Топоз минип шаар аралап... Бишкектин жанынан тартылган видео

(жаңыланган 12:18 06.11.2018)
Топозчон киши бул жаныбарды Нарын облусунун Ат-Башы районунан алып келген.

Бишкектин 7-апрель көчөсү менен жогору жакты көздөй кетип бара жаткан топозчон жигитти Көк-Жар айылынын жанынан видеого тартып алышкан. Анын айтымында, Ат-Башыдагы жайыттан алып келип, топозду эшикке ары-бери бастырып коеюн деп алып чыккан.

"Азыр 1,5 жашта. Иштетсем деген ниет бар. Азоо болчу, азыр колго көндү. Жылкыга караганда, муну үйрөтүү кыйын. Жылкынын көк буусу чыккандан кийин жоошуп калат эмеспи, ал эми бул азоолугун бир топко унутпайт. Эки жумадай көтөрүп чабылып жатып, үйрөттүм", — деп айтып берген топозчон жигит.

Аны видеого тартып алган киши бул көрүнүшкө таң калгандыгын жашырбай, улам комментарий кылып жаткандыгын угууга болот.

Топоз баккан нарындык кыз туурасында маекти окуңуз.

Белгилер:
жигит, топоз, Ат-Башы, Бишкек
Тема боюнча
Кантип батты экен? Автоунаага башын киргизип алган зубрдын видеосу
Алай районунда ат жана топоз оюндарынын фестивалы өтөт
Ташбеков: туристтерди тартуу максатында ат жана топоз оюндарынын фестивалы өтөт

Ийинин таптап... Андраде Шевченко менен кантип тиктешти. Видео

(жаңыланган 10:26 23.04.2021)
Мушкер кыздар UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

UFC уюмунун чемпиону, кыргызстандык мушкер кыз Валентина Шевченко кезектеги атаандашы Жессика Андраде менен көз караштар таймашына чыкты. Чемпиондук наам үчүн кармашуучу спортчулардын видеосун аталган уюм өзүнүн Instagram баракчасына чыгарды. 

Посмотреть эту публикацию в Instagram

Публикация от ufc (@ufc)

Мушкер кыздар 24-апрелде (Бишкек убактысы боюнча 25-апрелде) АКШнын Флорида штатындагы Жексонвилл шаарында өтүүчү UFC 261 турниринде беттешет. Кыргызстандык Валентина Шевченко чемпиондук наамын коргойт, Жессика Андраде наамга талапкер катары чыгат.

Видеонун астына промоушен "Чемпион наамын коргоп кала алабы же жаңы чемпион чыгабы?" — деген таризде билдирүү калтырган.

Кыргызстандык мушкер беделдүү уюмдун бел курун 2018-жылы польшалык Жоанна Енджейчикти уткандан кийин тагынган. 2019-жылы америкалык Жессика Айды, Лиз Кармушту, ал эми былтыр америкалык Кэтлин Чукагянды, бразилиялык спортчу Женнифер Майяны утуп, наамын төрт ирет коргоп калган.

Ал эми атаандашы бразилиялык спортчу эң жеңил салмактын чемпиону болгон. Акыркы беттешин 2020-жылдын 17-октябрында Кэтлин Чукагян менен кармашып, нокаут менен уткан.

Жессика Андраде карьерасында 29 кармашка чыгып, сегиз ирет жеңилген. Кызыгы, бразилиялык кыз Камару Усман менен Хорхе Масвидель чемпиондук кур үчүн таймашкан UFC 251 мелдешинде Роуз Намаюнаска жеңилген. Андраденин Шевченко менен беттеши да дал ушул Камару Усман менен Хорхе Масвидель чемпиондук кур үчүн таймашкан UFC 261 турниринин алкагында өтөт.

Белгилер:
наам, беттешүү, Жессика Андраде, Валентина Шевченко, мелдеш, UFC
Тема:
Валентина Шевченко Жессика Андраденин беттеши
Тема боюнча
Шевченконун көптөн күттүргөн беттешин кайсы жактан көрсө болот. Тизме
Дана Уайт: Шевченко удаасы менен эки супер беттеш өткөрүшү мүмкүн

Чопулдатып сүт эмип. Эки баштуу, төрт көздүү музоонун видеосу

Фермер уникалдуу бул музоону канча жашаса ошончо жыл бакканга даяр экендигин, ага болушунча кам көрөрүн айткан.

Түндүк Македониядагы уй фермада эки баштуу жана төрт көздүү музоо туулган. Бул тууралуу Wis TV телеканалы маалымдаган.

Видеодон эки баштуу музоо бир оозу менен сүт ичкенде экинчи оозу кошо кыймылга келип жатканын көрүүгө болот.

Фермердин айтымында, жаныбарды карап чыккан ветеринар музоонун органдары азырынча кадыресе, толук кандуу иштеп жаткандыгын билдирген.

Адистер полицефалия сейрек кездешерин, мындай болуп туулган жаныбарлар көпкө жашабай тургандыгын айткан. Анткен менен фермер музоону канча жашаса ошончо жыл бакканга даяр экендигин, ага болушунча кам көрөрүн журналисттерге билдирген.

Полицефалия сүт эмүүчүлөр менен адам баласында жолугат. Эгерде эки эмбрион курсакта жатканда экиге бөлүнбөй калса, алардын эки мээси калыптанып, дем алуу жана тамак сиңирүү органдары бир болуп жарыкка келет. Адатта алар тез эле көз жумат, бирок узакка жашагандары да бар.

Белгилер:
ветеринар, Сүт, фермер, музоо, Македония
Тема боюнча
Зыяны жок. Таиланддагы эки баштуу жыландын видеосу
Эликтер автоунаада

Мүйүзүн кесип салышкан. Чек арадан эликтерди алып өтмөкчү болгондор кармалды

(жаңыланган 13:09 23.04.2021)
Унааны текшерүү учурунда ичинде мүйүзү кесилген 1 жаштан 4 жашка чейинки беш элик табылган. Айдоочунун документтери болгон эмес.

БИШКЕК, 23-апр. — Sputnik. Баткендеги Айдаркен чек ара отрядынын чек арачылары сейрек кездешкен жаныбарларды алып өтүүгө аракет кылгандарды кармады. Бул тууралуу УКМКдан билдиришти.

  • Баткендеги Айдаркен чек ара отрядынын чек арачылары сейрек кездешкен жаныбарларды алып өтүүгө аракет кылгандарды кармады
    © Фото / пресс-служба ГКНБ КР
  • Кадамжай районуна караштуу Жаңы-Жер айылында чек арачылар 49 жаштагы Т.Н. аттуу жарандын Toyota үлгүсүндөгү унаасын байкашкан
    © Фото / пресс-служба ГКНБ КР
  • Тийиштүү документтер толтурулгандан кийин жаныбарлар компетенттүү органдарга өткөрүп берилген
    © Фото / пресс-служба ГКНБ КР
1 / 3
© Фото / пресс-служба ГКНБ КР
Баткендеги Айдаркен чек ара отрядынын чек арачылары сейрек кездешкен жаныбарларды алып өтүүгө аракет кылгандарды кармады

Кадамжай районуна караштуу Жаңы-Жер айылында чек арачылар 49 жаштагы Т.Н. аттуу жарандын Toyota үлгүсүндөгү унаасын байкашкан.

"Текшерүү учурунда унаанын ичинде 1 жаштан 4 жашка чейинки мүйүзү кесилген беш элик табылды. Окуянын чоо-жайын аныктоо үчүн айдоочу менен өзбекстандык жүргүнчү кармалды. Сурак учурунда алар эликтерди Өзбекстанга алып өтүүгө аракет кылышканын билдиришкен. Айдоочунун жаныбарларга документи болгон эмес. Беш эликтин баасы такталып жатат", — дешти УКМКдан.

Тийиштүү документтер толтурулгандан кийин жаныбарлар компетенттүү органдарга өткөрүп берилген.

Белгилер:
мыйзам, Өзбекстан, чек ара, УКМК, бугу, Баткен
Тема боюнча
Автоунаадан жакшы эле секирип өтөйүн деп так үстүнө түшкөн бугу. Видео