы сириялык туркомандар: согушууга барышканбы же жайгашуугабы?

Майк Тайсон менен Рой Жонстун көз караштар таймашынын видеосу

673
(жаңыланган 14:39 28.11.2020)
Беттеш сегиз раундга, анын бир бөлүгү эки мүнөткө ылайыкташкан. Мушкерлер шлем кийишпейт, 12 унций салмактагы машыгууда кийилүүчү мээлей менен беттешет.

Кесипкөй бокстун дөө-шаалары Майк Тайсон менен Рой Жонс кенжеси беттеш алдында таразага түшүп, көз караштар таймашын өткөрдү. Тайсон атаандашынан 5 килограммга оор болгонун Р-Спорт маалымат булагы жазып чыкты.

Беттеш 28-ноябрда АКШнын Калифорния шаарында өтөт. Жума күнү өткөн таразага түшүү аземинде америкалык Майк Тайсон 220,4 фунт (99,97 килограмм), ал эми анын атаандашы Россиянын жарандыгын алган Рой Жонстун салмагы 210 фунт (95,25 килограмм) чыккан.

Кайрымдуулук беттеш буга чейин 12-сентябрда Калифорнияда болору айтылып, Тайсондун командасынын спорттук иш-чарадан түшүүчү кирешени арттыруу максатында айткан өтүнүчү менен уюштуруучулар аны кийинкиге жылдырышкан.

Беттеш сегиз раундга ылайыкташкан. Ар бир бөлүк эки мүнөткө белгиленген. Алар шлем кийишпейт, 12 унций салмактагы машыгууда кийилүүчү мээлей менен беттешет.

Таймаштагы эсепти Дүйнөлүк бокс кеңешинин (WBC) өкүлдөрү жүргүзөт. ЖМКларда айтылган маалыматтарга ылайык, бул беттештен Майк Тайсон 10 миллион доллар гонорар алат, ал эми кенже Рой Жонс үч миллион доллардын тегерегинде пайда табат.

Sputnik Кыргызстан ата мекендик көрүнүктүү бокс чеберлери, машыктыруучулардын бул беттешке болгон болжолдорун билип көргөн.

673
Белгилер:
беттешүү, бокс, Рой Жонс, Майк Тайсон
Тема боюнча
Тайсон Жонсту тез утпаса иш чатак болот. КР боксчуларынын беттешке божомолу
Париждеги глобалдык коопсуздук жөнүндөгү мыйзам долбоорго каршы митинг

Унаалар өрттөлүп, ок атылды. Франциядагы башаламандыктын видеосу

0
(жаңыланган 00:15 29.11.2020)
Каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

БИШКЕК, 28-ноя. – Sputnik. Париждеги (Франция) тынчтык митингинде башаламандык жаралып, демонстранттар менен полиция кагыша кетти. Бул тууралуу Russia Today агенттигинин Telegram-каналына жарыяланды.

Жарандар глобалдык коопсуздук жөнүндөгү мыйзам долбоорго каршы митингге чыгышкан. Андагы пунктулардын бирине ылайык, физикалык жана психикалык жактан зыян келтирүү максатында полиция адамынын сүрөтүн же идентификациялоонун кайсы бир элементин жайылткандарга бир жыл абакта отуруу жана 45 миң евро айып пул салынат.

Акцияга жарандардан сырткары ЖМК өкүлдөрү, адвокаттар жана бир нече парламентарийлер катышкан.

Кийинчерээк каршылык акциясынын катышуучулары полиция кызматкерлерин көздөй петарда жана бөтөлкө ыргытып жаткан видео тарады. Мындай көрүнүш акция башталгандан 1,5 саат өткөндөн кийин болгон.

Андан соң митингчилер менен укук коргоочулар кагыша кеткен.

Башаламандык учурунда бир нече унаа жана мотоцикл өрттөлгөн.

Көчөлөрдөн кулак тундуруучу гранаталардын үнү угулуп турган.

Маалыматка караганда, демонстранттардын айрымдары дүкөндөрдүн витриналарын жана унааларды талкалашкан.

0
Белгилер:
Митинг, башаламандык, Франция
Тема боюнча
Нарышкин: Россиянын Тышкы чалгын кызматы үчүн ЦРУ башкы атаандаш