Кыз-жигит тиктеше чимирилип… Майыптардын алгачкы бий мектеби ачылды. Видео

Жазылуу
Кыргызстанда алгачкы жолу ден соолугунан мүмкүнчүлүгү чектелген адамдардын бий мектебинин ачылышы болуп өттү. Мындай долбоорду Love-Life коомдук фондунун жетекчиси Айнура Телеушева ишке ашырды.

Бий мектеби Round Infinity аталышында Бишкектеги Асанбай кичирайонунда жайгашкан. Иш-чаранын ачылышында коомдук активист Үкөй Мураталиева менен хореограф Артур Богомятов танго бийледи.

"Алгач жөн эле бийлеп көрөйүн дедим. Кийинки күндөрү кыймыл-аракеттери жага баштады. Азыр үйрөнгөнүмө төрт айга чукулдап калды. Ушунун баары хореографтардын эмгеги. Баштаган ишти таштабай мындан ары өркүндөтөм ", — деди бийге маашырланган Мураталиева.

Долбоордун жетектиси Айнура Телеушеванын айтымында, майып адамдарга арналган бий студиясы Кыргызстанда алгачкы ирет ачылып жатат. Келечекте бийчилерди эл аралык сынактарга катыштыруу башкы планы экендигин айтып берди.

Активистка Гульзана Жаркынбаева с ОВЗ - Sputnik Кыргызстан
Эркектер коляскадагы сүрөтүңдү кой дешет. Кырсык тооруган Гүлзананын баяны
"Бала кезден тарта бийге кызыкчумун, бирок биздей адамдарга ылайыктуу ийрим тапкан эмесмин. Акыры максатымды ишке ашырдым. Бизге чейин "Тумар" бийчилер тобу элге таанылып калган, алардан айырмабыз бийчилерди тарбиялап чыгарабыз. Ал топ менен да иштешкибиз келет. Келечекте спорттук бий боюнча Дүйнө чемпионатына жана паралимпиадага катышалы деген максат бар", — деди Телеушева.

Ал кошумчалагандай, студияда бийдин бир нече түрүн үйрөнүүгө болот. Мектеп ден соолугунан мүмкүнчүлүгү чектелгендерден сырткары, бардык каалоочуларга ачык.

Жаңылыктар түрмөгү
0